रोमी 8:10 - बारेली पावरी

¹⁰ अगर मसिह तुमरेमा छे ती डील पापोन लारे मोरलो छे; बाकीन आत्मा धोरमोन वोजेसी जीवतलु छे.

रोमी 8:10 Referans Kwoze

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

योहान 17:23

मे तिंदरेमा एने तुमरेमा कि चे खोरलो होयीन एक होय जाय, एने जोग जाणे कि तू मेसेक मुकेललु, एने जोसू तू मारे पोर मोंग कोऱ्यु तोसोच तिंदरे पोर मोंग कोऱ्यु.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

रोमी 8:11

अगर काहनासोन आत्मा जू येसु मसिह काजे मोरलामा गोथू जीवाळ्यु चू तुमरा नाश होयने वावा डीलो काजे बी आपना आत्मान लारे जू तुमरेमा बोस रोयू जीवाळसे.

फिलिप्पि 1:23

काहाकि मे दुयोन इचमा लोटकी रोयू; मोन ते कोरे कि काहीन कोरीन मसिहनचा जायीन रोयो, काहाकि यो जुदो वारू छे.

फिलिप्पि 3:9

एने तीनामा जोळो नी कि आपना धारमिकता साते जी शास्त्रनियमोसी छे बाकीन तिना धारमिकता साते जू मसिह पोर भुरसू कोरनेन वोजेसी एने परमेश्वरोन भूनी गोथो भुरसू कोरनेसी जोळतली छे.

1 कुरीन्थियो 15:45

ओसोत लिखलो बी छे, कि “पेहेलू माणूस मतलब आदोम जीवतलु जोनावर बोनु” एने आखरी आदोम, जीवन आपनेवावू आत्मा बोन्यू.

प्रकाशित वाक्य 14:13

पोछु मे सोरगोमा गोथू यो बुल सोमव्यू, “लिख, जे मोरला प्रभूमा मोरतला छे चे हिमी गोथा सोयावा छे” आत्मा कोये, “होव, काहाकि चे आपना आखा मेहनतसी आराम कोरसे, तिंदरा कामे हिंदरे साते जात रोयतला छे.”

योहान 15:5

मे आंगुरोन वेलू छे, तुमु डाव्या छे जो मारेमा जुळायीन रोयतलु छे एने मी तिंदरेमा, चू जादा फोव फोवाळतलु छे, काहाकि मारे गोथा ओलोग होयीन तुमु कायबी नि कोर सोकतला.

योहान 14:23

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”

इब्रानियो 12:23

एने महासभा एने तीनु पेहेला पुऱ्यान मंडवीनचा जेरो नाव सोरगोमा लिखायली छे, एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 9:27

एने जोसी माणसोन कोरीन एकुत कावा मोरनो एने तेरे ओवतेन नियावोन होयने वावो कोराय गोयलो छे.

1 थिस्सलुनीकियो 4:16

काहाकि प्रभू एक सोरगो गोथू उतरसे; तिने टेमे ललकार, एने प्रधान दुतोन वात सोमवाय जासे, एने परमेश्वरोन फेपाऱ्यो फुकाय जासे; एने जे मसिहमा मोरला छे, चे पेहेले जीव उठसे.

2 कुरीन्थियो 13:5

आपना खुदो काजे पारखू कि भुरसामा होय कि नी होय. आपना खुदजे पारखू, काय तुमु आपना बारामा यो नी जानतला कि येसु मसिह तुमरेमा छे? नीती तुमु पारखमा बिन कामोन निकवला छे.

2 कुरीन्थियो 4:11

काहाकि आपनु जीवतलान हमेशा येसुन कोरता मोतोन होवाले कोराय जातला कि येसुन जीवन बी आपना मोरणे वावान डीलोमा प्रगट होये.

रोमी 5:21

कि जोसो पाप मोत काजे फैलावतू जायीन राज कोऱ्यु, तोसोत आमरू प्रभू येसु मसिहन लारे दया बी, ओमोर जीवनोन कोरीन धोरमी ठेरावती जायीन राज कोरे.

रोमी 5:12

इनान कोरता जोसू एक माणसोन लारे दुनीयामा पाप आव्यु, एने पापोन लारे मोरोन आव्यो एने इना रितीसी मोरोन आखा माणसोमा फैल गोयी काहाकि आखात पाप कोरला छे.

योहान 6:56

जो मारो मास खातलो एने मारो लुय पितलो चो मारेमा पाको बोनीन रोयतलो छे, एने मे तेरेमा.

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

योहान 6:54

जू मारो मास खातलु एने मारो लुय पितलु छे, ओमोर जीवन तीरोत छे; एने मे तीनाक आखरी दाहळे एने जीव उठाळीस.