रोमी 8:7 - बारेली पावरी

⁷ काहाकि डील पोर मोन लागाळनो ते परमेश्वर साते दुष्मोनी कोरनो छे काहाकि नी ते परमेश्वरोन शास्त्रनियमोन होकमा छे एने नी होय सोकतलो.

रोमी 8:7 Referans Kwoze

1 कुरीन्थियो 2:14

बाकीन डीलोन माणसे परमेश्वरोन आत्मान वाते स्वीकार नी कोरतेला, काहाकि चे हिंदरी नोजोरमा बीना दिमाक वावान वाते छे, एने नी चू हिनुक जान सोकतलु छे काहाकि हिंदरी चौकसी आत्मिक रितीसी होयतेली छे.

याकुब 4:4

हे भुंडला विचारोन काय तुमु नी जानतला कि संसारमा दोस्ती कोरणे परमेश्वर सी नांबे कोरनो छे? आखरी जुव कुदू जोगोन दुस्ती होयने जुवे, चू आपने आप काजे परमेश्वरोन वैरी बोनावतलो छे.

रोमी 7:22

काहाकि मे माहिवावा आत्मासी परमेश्वरोन शास्त्रनियमोन घोनो खुशीमा रोयतलो छे.

इब्रानियो 8:10

एने प्रभू कोये तीनु वायदा बाद इस्राईलोन घोराना साते मे जी वाचा बांधीस ची जी छे; मे मारी शास्त्रनियम काजे तिंदरा मोनोमा नाखीस, एने तीनु काजे तिंदरे मोनोपोर लिखीस एने मे तिंदरू परमेश्वर होयीस, एने चे मारा माणसे होयसे.

2 तीमथी 3:4

भुरसू तुडने वावु, ठीठ, घोमोंडी एने परमेश्वरोन नी बाकीन सुखविलासन भी चाहनेवावा होयसे.

कुलुस्सि 1:21

तुमु जे पेहेले निकाव लेदला होता एने बुरो कामोन लारे मोनोमा दुष्मोन होता.

रोमी 8:4

इनान कोरता कि शास्त्रनियमोन विधी आमरेमा जे डीलोन अनसारे नि बाकीन आत्मान अनसारे चालतलो छे पुरो कोराय जाय.

रोमी 5:10

काहाकि दुष्मोन होयनेन हालोत तेरा पुऱ्यान मोरनोन लारे आमरू मेव परमेश्वर साते होयू, ती चो ओवी मेव होय जाणे पोर तेरे जीवनोन लारे आमुक छुटकारू काहा नी जोळे?

रोमी 1:28

जेतार चे परमेश्वर काजे उवखनेन नी कोऱ्या ती परमेश्वर भी तीनु काजे रिकामा मोनोपोर छुळ देदु कि चे तोसा काम कोरे.

योहान 7:7

जोग तुमरे पोर दुष्मोनी नि कोर सोकतलो, बाकीन चो मारे साते दुष्मोनी कोरतेला काहाकि मी तेरे खिलापमा जी गोवायी आपलु छे कि तेरा कामे भुंडला छे.

रोमी 3:31

ती काय आमु शास्त्रनियम काजे भुरसान लारे, बिन कामोन ठेरावतेला? कोदि नी, बाकीन शास्त्रनियोम काजे मजबूत कोरतेला.

रोमी 1:30

बोदनाम कोरणे वावा, परमेश्वर सी रीस कोरणे वावा, दिसरान आदर नि कोरणे वावा, अभिमानी मोटायकी, भुंडला-भुंडला वाते बोनावने वावा, आसी बासान आग्या नी मानने वावा.

मत्ती 12:34

“हे घोळसान पीला, तुमु भुंडला होयीन बी कोसा वारलो वाते कोय सोकतला? काहाकि जो मोनोमा भोरलो छे, चोत मुयोमा आव लागतेलो.”

2 पतरस 2:14

तिंदरा डूवामा वैश्या मा बसला छे, एने चे पाप कोरे बिना रोय नि सोकतला, चे अस्थिर मोनवावा काजे फुसलावी लेतला छे; तिंदरा मोनो काजे लाभ कोरणेन पोढायी होय गोयलु छे; चे रीसोन वारीस छे.

मत्ती 5:19

इनान कोरता जू कुदू इना नानलीसी नानली आग्यामा गोथू काहना एक काजे तूळे, एने तोसोच माणसो काजे सिकाळे, चू सोरगोन राजोमा आखा गोथू नानलु कोवायसे; बाकीन जो कुदु तिनी आग्यान पालन कोरे एने तीनु काजे सिकाळसे, चू सोरगोन राजोमा महान कोवायसे.

1 कुरीन्थियो 9:21

जे व्यवस्थाहीन छे तिंदरेन कोरीन मे जो परमेश्वरोन नियमशास्त्रासी हीन नी होय बाकीन मसिहन नियम शास्त्रान ओधीन छे, नियम शास्त्रान अधीन छे, नियमशास्त्रहीन तोसा बोनु कि अधोरमी काजे हापकी लावू.

कुलुस्सि 2:18

कुदू माणूस आत्माहीनता एने सोरग दूतोन पूजा कोरावीन तुमु काजे दोवोळनेन फोवोसी छेटा नि कोरे. ओसलु माणूस देखला वातोमा लागला रोयतला छे एने आपनी डीलोन समजपोर बिना वजहसी रीसवायतला.