1 Njɔyn 2:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ kûmə̀ nə nâʼàpî akè kɛ ke nyi afɨa ə mbike nyi afɨa kɛ ə wiynə ghasènìve kɔ̂ŋə̀, ə̀ nyi ə̀ghɛ ghɛ ə shiə kɔ̂ŋɔ̀ se fe, è ghɛ ghəkɨ̂m ə mbi ghɛ ə ghe nə̂ nə ghɨghe ə ghaŋsə̂ èwiyn. Ə̀ ghɨnə mə vachi ə̀ghɛ ghɛ ə ghe ndô pə̂ sê pɨ̀a, pîza mə ghe pɨl ndô pə̂yn ə mbi.

1 Njɔyn 2:16 Referans Kwoze

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ngàleshyà 5:17

Ghɛ ghɛ ə njà ewìyn kyiŋə nyiə nô ə̀ghɛ ghɛ ə Zuʼsə Fezhə̀sè kyiŋə. Pîza ghɛ ghɛ ə Zuʼse kyiŋə e pɔŋɔ nô ghɛ ə njà èwìyn kyiŋə. Ghɛ nə ghɨyn vachi è soyn, e za nyi nə wùə vayn fɨnə nə̀yn eghɛ zɛ ə è kyiŋə se nə̀yn.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Njə̂m 3:15

Kyì etɔf eghaʼâ nə zɨ̂nə̀ ndò pə̂ va sê Zhə̀fè, ze ndo pə̂yn fa mbi, ze paʼà ndò pəyn sê Zuʼse Ŋwaʼase, ə̀ fo ndə̂plè è ngɨŋə̂ vəyn.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

2 Pità 2:10

paynpayn ghɛ ə ghe nə̂ ghɛ enyələ ghɛ ə njà sə ewìyn sə ghənə̂sè kyiŋə, chîynə̀ èghɛ zɛ ə Zhə̀fè pì nə ghənə nəyn. Tyə̀ynsè sə akaŋ nə sɨ̂nə̀ fànə̀ va fɨake, zɨtə̂ va ghɛ zhîze sê wùə, ghənə fo pî va kɔʼsêzè sê ghɛ ə ghe nyi ekwùtwəyn kyi èpomsê, ghənə pɨlə sôylə̀ ndò ghənə.

Taytùs 2:12

Ə̀ nyi afùʼ ə Fèzhə̀ nə kɨ̂yn ə ke zaʼlə ghâsènì nə ə maʼa ndam zɛ ə ndamə mə ə ke va Zhə̀fè chûmtə̀ èfɨa ə mbive. Ghâsènì kyi se ndam famə ə mbi èpi nyi ètɔf eghaʼâzè, nyi chichi, nə̂ èghɛ zɛ ə Zhə̀fè kyiŋə

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Matyò 5:28

Pîza, m tsâ sê ghàyn zôyn nə, ə nayne pi ndè wùzhɔyn ə səmtə̂ se nyɨ̀ŋə̀ è vəyn, ə nyi mə è və nyɨ̀ŋə̀ è vəyn ə və təm.

Tom èchùŋ kè kə Lûk tè nyaʼ 4:5

Ndə̂plè ə njiə vəyn fumə ə kɔʼɔ è vəyn elùʼ, e ngaŋtə vîvè ə tyə̀nə̀ tèndaʼ tə mbite sê vəyn ke tekɨ̂m sə fendiŋə̀ fə ashìŋə̀fè nyi,

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Matyò 4:8

Ndə̂plè ə nə̀ Njisə̀s ə ndûə È etûə pfɨ̀yn è tyàfə ə tyə̀nə̀ tèndâʼà tə mbite tekɨ̂m è ghaʼ zɛ ə ze nyi ətəyn,

1 Kɔlìŋ 10:6

Zôyn ghɛ nə ghɨnə mə nâʼà ə̀kɨ̂m nyi fɨ̀as sê ghâsènì, nə kə ghâsènì ə kɔ̂ŋɔ̀ ghɛ ə piə kèpi kə ghənə tè kɔ̀ŋə,

Njə̂m 4:16

Pîza zôyn ghàyn ghaŋsə̂ kə èwiyn eghɛ zɛ ə ghàyn kyiŋə se nə̀yn, mə kyì eghaŋsê ewìyn nə zɨnə mə ekɨ̂m nyi pi.