1 Njɔyn 5:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Naʼapi ndè vɛ ə è pomə sê Va Fèzhə̀ nyîə ke èghɛ nə zɨ̂nə̀ ə və ətəm. Naʼapi ndè vɛ ə è tàʼa pomə se Va Fèzhə̀ njìə Fèzhə̀ sə wùə àkaŋ kûmə̀ nə è pâʼà pomə ghɛ zɛ ə è pì kûmə̀ Va vəyn.

1 Njɔyn 5:10 Referans Kwoze

Ŋwàʼlè ə̀ Pɔ̂l sê ghɨə Lûmghè 8:16

Zuʼsə Fezhə̀sè tsɨ̂yntə̀ ngɨŋə̂ vəyn è zuʼsə ghasènìse, se tsàyn nə ghâsènì nyi ə ghɔ Fezhə̀ghè.

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Njɔyn 3:33

Pîza pîndè vɛ ə è fi tom ə̀ Vəyn lotə̂ pîə ndò nə Zhə̀fè nyì səmɔʼ.

Njɔyn 5:38

Ghàyn ndə̀mə̀ va tom ə̀ vəyn ə ghàyn ətəm, kûmə̀ nə ghàyn pomə̂ va sê Vɛ ə È tom.

Ipilù 3:12

Ghàyn tɔʼne ə ghɔ nyîə se fe nə kə wùə ə ghàyn ə fètəyn nə kyî ətəm əpiə è tàʼa pomə̂, ə è tə kɛsê epàm ə̂ Fèzhə̀ fɛ ə fe kyi ndamze.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

1 Njɔyn 1:10

Ə ghâsènì pìə nə ə pâʼà nə̀yn pi, ə ghâsènì ə njiə vəyn sə wùə àkaŋ, tom ə vəyn e kyi va luʼve ə ghâsènì endam.

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”

Kòlosè 3:3

Ghàyn e ke nə kə Klâys kwu, ə̀ nyì kəpiə ghàyn ə kwu kepî ghâynghə̀ vəyn.

Etyə̂yn ə paynsêzè 12:17

Ndlangɔ̀yn ə̀təyn ə nyɔʼsə̀ ètɔŋ sê wùzhɔyn ə̀təyn nâʼà sə ŋaŋ ə ndò ndùə ndwîsə̀ èghɔŋ sê tɔŋ ə ndɛ ə wùzhɔyn ətəyn vɛ ə ghənə tè faŋ, ə nyi ə̀ghɨ̀ ghɛ ə ghe tè ndə̀mə lwɔ̂ŋ ə Fezhə̀vè, fɨnə fɛtə kyiə səmɔʼ zɛ ə Njisə̀s tè tyə̀n paynsê.

Etyə̂yn ə paynsêzè 2:28

M tə fo kəpî fèlî fə pɨsə̀pɨsə̀fè sê wùə vɛ ə è nò zhi pi

2 Pità 1:19

È kɨsè nə ghɛ ghɛ ə fɨ̀aʼtèsè tè wàmnə̀ kûmə̀ vəyn nyi ke nâʼà səmɔʼ. Nyiəmə, e nə̀ nə̂ ə ze ə tsɔ̂fə̀ se ghàyn se zɨtê ə zəynze kûmə̀ nə ze nyi ke kə lâm ə è panə elùʼ alɨm se zaʼâ kə tuʼve zo ə Klâys vɛ ə è nyi kə felî fə pɨsə̀pɨsə̀fè payn ə ghàyn ətəm.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 3:18

Ghɨ ghɛ ə pomə sê Va ətəyn, tə pfɨ̂ə va saʼ, pîza ghɨ ghɛ ə tàʼa pomə kàyne nyi mə ə pfɨ̀ saʼ. Kûmə̀ nə ghənə paʼà pomə se Vâ Fèzhə̀ vɛ ə̀ nyì ke Vəyn.

Ngàleshyà 4:1

Ghɛ zɛ ə m pîə nyi nə, ə ndə̂m zhîndɛ̂ apɨəyn, mə è pa tətə̂ ndò, ə è və kyi va kyə̀ ə ndumneghe ə fètəyn, pi kə ə̀ lote kyi ke nâʼà vəyn è fɨave kɨ̂m fumə apɨəyn.