1 Kɔlìŋ 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə nyaʼ mi Pɔ̂l ŋwàʼlè zɨ̀yn. Ə̀ tɔŋə Fezhə̀ mi nə mə nyi wùətom ə̀ Klâys Njisə̀s. M nyâʼà ŋwàʼlè zɨ̀yn ghasè ànyìə ghâsènì Sòstinìs.

1 Kɔlìŋ 1:1 Referans Kwoze

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

Kòlosè 1:1

Ə̀ mi Pɔ̂l, ə wùə èmɔ̀ʼ ə fètə̂ ə̀ghɨ̀tom ə Njisə̀s Klâysghè, kə Zhə̀fè pɨaʼte, ə nyi mi vɛ ə m nyâʼà ŋwàʼlè zɨ̀nə̀ sê ghàyn. Ə mi è Timotì ànyì ə̀ ghâsènì ə Klâys tomə ètɔŋtê se ghàyn.

Ətefɨ̂aʼ 18:17

Ghɨ ətəynghe ə kyîə Sòstinìs vɛ ə è tè nyi tuke ə ndɛ̂ atsɨ̀ynte ə̀ ghɨ Njûsə̀ ə pusə vəyn ashi elùʼ ə saʼke. Pîza zɨnə mə ə tàʼa fɨmsə̂ Ngalyò nâʼà se chi.

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

Ngàleshyà 1:1

Ə̀ nyâʼ mi Pɔ̂l ŋwàʼlè zɨ̀yn. M nyi wùətom mə paʼà ndə̀m chi ghɨghe mi, fɨaʼà chîəva kə wùə m̀sɔ̀ŋ. Ə̀ chɔʼ Njisə̀s Klâys mi yî Zhə̀fè pɨ̀a sə wùətom, ə pɨ̀a vɛ ə è tè zòmse vəyn ekwu.

Ətefɨ̂aʼ 22:21

Pɛ̂pɛ ə pìə sê mi nə, ‹Nduə, kûmə̀ nə M nə̀ tomə ghò nâʼà sə aghaf sê ghɨ ghɛ ə̀ vachi ə̀ghɨ ə Njûsghè.›”

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

2 Kolìŋ 12:12

Mə tè kol təmə, ə njìə àshîŋə̀ se tyə̀ynə sèchwìə sə wùətom ə səmɔʼse, paʼsə̂ è chwìəse, è ghɛ ə cho zoməghe, è fɨ̂aʼ te kayntəte.

2 Kolìŋ 11:5

Ghɨətom nə̂ ghɨynə ə ghàyn njì nə ə nyi nâʼà ə̀ ghɨətom ə tɛ tsɛ̂ va mi nâʼà eghɛ zhîze.

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

1 Kɔlìŋ 3:9

Ghàs tsɨ̀yntə̀ fɨaʼà kə sê Zhə̀fè əkɨ̂m. Ghàyn nyì ke kə afûʼ ə Fezhə̀kè fɨyn nyi ke kə ndɛ̂ zɛ ə Zhə̀fè pɛ.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ətefɨ̂aʼ 1:2

se zaʼâ kə Zhə̀fè tè nji Vəyn ekwùtwəyn. Tsɔ̀fə kə ə nji Vəyn ekwùtwəyn, Zuʼse Ŋwaʼase ə fo àtyaʼ, È və zaʼlə̂ ə̀ghɛ se ghɨ ghɛ ə È chɔʼte kə sechùmtè èpàm sə tom sə Vəynse kə ghənə nə̂.

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Tom èchùŋ kè kə Lûk tè nyaʼ 6:13

Tuʼve ə kwənə, è və tɔŋɔ sechùmtè èpàm sə vəynse ə chɔʼtə̂ ghɨ njò sepɛ̀ ə ndə̀mə̀ kəpi ghənə sə ghɨətom ə vəynghe.

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ŋwàʼlè ə̀ Pɔ̂l sê ghɨə Lûmghè 1:10

nâʼàpî ashìŋə̀ àkè kɛ m tsə̂mə̀. M tsə̂mə̀ nə ə È pomə, È və nə̀ kə ze ə pɔynə̂ kə m nəyn zamə.

2 Kolìŋ 8:5

Ghənə tə nə̀yn tsɛ nâʼà kə ghàs tè kwàʼtə. Ghənə tè piə fo ndò mə ghənə fo ngɨŋ sə ghənə̂sè sê Pɛ̂pɛ sə shi, ə fo kəpî sèngɨŋ sə ghənə̂sè sê ghàs endom vɛ ə Zhə̀fè kyiŋə.