1 Kɔlìŋ 3:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ə tə tyə̀nə̀ paynsə̂ nâʼàpî èkyî efɨaʼ èkè zɛ ə nâʼàpî ndè tè fɨ̀aʼa. Ə̀ nyi epayn zɛ ə ze tə pə̂ ə ze ə nyi ə fetuʼ fɛ ə Klâys tə kɛsə pə̂, ə ze tə tyə̂ynə̀ paynsə̂ fɨ̂aʼ ə nâʼàpî ndèze. Ə tə mɔ̂mə̀ nâʼàpî èfɨaʼ ə ndɛze, ə ze tyən kyì efɨ̀aʼ zɛ ə wùə tè fɨaʼa nə ze tsɔ̂fə̀ ndò mə ze pofə ndô.

1 Kɔlìŋ 3:13 Referans Kwoze

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.

Etyə̂yn ə paynsêzè 20:12

Mə fɨnə fe əghɨ mə ə tə kwutê, yîghe nyi əghɨ ə ghaʼlə̂ghè, yîghe nyi əghɨ ə tətə̂ghè, ghənə e tyəm fu ashi fekyə̀ fə efɔ̀ynfè. Ə ŋaʼsə̂ se ŋwàʼlè ə fɨnə ŋaʼsə̂ ŋwàʼlè zhîzè, ə nyi ŋwàʼlè ə̀ghɨ ə ndaməghe, e sè naynə̂ sè ŋwàʼlè sətəynse, saʼa kə ghənə əghɛ ghɛ ə ghənə tè nə̂ kè kə tè nyàʼ fumə ə seŋwàʼlè.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

1 Pità 4:12

Soyn sɨmse atyaʼse, kə ghàyn ə nyi è kayn kə mɔ̂m ekwəmnəze pə̂ sê ghàyn, kəpiə ə̀ nyi eghɛ efe zhîzè ə ze pə̂ se ghàyn.

2 Pità 3:10

Pîza tuʼ ə Pɛ̂pɛve tə pə̂ kə wùə èchɔŋə. Fumə ə Fetuʼ ə wuləke pfɨ̀ŋə̀ saŋ è pɔ̂ŋ ə kwuəmnəke, ə fɨa vekɨ̂m vɛ ə ve nyi awulə fu pof ə fètəyn ewùs, ə chike è nâʼàpî àkè kɛ ə ke nyi ətəyn fu nâʼà èkɨ̂m ə fètəyn ewùs.

Ŋwàʼlè ə̀ Pɔ̂l sê ghɨə Lûmghè 2:16

E za tyə̀nə̀ nə ə Fetuʼ fə saʼfe, Zhə̀fè tə saʼa ə̀ghɨ ə̀kɨ̂m ətə̂ ə̀ghɛ ghɛ ə ghənə kwaʼtə̀, è ghɛ ə ghənə ndə̂tə̀ nə̂ ndô. È tə fo Njisə̀s è tyaʼ nə kɛmə nə È saʼ ghɨghe. Ə̀ ghɨnə nyi əghɛ ghɛ ə m tsâ sê ghɨghe ezhoghɛ ə m ndaʼà tom èchùŋ.

2 Timotì 1:18

M tsə̂mə̀ nə Pɛ̂pɛ tyəyn səyn eko ə Vəynze sê vəyn fumə əfetuʼ. Nâʼà ghò nyîə ke kə è tè tsàmte mi ə Ɛfesùs.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

Ŋwàʼlè ə̀ Pɔ̂l sê ghɨə Lûmghè 2:5

Pîza, ghàyn nyi mə tɛsê təm ghaynghe, ə tə nə ghàyn maʼà va ghɛ ghaynghe pighe, E tyə̂ nə ghàyn zɔmtə̂ kə epɔynsê ə Fezhə̀zè ə ghàyn ətu, mə È tə pɔynsə ghàyn ə Fetuʼ fə saʼfe. Fumə ə fetuʼ Zhə̀fè tə tyə̂nə̀ paynsə̂ ètɔŋ enyɔʼsə ə vəynve, ə è tyəyn paynsê kepî nə ndom vɛ ə è saʼa ətəyn nyi chichi.

Tom èchùŋ kè kə Lûk tè nyaʼ 2:35

è kɨ̂sè kə̂ ghɛ ghɛ ə ghɨə ndə̂tə̀ ə ghənə ətəm fɨ mɨ̂sè ə ndayn. Nyife nyi kepî se nə sò etəm zɛze.”

2 Timotì 3:9

Pîza ghənə tə ndûə va sə aghaf kûmə̀ nə nâʼàpî ndè tə fe eluʼ vɛ ə ghənə ndû tâyn sə engòo. Ə̀ zɨnə nyi eghɛ zɛ ə ze tè kyàyn sê Njanìs yî Njampàs.

Matyò 10:15

M pîə sê ghàyn səmɔʼ nə ə̀ tə nə̂ ə nyi etuʼ ə saʼe, ə Zhə̀fè chwite kosê esəyn ghaʼâzè sê tɔ̂ŋ ə̀ Sondòm è ghɨə Ngòmolà tsɛ̂ kə Fe chwîtə̀ sê ghɨə tɔ̂ŋ nə ghɨ̂nə̀.”

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

1 Kɔlìŋ 3:12

Ghɨə mɔ̀ʼɔghe tə njîə ngôl, è silvà, è chîə chûŋghè, è kàʼm̀, è kɨsè wiyna se pɛ famə achi ə ndɛke.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Ipilù 10:25

Kə ghâsènì ə nyi kə ə ghɔnyì ə mɔ̀ʼɔghe ə ghənə kɛsə pə̂ va elùʼ atsɨ̀ynte. Ə ghâsènì ə pɨlə fo ə̀təm ə tɛghe sengɨŋ sə ghasènìse, fo zɔmtə̂ ndûə kə ndò kə ghâsènì fe nə tuʼ fɛ ə Pɛ̂pɛ kɛsə pə̂ ətəyn paʼsə̂ pə̂ ndò.

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.