रोमी 6:3 - बारेली पावरी

³ काय तुमु काजे नी मालूम कि आपु आखा येसु मसिहन बाप्तिस्मा लेदा, तेरा मोरनेन बाप्तिस्मा लेदा.

रोमी 6:3 Referans Kwoze

गलातियों 3:27

एने तुमरेमा गोथा जोतरा मसिहमा बाप्तिस्मा लेदला छे, चे मसिह काजे पेहर लेदला छे.

रोमी 6:8

इनान कोरता अगर आपु मसिह साते मोर गोया ती आमरू भुरसू यु छे कि तेरे साते जीवसू बी.

1 कुरीन्थियो 12:13

काहाकि आखा यहुदि होय काय युनानी, काय पावोर होय काय छुटकारू एकुत आत्मान लारे एक डील होयनेन कोरता बाप्तिस्मा लेदू, एने आपनु आखा काजे एकुत आत्मा पिवाळी छे.

1 पतरस 3:21

तीना पाणीन दाखलू भी, मतलब बाप्तिस्मा, येसु मसिह मोरीन जीव उठनेन लारे, हिमी तुमु काजे वाचाडलु छे; इनासी डीलोन मोयोव काजे धुवने कोरनेन मतलब नि होय, बाकीन वारला मोनोसी परमेश्वरोन ताबामा होई जाणेन मतलब छे.

प्रेषित 2:38

पतरस तीनु काजे कोयू, “मोन फिरावू एने तुमरे मायला आखा आपना-आपना पापोन माफीन कोरीन येसु मसिहन नावसी बाप्तिस्मा लेवू तेतार तुमु पवित्र आत्मान वरदान लेसू.”

मत्ती 28:19

इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.

याकुब 4:4

हे भुंडला विचारोन काय तुमु नी जानतला कि संसारमा दोस्ती कोरणे परमेश्वर सी नांबे कोरनो छे? आखरी जुव कुदू जोगोन दुस्ती होयने जुवे, चू आपने आप काजे परमेश्वरोन वैरी बोनावतलो छे.

1 कुरीन्थियो 9:13

काय तुमु नी जानतला कि जू मंदीरमा सेवा कोरतेलू चू मंदीरमा गोथू खातलु छे; एने जू वेदीन सेवा कोरतेलू, चू वेदी साते भागीदार होयतलु छे?

रोमी 7:1

हे भाशो काय तुमुक नी मालूम होय, मे नियम जानणे वावा काजे कोयो कि जत्यार तोक माणूस जीवतलु रोयतलू तेत्यार तोक तीना पोर नियमोन होक रोयतलु छे?

रोमी 6:16

काय तुमु नी जानतला कि जेरी आग्या माननेन कोरीन तुमु खूदो काजे नोवकरोन तोसो सोप देजे तेरात गुलाम छे, चाहे पापोन, जेरो ओमोरकाई जीवनोन मोरनो छे, चाहे आग्या माननेसी जेरो धारमिकता छे.

प्रेषित 19:5

यो सोमवीन चे प्रभू येसुन नावोमा बाप्तिस्मा लेदा.

1 कुरीन्थियो 6:9

काय तुमु नी जानता कि अन्याय कोरण्या माणसे परमेश्वरोन राजोन वारीस नी रोये? धोकू मा खावू; नी वेश्या गमन, नी मूर्ती पुजान, नी परस्त्रीगमन, नी लुचळाय, नी पुरूश गामी,

1 कुरीन्थियो 5:6

तुमरो मोटाय कोरनो वारू नी होय; काय तुमु नी जानतला कि इतरोक खमीर पुरा कुसेनला पीठाक खमीर कोर देतलो छे.

प्रेषित 8:16

काहाकि पवित्र आत्मा हिमी तोक तिंदरे माहीन कुदा पोर नि उतरलु होतु चे निस्ता प्रभू येसुन नावोसी बाप्तिस्मा लेदला होता.

2 कुरीन्थियो 13:5

आपना खुदो काजे पारखू कि भुरसामा होय कि नी होय. आपना खुदजे पारखू, काय तुमु आपना बारामा यो नी जानतला कि येसु मसिह तुमरेमा छे? नीती तुमु पारखमा बिन कामोन निकवला छे.

1 कुरीन्थियो 15:29

नीती जे माणसे मोरलान कोरता बाप्तिस्मा लेतला छे चे काय कोरसे? कोदि मोरला जीव उठतेला नीती पोछो काहा हिंदरेन कोरता बाप्तिस्मा लेतला?

1 कुरीन्थियो 3:16

काय तुमु नी जानता कि तुमु परमेश्वरोन मंदीर छे, एने परमेश्वरोन आत्मा तुमरेमा रोयतलु छे?

1 कुरीन्थियो 6:19

काय तुमु नी जानतला कि तुमरो डील पवित्र आत्मान मंदीर छे, जू तुमरेमा बोसलु छे एने तुमुक परमेश्वरोनचा गोथू जोळलु छे; एने तुमु खुदोन नी होय?

1 कुरीन्थियो 9:24

काय तुमु नी जानतला कि दोवोळनेमा ते दोवोळतला आखा छे, बाकीन इनाम एकुत ली जातलु? तुमु ओसलोत दोवेळना काजे जिकू.

1 कुरीन्थियो 10:2

एने आखा वादवामा एने दोरीयामा, मुसान बाप्तिस्मा लेदा.