1 Kɔlìŋ 12:12 - Ŋwàʼlè ə̀ Fèzhə̀ Mkâyn Mə̂ Fèm

¹² Klâys nyì ke kə ewiyn emɔ̀ʼ ə ve kyi pɨ̂as etsɨəve; ə̀ pa nyi ke èwiyn emɔ̀ʼ pi kə ve kyi pɨ̂as etsɨəve.

1 Kɔlìŋ 12:12 Referans Kwoze

Kòlosè 3:15

Klâys ə nə̀yn ghàyn e nyi è pɔ̂ynè è ngɨŋ saynse. Nyiəmə, pɔ̂ynè nə zɛ mə kyi sə̂ chisə̂ nâʼàpî èghɛ èkè zɛ ə ghàyn nə̀. Ghàyn kyi sə̂ fo àzɔ̀ŋnè se Zhə̀fè shîŋə̀ tekɨ̂m.

1 Kɔlìŋ 12:27

Nâʼà ghàyn əkɨ̂m nyi ewiyn ə Klaysvè, mə nâʼàpî ndè nyi apâs ewìyn ətəynke.

Kòlosè 2:19

Kyì ə wûə nə vɛ fɨnə pomə va se Klâys mə ə̀ nyi Klâys vɛ ə È nyi atu se ghɨ ghɛ ə pomə. Kè kə wiynve kɨm nyi etyə̀ àtyaʼ atuke, ə̀ nyì kepî zamə kə ghɨghe əkɨ̂m ghɛ ə pomə Klâys nyi ə vəyn etyə̂ àtyaʼ kə ghənə ə nyi kə wùə èmɔ̀ʼ. Kè kə ghaŋmè kokyiə zûŋtè ə wùə ewìyn kə è və nyi wùə èmɔ̀ʼ, ə̀ nyì kepî zamə kə Klâys tsɨ̀yntə̀ ghɨ ghɛ ə ghe pomə sê vəyn, kə ghe ə nyi wùə èmɔ̀ʼ ə vəyn tyə̀.

Ɛfesùs 4:4

Ghàyn nyi epɨ̂as ə əfètəyn ewìyn emɔ̀ʼ, Zuʼsə Fezhə̀ sɛ ə se fɨaʼà ewìyn nə vɛ e nyi ke səmɔʼ, kè eghɨ kə Zhə̀fè tè tɔŋɔ fɨse ghàyn ə mbi ə nə̀ ghàyn e ke ke èghɛ èmɔ̀ʼ nə, ghàyn tə sɔ̂ fɨə.

1 Kɔlìŋ 10:17

Kûmə̀ nə payn ə kwaŋke nyi ke àmɔ̀ʼ, mə ghâsènì əkɨ̂m pî kə tsɨ̂ə, nyì ke èwiyn emɔ̀ʼ kûmə̀ nə nâʼà ghâsènì əkɨ̂m chyàtə̀ kə àpayn ə kwaŋke amɔ̀ʼ.

Ɛfesùs 5:30

Ghâsènì nyi tsɨ̂yntè nyi èpɨ̂as ewìyn ə Klaysvè.

Kòlosè 1:18

È nyi atu sê ghɨə pomə nâʼà ə̀kɨ̂m, ghe nyi kə ewiyn ə vəynve. Ə̀ fo vəyn ndamze sê ghɨə vəynghe, kûmə̀ nə ə̀ nyi vəyn wùə əshi vɛ ə Zhə̀fè tè zòmse, mə è tə nə̂ ə è və nyi sə teshìŋə̀ tèkɨ̂m. Zɨnə mə tè kyayn kə fɨave ekɨ̂m ə nyi ə vəyn etyə̂ àtyaʼ.

Ɛfesùs 5:23

Ghàyn ke nə wùndômə̀ nyi nyî nyi àtu sê zhwiə vəyn kèpi èghɨ kə Klâys nyi atu sê ndɛ ə̀ Fèzhə̀ mə za nyi ewiynə vəyn, ə sɔ̂zâ vəyn ghɨ ətəynghe.

Ɛfesùs 4:12

È tè nəyn nyi se pɨaʼtə əghɨ ə poməghe nə ghənə nə ke se nə̀yn efɨ̂aʼ ə Fezhə̀zè kə wiynə Klaysvè, mə za nyi ndɛ̂ Fèzhə̀ nə ndəmə̂,

Ngàleshyà 3:16

Ke nə Zhə̀fè tè fo etsɨ̂nè sê Aplàghâm yî ghâŋfə vəynfe mɔ̀ʼ. Ŋwàʼlè ə Fèzhə̀ pâʼà pì nə, ‘Ghàŋə̀m’ ze tyə̂ nə ghɨə se tsɨ̀, è pɨl pî nə, ‘Ghâŋfè’ ze tyə̂nə̀ nə ə̀ nyì ke wùə èmɔ̀ʼ mə tɔŋtə̂ nə Klâys.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

Ɛfesùs 1:23

Ndɛ ə̀ Fèzhə̀ nə zɨ̂nə̀ nyi ewiyn ə Klaysvè, fiə àtyaʼ akɨ̂m kè sê vəyn, ə̀ nə̂ vəyn nə nâʼàpî ghè ə nyi, nâʼàpî ghayn.

1 Kɔlìŋ 12:7

Zhə̀fè fo Sèzuʼ sə Vəynse nâʼàpî se ndè nə sə tsâmtə̀ vəyn è nə̂ èfɨaʼ kè sə chùŋ ə̀ghɨ ə̀kɨ̂m.

1 Kɔlìŋ 12:20

Kè kə ze nyi, pɨas ewìynve nyi setsɨ̀ pîza kyi ke èwiyn emɔ̀ʼ.