1 Kɔlìŋ 12:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

1 Kɔlìŋ 12:11 Referans Kwoze

1 Kɔlìŋ 12:4

Kyì tə tefo tə Sezuʼ se Ŋwaʼate tsɨ̀ə kə nyî, pîza mə ə̀ fo kə Sèzuʼ sə Fezhə̀ semɔ̀ʼ.

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.

2 Kolìŋ 10:13

Pîza ghàs nə pfɨnə̀ va ngàŋtèkè kûmə̀ èghɛ mə Zhə̀fè paʼà fo nə ghàs nəyn. Ghàs nə pfɨ̀nə̀ kə àngàŋtè kûmə̀ ə̀ghɛ ghɛ ə Zhə̀fè fo nə ghàs ə nə̂, fɨ̂aʼ kɛ ə ghàs nə̀ ə ghàyn ə fètəyn nyi eghɛ èmɔ̀ʼ əfètə̂ ghɛ ghɛ ə Zhə̀fè fo nə ghàs ə nə̂.

Ɛfesùs 4:7

Pîza nâʼàpî ndè ə ghâsènì əfètəyn fɨ̂aʼnə̀ kyiə èfo ə vəyn kè eghɨ kə Klâys kɔ̀ŋɔ̀ se fo.

1 Kɔlìŋ 12:6

Tyaʼ kɛ ə ghɨə kyi se nə̀yn efɨaʼ va eghɨ, pîza ə̀ nyì ke Fèzhə̀ fèmɔ̀ʼ ə fe fo tyaʼ nə kɨ̂nə̀ sê ghɨə ghəkɨ̂m nə ə nə̂ èfɨaʼ ə ghənə̂zè ətəyn.

Njə̂m 1:18

Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.

Ɛfesùs 1:11

Fe ə chɔʼ ghâsènì nə ə nyi ə̀ghɨ Vəynghe tɔynə̂ ə Njisə̀s Klâys kè eghɨ kə fe tè pɨaʼte ndəm tsɔ̀fə kə Fe pom mbi. Nâʼàpî ghè kyànə̀ kə endom vɛ ə Zhə̀fè kyiŋə nə zə kyânə̀ ətəyn.

1 Kɔlìŋ 7:17

Ezho ghɛ ə ze va zamə, ə nâʼàpî ndè ndam ke atyaʼ kɛ ə Pɛ̂pɛ fo nə è ndam ətəyn, fɨnə ndamə kè endom vɛ ə è tè nyi əfetuʼ fɛ Zhə̀fè tè tɔŋə vəyn. Ə̀ za nyi eghɛ zɛ ə m zaʼlə sê ndɛ sə Fezhə̀ sekɨ̂m.

1 Kɔlìŋ 7:7

M fə̂ kàʼa ə mə kɔ̂ŋɔ̀ nə nâʼà əghɨ əkɨ̂m ə nyi ke kə̂ mi, pîza Zhə̀fè nyi mə fə fo nâʼàpî ndè è zə vəyn nə kàyntè èfo, nâʼàpî ndè e kyi èkyì ə vəyn ze foze.

Ŋwàʼlè ə̀ Pɔ̂l sê ghɨə Lûmghè 12:6

Zhə̀fè ə njì fùʼ ə vəynke se fo ə fô ə̀ nâʼà pîndè, nâʼàpî zɨ̀yn e nyi ke sənɨŋ. Ə Zhə̀fè nyi mə fə fo wùə è fo nə è və wâmnə̀ ə̀ghɛ ə Zhə̀fè ezə, è ve wâmnə̀ kə əghɛ ətəynghe kə pomə̂ zɛ ə è kyi tyə̂nə̀.

Ŋwàʼlè ə̀ Pɔ̂l sê ghɨə Lûmghè 9:18

E za tyə̀nə̀ nə Zhə̀fè nyîə kosə̂ èsəyn nâʼàpî se ndè kə Fe chitê se kose esəyn sê vəyn. Fɨnə nə̂ nə tɛ atu zə nyi sê wùə kè kə Vəyn Zhə̀fè kɔ̀ŋɔ.

Njɔyn 5:21

Kè kə Pɨ̀a zòmsə̀ ghɨghe, È və fo ghənə è ndamze, eghɨ kèpî famə endom, Vayn fo kəpî èndam sê nâʼàpî ndè vɛ È kɔ̀ŋɔ̀ se fo endam.

Njɔyn 3:27

Njɔyn ə pə̀ynsə̀ sê ghənə nə, “Wùə vîvè vayn kyi afɨa mə ə̀ paʼà fo Zhə̀fè.

Njɔyn 3:8

Fofa tsɛ̂ nâʼà pî elùʼ èkè vɛ ə ke kɔ̂ŋə̀, ò zɨə kə ke tsɛ̂ pîza vayn tsàyn eluʼ vɛ ə ke ndô pə̂ ətəyn è luʼ vɛ ə ke ndûə ətəyn. E nyi kepî zamə sê nâʼàpî ndè vɛ ə piə vəyn ə Sezuʼ sə Fezhə̀sè.”

Matyò 20:15

M kyi va tyaʼa se nə̀yn eghɛ zɛ m kɔ̂ŋə̀ se nə̀yn è kɛ vɨmve ə̂? Mə ò ghə̀ʼə̀ ndò kûmə̀ nə m kyi ətəm əchûŋ ghə?›”

Matyò 11:26

Èn ə pɛ̂, ə̀ nyi nyiə mə kə Ò tè kyiŋə nə ze kyayn.

1 Kɔlìŋ 12:18

Kè kə ze nyi, Zhə̀fè tè ndə̂m èpɨas ewìynve sə nɨŋ sə nɨŋ kè kə è tè kyiŋə nə və nyi.