1 Kɔlìŋ 16:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ ghàyn chumte ndom vɛ ə ghɨə chisə ə təyn nyiə kə ghɨnə mə, è nâʼàpî ndè vɛ ə è fɨaʼà yighə̀ ghənə.

1 Kɔlìŋ 16:16 Referans Kwoze

Ipilù 13:17

Ghàyn e zɨə se tu vaynve, kə ghàyn ə tɛ è tuke sê ghənə. Ghənə nyiə naynə̂ ghàyn kûmə̀ nə ghənə taŋə njo sê Zhə̀fè ə ghənə efɨ̀aʼ. Ə ghàyn zɨə sê ghənə, ə ghənə ə nə̂ èfɨ̂aʼ ətəyn è èsaŋnêzè, ə ghàyn sè tɛ è tuve, ə ghənə ə nə̂ èfɨaʼ ətəynze è təm ə tɨləghe, ə zɛ mə tàʼa tsàmtə ghàyn.

1 Tèsàlonikà 5:12

Ghɔnyìə, ghàs chyatə̂ nə, ghàyn ə fɛtə ngɨmnə̂ ə̀ghɨ ghɛ ə ghe fɨ̂aʼà ə ghàyn əfètəyn, chwîtə̀ ghàyn, fɨnə təftə̂ ghàyn, endom ə Pɛ̂pɛve kə ndɔ̀ʼɔ ghàyn tə pfɨ ə pi.

3 Njɔyn 1:8

E za tyə̀nə̀ nə ghâsènì ghɨ ə pomə kyi sə̂ tsâmtə̀ tèkì tə ghɨ nə tɨnə nâʼà àchûŋ kə ghâsènì ghə̀ ghənə ə fɨaʼà se ndaʼà tom zɛ ə è nyì səmɔʼ.

Etyə̂yn ə paynsêzè 2:3

M ke ndô nə ò nyiə kolə ə̀təm, fe ètsôs, ve tsɨ̀ə kə nyî kûmə̀ mi, pɔ va.

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

1 Timotì 5:17

Ə kyi sə̂ kɔʼsə fɨnə ndaʼà zɔmtə̂ sè chəʼ sɛ ə se fɛtə nə̂ fɨ̂aʼ ə ghənə̂zè, paynpayn ghɛ ə ghənə ndâʼà tom fɨnə zaʼlə̂ ə̀ghɨ̀,

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

Filìpây 4:3

M wamnə̀ kəpî sè ghò soyn vɨm vɛ ə ghasè vəyn fɨaʼà əmɔʼ, m kyiŋə nə ò tsamte zəyn ghɨ̀nə ə ghənə ə nyi sə eghɛ èmɔ̀ʼ mə ə zɔ̂ va. Zəyn nə ghɨnə mə əpɛ̀, è Klimə̀yn, è ghɨ fɨ̀aʼa ə mɔ̀ʼɔghe tè nyi ə mì etipì. Ghasè ghənə ə fɨ̂aʼ nâʼà sə atyaʼ se ndàʼa ə tom èchùŋ. Zə ə ghənə̂ghè əkɨ̂m nyi ə ŋwàʼlè èndam.

Ɛfesùs 5:21

Ghàyn e ngɨmnə̂ sèngɨŋ saynse kûmə̀ nə ghàyn fànə̀ Klâys.

1 Kɔlìŋ 12:28

Ə ndɛ ə̀ Fèzhə̀, Zhə̀fè nyi mə Fə ndə̀m ghɛ ghəkɨ̂m, shike nyi ə̀ghɨtomə, kòmtèke nyi sè fɨ̀aʼtè, ta e nyi sètyə̀ynsè. È və tə ndə̀m kepî ghɨ ghɛ ə ghe nə̂ ghɛ əkayntəghe, ə̀ chûmtə ghɛ ə ghe kyi foze sə̂ tsuʼə ə̀ghɨ, pî sə̂ tsâmtə̀ ə̀ghɨ, chisə̂ ə̀ghɨ e wâmnə̀ ə tewàmnè tə ndôtè ndɔ̀ʼɔ zaʼle.

1 Kɔlìŋ 3:9

Ghàs tsɨ̀yntə̀ fɨaʼà kə sê Zhə̀fè əkɨ̂m. Ghàyn nyì ke kə afûʼ ə Fezhə̀kè fɨyn nyi ke kə ndɛ̂ zɛ ə Zhə̀fè pɛ.

Ŋwàʼlè ə̀ Pɔ̂l sê ghɨə Lûmghè 16:12

Ghàyn tɔŋte Tìlifenà yî Tìlifosà ə zəyn ghɛ ə ghe fɨaʼà sê Pɛ̂pɛ. Ghàyn tɔŋte soyn vɨ̂mve chùŋ Pesìs, ə wùzhɔynə̂ mɔ̀ʼɔ vɛ ə è nyi mə è və nə̀yn kàyntè èfɨ̀aʼ ezə ə Pɛ̂pɛze.

Ŋwàʼlè ə̀ Pɔ̂l sê ghɨə Lûmghè 16:9

Ghàyn tɔŋte Òpanùs, vɛ ə ghasènyìə ghə̀ ghənə fɨ̂aʼà sê Klâys. Ghàyn tɔŋte kepî soyn vɨ̂mve chùŋ Sɨ̀takìs.

Ŋwàʼlè ə̀ Pɔ̂l sê ghɨə Lûmghè 16:6

Ghàyn tɔŋte Mèli vɛ ə è tè fɨ̂aʼ nâʼà è tyaʼke ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 16:3

Ghàyn tɔŋte Pliskà è ndom ə̀ vəyn Àkwilà sê mi. Ghâsè ghənə fɨ̂aʼà sê Njisə̀s Klâys əmɔʼ.

Ipilù 13:24

Ghàyn tɔŋte tu vaynve, è ghɨə Fezhə̀ nâʼà ə̀kɨ̂m. Ghɨ e pomə ghɛ ə ghe ndamə endaʼ ə Italìzè ə tom tɔŋtêzè sê ghàyn.