रोमी 6:4 - बारेली पावरी

⁴ आखरी, तीना मोरनोन बाप्तिस्मा होयनेसी आपु तीना साते गाळाय गोया काहाकि जोसो येसु मसिह काजे बासोन महिमान लारे मोरलामा गोथू जीवाळाय गोयो तोसोत आपु बी नोवला जीवनोन चाल चालजे.

रोमी 6:4 Referans Kwoze

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

कुलुस्सि 3:10

एने नोवला माणूस काजे पेहेर लेदला छे, जे आपना बोनावने वावान सारकु ग्यान हासील कोरनेन कोरता नोवलो बोनतो जातलो छे.

रोमी 7:6

बाकीन हिमी जिनान बंधनमा आमु होता तिनान कोरता मोरीन हिमी शास्त्रनियमोन नुसार ओसा छुट गोया कि लिखलान जूनली रितीन अनसारे नि बाकीन आत्मान नोवली रितीसी सेवा कोरतेला छे.

1 पतरस 3:21

तीना पाणीन दाखलू भी, मतलब बाप्तिस्मा, येसु मसिह मोरीन जीव उठनेन लारे, हिमी तुमु काजे वाचाडलु छे; इनासी डीलोन मोयोव काजे धुवने कोरनेन मतलब नि होय, बाकीन वारला मोनोसी परमेश्वरोन ताबामा होई जाणेन मतलब छे.

रोमी 6:9

काहाकि यो मालूम छे कि मसिह मोरलामा गोथू जीव उठीन पोछु नि मोरे, तीना पोर पोछा मोरणन होक नी होय.

2 कुरीन्थियो 13:4

चू कोम ताकतोन वोजेसी ख्रुस पोर चोळी ते गोयू, ते बी परमेश्वरोन ताकतसी जीवतलु छे आमु बी तेरेमा कोम ताकत वावा छे, बाकीन परमेश्वरोन ताकतसी जो तुमरेन कोरता छे, तेरे साते जीवसु.

रोमी 6:3

काय तुमु काजे नी मालूम कि आपु आखा येसु मसिहन बाप्तिस्मा लेदा, तेरा मोरनेन बाप्तिस्मा लेदा.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.

1 कुरीन्थियो 6:14

परमेश्वर आपनो ताकतसी प्रभू काजे जीवाळ्यु, एने आमु काजे बी जीवाळ्यु.

रोमी 8:11

अगर काहनासोन आत्मा जू येसु मसिह काजे मोरलामा गोथू जीवाळ्यु चू तुमरा नाश होयने वावा डीलो काजे बी आपना आत्मान लारे जू तुमरेमा बोस रोयू जीवाळसे.

इफिसीयो 4:17

इनान कोरता यो कोयो कि एने प्रभूमा विनता कोरो कि जोसा दिसरा जातीन माणसे आपना मोनोन दिसरा रिती पोर चालतला तुमु आखा हिमी गोथा ओसा मा चालु.

रोमी 6:19

मे तुमरे डीलोन कोमजूरी पोरसी माणसोन रिती पोरसी कोयो कि जोसो तुमु आपना डीलोक भुंडला कामोन गुलाम कोरीन होवाले कोरलो होतो तोसोत हिमी चुखलान कोरता धोरमीन गुलाम कोरीन सोप देवू.

योहान 11:40

येसु तिनी काजे कोयू, “काय मे तुसेक नि कोयलु होतु कि कोदि तू भुरसू कोरिस, ती परमेश्वरोन महिमा काजे देखीस.”

प्रेषित 2:24

बाकीन तीना काजे परमेश्वर मोरनेमा गोथो बंधनमा गोथू बुलाळीन जीवाळ्यु, काहाकि यो होयने वावू होतो कि चू तेरे ताबामा रोयतू.

कुलुस्सि 4:1

हे मालिक आपना-आपना पावोर साते नियाव एने ठीक-ठीक व्यहवार कोरु, यो सोमजीन कि सोरगोमा तुमरु बी एक मालिक छे.

इफिसीयो 5:8

काहाकि तुमु ते पेहेले आंदारलामा होता बाकीन हिमी प्रभूमा विजावो छे आखरी विजावान पुऱ्या सारखा चालू.

योहान 2:11

येसु गलीलोन कानामा तेरो यो पेहेलो चमत्कार देखाळीन तेरी महिमा कोराव लेदू एने तेरा चेला तीना पोर भुरसू कोऱ्या.

प्रेषित 2:32

इनात येसुक परमेश्वर जीवाळ्यु जीनाक आमु आखा गोवा छे.

रोमी 6:8

इनान कोरता अगर आपु मसिह साते मोर गोया ती आमरू भुरसू यु छे कि तेरे साते जीवसू बी.