तीतुस 2:13 - बारेली पावरी

¹³ एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

तीतुस 2:13 Referans Kwoze

2 तीमथी 4:8

भविष्यमा मारेन कोरता धोरमोन होयो मुकुट मेक मेक्यो छे, जीनाक प्रभू जू धोरमी न्यायी छे मेसेक तीने दाहळे आपसे, एने मेसे ओतरु नि एने हीन आखा काजे बी हिंदरा प्रकट होयनेन काजे मोंगावू मानताला छे.

1 कुरीन्थियो 1:7

न्या तोक कि काहना वरदान मा तुमुक घोटी नि होये, एने तुमु आमरा प्रभू येसु मसिहन देखायनेन वाट जुवता रोयला छे.

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

तीतुस 1:2

तीना ओमोरकाईन जीवनोन आस पर जेरी वायदू परमेश्वर, जी झूट नि बुल सोकतलु सनातनसी कोरलु छे,

मरकुस 14:62

येसु कोयू, “मे छे” एने तुमु माणसोन पुऱ्या काजे सर्वशक्तिमानोन जेवळे धोळे बोसीन, एने सोरगोन वादवा पुठी आवतेलु देखसु.

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 5:5

एने आस सी लाज नी आवतेली काहाकि पवित्र आत्मा जू आमु काजे आपलो छे तिनान लारे परमेश्वरोन मोंग आमरा मोनोन भोर देदला छे.

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

1 पतरस 1:7

एने जो एरेन कोरता छे तुमरु पारखायलु भुरसू, जू आगठामा तातलो कोरीन नाशवान सोना गोथो बी जाफा, किमती छे, परमेश्वरोन येसु मसिह प्रकट होयने से बोळाय एने महिमा एने आदर कोरनेन ठेरावसे.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

2 तीमथी 4:1

परमेश्वर एने मसिह येसु काजे गोवायी मानीन जो जीवतलो एने मोरलान वियाव कोरसे, एने हिंदरो प्रकट होयने एने राज्यान सुधी आपीन मी तुसेक आदेश आपो.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

प्रेषित 24:15

एने परमेश्वर सी आस कोरतेलू कि जीनाक तुमु खुद बी राख रोया कि धोरमी अधोरमी दुयोन जीव उठनो छे.

मरकुस 8:38

जू कुदू जे भुंडला विचारे एने पापी जातीन इचमा मेसेक एने मारी वातो काजे लाजवायसे, माणसोन पुऱ्यु बी तेत्यार चू चुखला सोरग दूत पुठी आपना बासोन महिमा साते आवसे, तेतार तीनाक बी लाजवाळसे.”

प्रकाशित वाक्य 1:7

देखू, चू वादवा पुठी आवने वावू छे, एने होर एक डूवू तीनाक देखसे, नी तेत्यार जे हिनाक छेळला होता चे बी येसुक देखसे, एने धोरतीन आखा जाती हीनान वोजेसी छाती ठूकसे होव. आमेन.

तीतुस 3:4

बाकीन जेतार आमु छुटकारू आपनेवावा परमेश्वरोन दया एने माणसो पोर तेरो मोंग प्रकट होयो.

कुलुस्सि 3:4

जेतार मसिह जू आमरो जीवन छे प्रगट होयसे तेतार तुमु बी महिमा साते देखाळाय जासे.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

1 योहान 4:14

आमु देखी बी लेदा एने गोवायी आपजे कि बास पुऱ्या काजे जोगोन छुटकारू आपन्यु कोरीन मुकली रोयू.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

मत्ती 26:64

येसु तीना काजे कोयू, “तू आपसुत कोय देदू; बाकीन मे तुमु काजे यो भी कोयो कि हिमी गोथा तुमु माणसोन पुऱ्या काजे सर्वशक्तिमानोन जेवळे धोळे बोसलू एने सोरगोन वादवा पोर आवतेलु देखसु.”

मत्ती 25:31

“जेतार माणसोन पुऱ्यु तेरा महिमामा आवसे एने आखा सोरग दूत तेरे साते आवसे ती चू महिमान सिहासन पोर बोससे.”

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

2 थिस्सलुनीकियो 2:8

तेत्यार चू अधोरमी प्रगट होयसे, जीनाक प्रभू येसु तेरा मुयोसी फुकिन मार नाखसे, एने तेरा आवनेन तेजोसी भस्म कोरसे.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

रोमी 8:18

काहाकि मे सोमजो कि इनी टेमोन दुख एने तोकलीत तिना महिमा वैभव साते जी आमरेपोर प्रगट होयने वावी छे, कायबी नी होय.

1 तीमथी 1:1

पौलुसनचा गोथू जू आमरू छुटकारू आपन्यु परमेश्वर एने आमरी आसोन लारे मसिह येसुन आग्यासी मसिह येसुन प्रेषितोन छे.

2 तीमथी 1:2

मोंगावा पुऱ्या तीमथीन नावे; परमेश्वर बास एने आत्मा प्रभू मसिहन येसुन तोरोफसी दया एने गिन एने शांती रोये.

तीतुस 1:4

तीतुसन नावे जू भुरसान जुळायला विचारसी मारू खोरलु पुऱ्यु छे; परमेश्वर बास एने आमरू छुटकारू आपने वावु मसिह येसुन अनुग्रह एने शांती जोळती रोये.

यहुदा 1:21

आपना खुदो काजे परमेश्वरोन मोंगसी बोनावीन राखू; एने ओमोर जीवनोन कोरता आमरा प्रभू येसुन मसिह दयान वाट जुवता रोयू.