1 Kɔlìŋ 7:2 - Ŋwàʼlè ə̀ Fèzhə̀ Mkâyn Mə̂ Fèm

² Pîza kûmə̀ nə nyɨ̂ŋə̀ ə ndomnèzè è nyɨ̂ŋə̀ ə zəynze nyîə nyi tsɛsè, m pìə nə nâʼàpî wùə è ndomə̀ èkè nyì sə̂ kyi zhwìə vəyn, nâʼàpî wùzhɔyn èkè e kyi sə̂ kyi ndomə̀ vəyn.

1 Kɔlìŋ 7:2 Referans Kwoze

Ɛfesùs 5:28

E za nyi kepî kə wùə ndômə̀ kyi sə̂ kɔ̂ŋɔ̀ zhwiə vəyn kè eghɨ kə è kɔ̂ŋɔ̀ ngɨŋ ə vəyn. Ə wùə ndômə̀ sè kɔ̂ŋɔ̀ zhwiə vəyn, ə nyi mə è kɔ̂ŋɔ̀ ngɨŋ ə̀ vəyn.

Ɛfesùs 5:33

nâʼàpî ndè ə ghàyn əfètəyn kyi sə̂ pɔŋɔ kɔ̂ŋɔ̀ zhwîə vəyn kè eghɨ kə è kɔ̂ŋɔ̀ ngɨŋ ə vəyn, nâʼàpî ndè e pɔŋɔ ngɨmnə̂ ndom ə̀ vəyn.

1 Kɔlìŋ 7:9

Pîza mə ghənə vayn kàʼa ə kyi ngɨŋsə ghənə̂sè, ə ghənə malə, kûmə̀ nə e tsɔ̂fə̀ se malə tsɛ̂ sə̂ tsɨs pî ashìŋə̀ akè, kwaʼtə̀ kə sə ŋaŋ se nyɨ̀ŋə̀ è wùzhɔyn kɨ̀sə wùə èndom.

1 Kɔlìŋ 6:18

Ghàyn tə kɛsê epàmə̂ ènyɨŋə̀ ə zəyn è ndômnèghè. Nâʼàpî èghɛ èkè zɛ ə wùə m̀sɔ̀ŋ nə̀, è vayn pofsê ewiyn ə vəyn, pîza wùə vɛ ə è nyɨ̀ŋə yî wùzhɔyn kɨ̀sə yî wùndômə̀, nə̀ pi è pofsə̂ èwiyn ə vəyn.

1 Timotì 4:3

Ghɨ nə ghɨ̂yn zaʼlə̂ ə̀ghɨ nə kə ghənə ə malə̂, fɨnə pìə nə ghənə pamə tèkyì te fɨazhiə tîte. Pîza mə Zhə̀fè fɛte efɨa ezhiə nə vɨ̂yn nə ghɨ ə pomə ghɛ ə nyi mə ə kê səmɔʼ ə zhiə mə ə fo zɔ̀ŋnèkè sê Zhə̀fè.

Matyò 5:32

Pîza, M tsâ sê ghàyn zôyn nə: ə wùə chùm zhwiə vəyn, mə è paʼà ko vəyn yî wùndômə̀ ndò, wùzhɔynə ə̀təyn ə ndùə malə̂ wùə endômə̀ ə̀ndo, ə zə nyi nə ndomə̀ vəyn vɛ è chùm vəyn ə nə̀yn wùzhɔynə ə̀təyn nə è nyɨŋə yî wùndômə̀ ndò. Nâʼà pîndè vɛ ə è malə wùzhɔyn mə ə chum vəyn ə ndɛ ə̀ malə̂, ə zə nyi nə wùndômə̀ vɛ è malə vəyn ə nyɨŋə̀ yî zhwiə wùə ndò.

1 Kɔlìŋ 7:1

M pîə eghɛ zôyn kûmə̀ ə̀ghɛ ghɛ ə ghàyn tè nyàʼ pfɨftê sê mi. Ə̀ zɨnə nyi eghɛ zɛ ə m pîə, ‘E tsɔfə kə nâʼà ndò nə kə wùə malə.’

1 Kɔlìŋ 7:3

Wùndômə̀ kyi sə̂ fo ngɨŋə̂ vəyn sê zhwìə vəyn kè nâʼà kə̂ lâŋ ə malə kyiŋə, wùzhɔyn e kyi sə̂ nə̂ kəpî za sê ndomə̀ vəyn.

1 Tèsàlonikà 4:4

fɨnə kɔ̂ŋɔ̀ nə nâʼàpî wùndômə̀ èkè ke se ndam yî zhwîə vəyn àchûŋ, endom eŋwaʼve, èndom vɛ ə ghɨə nə kɔʼsə vəyn ətəyn,