रोमी 8:13 - बारेली पावरी

¹³ काहाकि अगर तुमु डीलोन अनसारे दाहळा निकावसु ती मोरसू अगर आत्मासी डीलोन कामो काजे मारसु ती जीवतला रोयसु.

रोमी 8:13 Referans Kwoze

गलातियों 6:8

काहाकि जू आपना डीलोन कोरता वेरतलु, चू डीलोन लारे विनाशोन काटनी कोरसे एने जू आत्मान कोरता वेरतलु, चू आत्मान लारे ओमोरकाईन जीवनोन काटनी काटसे.

1 पतरस 2:11

हे मोंगावा, मी तुमु काजे विनता कोरो कि तुमु खुदो काजे दिसरा देसोन एने पाहांतऱ्या जानीन इना संसारोन लालूच गोथो जू आत्मामा लोळाय कोरतेली छे, वाचीन रोयू.

1 कुरीन्थियो 9:27

बाकीन मे आपना डीलो काजे देतलु कुटतलु एने ताबामा लावतलु छे, ओसो नी होये कि दिसरा काजे प्रचार कोरीन मे खुद कानला रितीसी रिकामु ठेरायो.

तीतुस 2:12

एने आमुक चेतावनी आपे कि आमुक अभक्ती एने संसारन भुंडली मोर्जीसी मन फिरावनीन इना जोगोमा संयम एने धर्म एने भक्तीसी जीवन जिवू.

गलातियों 5:24

एने जो मसिह येसुन छे, तिंदरा मोर्जी काजे एने भुंडली मोर्जी पुठी ख्रुस पोर चोळाय गोयला छे.

इफिसीयो 4:22

कि तुमु पोछला चाल-चलन अनसारे जुनलो स्वभाव काजे जी भोरमायलो वावी लालचोन अनसारे नाश होय जातलो छे उतार नाखू.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

रोमी 7:5

काहाकि जेतार आमु डीलोमा होता ती पापोन लालच जे शास्त्रनियमोन लारे होतो मोरनोन फोव पोयदा कोरनेन कोरता आमरा डीलोमा काम कोरती होती.

इफिसीयो 5:18

आंगुरोन रोससी छाकला मा बोनु, काहाकि तीनामा लुचळाय होयतेली छे बाकीन आत्मामा पुरा भोराय जावू.

रोमी 6:21

आखरी जिनी वातोसी हिमी तुमु लाजवायतला, तीनु काजे तिनी टेमे तोक काय फोव जोळतलो? काहाकि तेरो आखरी ते मुसा छे,

इफिसीयो 4:30

परमेश्वरोन पवित्र आत्मा काजे दुखी मा कोरु जीनासी तुमरे पोर छुटकारान कोरता आत्मान छापू देदलु छे.

रोमी 6:23

काहाकि पापोन दाहाळकी ते मोत छे बाकीन परमेश्वरोन वरदान आपना प्रभू येसु मसिहमा ओमोर जीवन छे.

रोमी 8:12

इनान कोरता हे भाशो आमु डीलोन कर्जदार नी होय कि डीलोन अनसारे दाहळा निकावजे.