1 Kɔlìŋ 9:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə̀ vɨnə nyi endom vɛ ə m kyi se wàmnè se tsàmtè ə ngɨŋ zɨ̂mè se ghɨ ghɛ ə pîə ghɛ ə pighe kûmə̀ mi:

1 Kɔlìŋ 9:3 Referans Kwoze

2 Timotì 4:16

Ə̀ tè nyi kə m tyəm elùʼ ə saʼ se wàmnè se tyə̀yn nə m paʼà nə̀yn pofsê, ghɨghe əkɨ̂m ə tə zâ mi. Tsə̂m zɨmze nyi nə Zhə̀fè wəyn mâʼà èghɛ nə zɨnə ə ghənə tè nəyn nyi.

Filìpây 1:17

Ghɨ ghɨ̀nə ndàʼà tom èchùŋ, mə təm ə ghənə̂ghè zo va, nə̂ nyiə mə kûmə̀ nə ghənə kwaʼtə̀ kə se ngɨŋ sə ghənə̂sè. Ghənə nə̂ zamə se kwəynsê akyɨ̀ŋ kɨmke fa ndɛ ə̀chaʼ.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 13:5

Ghàyn fɛte naynnê sèngɨŋ saynse ə fe nə, ghàyn chùmtə̀ tɛ èghɛ zɛ ə ghàyn pomə sê zəynze ə. Səmɔʼ ghàyn nyîə ke nə Njisə̀s Klâys ndamə ə ghàyn ewìyn pîza ghàyn nə̀ fɨsə̂ sèngɨŋ saynse ə ghàyn ke nə Zhə̀fè paʼà pomə̂ ghàyn.

2 Kolìŋ 13:3

Kə ghàyn sè pfɨfə chwìə se tyə̀yn nə Klâys wàmnə̀ tɔynə̂ ə mi, ghàyn nə̀ fe zə̂ynzè. È pɔylə̂ va endom vɛ ə è fɨaʼà ətəyn ghâyn ghə̀ ghənə, pîza è fɨaʼa è tyaʼe tsɨəke ə ghàyn ə fètəyn.

1 Kɔlìŋ 14:37

Ə wùə ke nə è nyi fɨ̀aʼtè ə̀ Fèzhə̀, pî nə è kyi èfo mə ə̀ fo se Zuʼ, ə è və kyi se pomə̂ nə ghɛ zɛ m nyâʼà sê ghàyn ndò sê Pɛ̂pɛ.

Ətefɨ̂aʼ 25:16

Mə piə sê ghənə nə, ‘E pɔynə̂ va sê ghàs, ghɨ Lumə̀ se nə̀yn eghɛ sè wùə ndɔ̀ʼɔ è tyəm kyaʼnè tyâŋsè yî ghɨ ghɛ ə pî nə è və nə̀yn pofsê nə è kyi zhəmke se pì nə è paʼà nə̀yn pofse ə ghɨə təynghə shi ghɛ ə njî ndû è vəyn ə ndɛ ə̀ saʼ.’

Ətefɨ̂aʼ 22:1

“Ghɔnyì ghɨmə è pɨ̀a ghɨmə, ghàyn zɨte ghɛ zɛ ə m tyəm ə ghàyn əshi se pì se tsàmtè ə ngɨŋ zɨ̂m.”

Tom èchùŋ kè kə Lûk tè nyaʼ 12:11

Ə tə kyiə ndù è ghàyn ə ghɨ saʼaghe əshi ə ndɛ̂ atsɨ̀ynte, kə ghàyn nə kayn mbi nə ghàyn nə̀ piə nə ghe, kə ghàyn nə kayn naʼapi nə ghàyn nə̀ piə zayn zə,

1 Kɔlìŋ 9:2

Ə m va pî wùətom se ghɨə mɔ̀ʼɔghe, m mə ke nə m nyi ndô sê ghàyn kûmə̀ èndom vɛ ə ghàyn nyi ətəyn sə eghɛ èmɔ̀ʼ ghâyn ghə̀ Pɛ̂pɛ. Zɨnə mə chwîtə̀ nə m nyi wùətom.

1 Kɔlìŋ 9:4

E za nyi nə ə̀ va eluʼ vasve se zhi è kɨsè se mɨ kûmə̀ èfɨaʼ zɛ ə ghàs nə̀ mə?