तीतुस 2:10 - बारेली पावरी

¹⁰ चुरी चालाकी नि कोरे, पुन आखा भातीन पुरा विश्वासी जुवे कि चे आखा वातोमा आमरा छुटकारू आपनेवावा परमेश्वरोन प्रचार शोभा बोढावु.

तीतुस 2:10 Referans Kwoze

मत्ती 5:16

इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

2 योहान 1:9

जो कुदू मसिहन भोननेमा ओगोव बोळ जातला छे, एने तिंदरेमा नि रोयतला, तिंदरे जुव परमेश्वर नि होय; जू कुदू हिंदरी प्रचारमा पाका रोयतला, तिंदरेजू बास बी छे एने पुऱ्यु बी.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

1 पतरस 3:16

एने मोन भी चुखलो राखू, एरेन कोरता कि जिना वातोन विषयमा तुमरी बोदनामी होयतेली छे, तिंदरे विषयमा चा, जी मसिहमा तुमरी वारली चाल चालनो अपमान कोरतेला छे, चा लज्जीत होयसे.

तीतुस 1:3

बाकीन सही टेमो पर तेरा वचन काजे तिना प्रचारन लारे प्रगट कोऱ्यु, जू आमरू छुटकारू आपनेवावा परमेश्वरोन आग्यान अनसारे मेसेक सोपायलो छे.

1 तीमथी 6:3

जर कुदू दिसरे भातीन प्रचार कोरतू होसे एने वारली वातोन आमरा प्रभू येसु मसिहन वातो काजे नी मानतू होसे, जो भोक्तीन अनसारे छे.

1 तीमथी 6:1

जोतरा दासोन जुवळा तोवे छे, चे आपना-आपना मालिक काजे आदर कोरे, काहाकि परमेश्वरोन नाव एने प्रचारोन बुराई नी होई.

1 कुरीन्थियो 4:2

ओवतेन न्या भंडारीमा जी वात देखाय जातली छे कि चू भुरसान लायक होय.

लुका 16:10

जे थुलाकमा गोथा थुलाक खोरला छे, चे लोकेत मा गोथा बी खोरला छे, एने जे थुलाकमा गोथा थुलाक अधोरमी छे, चे लोकेत मा भी झुटा छे.

मत्ती 24:45

“आखरी चू भुरसान लायक एने ग्यानवावू दास कून छे, जीनाक मालिक आपना नोकोर-चाकरे पोर सरदार ठेरावलू कि टेम पोर तीनुक खाणो आपे?”

1 तीमथी 5:17

जे डाह-डाहा वारला पुरती कोरतेला छे, खास कोरीन चे जे वचन सोमवाळने एने सिकाळनेमा मेहनत कोरतेला छे, दुय गुणा आदरन लायक समजनो जुवे.

1 तीमथी 1:1

पौलुसनचा गोथू जू आमरू छुटकारू आपन्यु परमेश्वर एने आमरी आसोन लारे मसिह येसुन आग्यासी मसिह येसुन प्रेषितोन छे.

फिलिप्पि 4:8

इनान कोरता हे भाशो जे-जे वाते खोरला छे, एने जे-जे वाते आदोरोन छे, एने जे-जे वाते सही छे, एने जे-जे वाते चुखला छे एने जे-जे वाते वारू एने जे-जे वाते मोन भावनि, मतलब जा बी वारला गुणे एने बोढाईन वाते छे तीना पोर ध्यान लागाळू.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

योहान 12:6

चू यो वात इनान कोरता नी कोयू कि तीनाक गोरीबोन चिंता होती, बाकीन इनान कोरता कि चू चुटू होतु, तिंदरेजू चुरी कोरणेन थोयली रोयती होती एने तीनिमा जो काहना नाखायतो होतो चो चू निकाव लेतलु होतु.

लुका 1:47

एने मारी आत्मा मारू छुटकारू कोरणे वावा परमेश्वर पोर खुश होयी,

लुका 1:80

एने चो पुऱ्यो मोटो होयतो एने आत्मामा मजबूत होयतो गोयो, एने इस्राईलोन सामने आवनेन दाहळे तोक बोयळामा रोयू.

तीतुस 3:4

बाकीन जेतार आमु छुटकारू आपनेवावा परमेश्वरोन दया एने माणसो पोर तेरो मोंग प्रकट होयो.