रोमी 6:12 - बारेली पावरी

¹² इनान कोरता पाप तुमरा नाशवंत डीलोमा राज नी कोरणो जुवे कि तुमु तेरी लालचोन होकमा रोयू;.

रोमी 6:12 Referans Kwoze

गलातियों 5:16

बाकीन मे कोयो, आत्मान अनसारे चालू ती तुमु डीलोन मोर्जी काहना रितीसी पुरा नि कोरे.

रोमी 6:16

काय तुमु नी जानतला कि जेरी आग्या माननेन कोरीन तुमु खूदो काजे नोवकरोन तोसो सोप देजे तेरात गुलाम छे, चाहे पापोन, जेरो ओमोरकाई जीवनोन मोरनो छे, चाहे आग्या माननेसी जेरो धारमिकता छे.

रोमी 8:13

काहाकि अगर तुमु डीलोन अनसारे दाहळा निकावसु ती मोरसू अगर आत्मासी डीलोन कामो काजे मारसु ती जीवतला रोयसु.

गलातियों 5:24

एने जो मसिह येसुन छे, तिंदरा मोर्जी काजे एने भुंडली मोर्जी पुठी ख्रुस पोर चोळाय गोयला छे.

2 कुरीन्थियो 4:11

काहाकि आपनु जीवतलान हमेशा येसुन कोरता मोतोन होवाले कोराय जातला कि येसुन जीवन बी आपना मोरणे वावान डीलोमा प्रगट होये.

2 तीमथी 2:22

जुवानीन भुंडलो विचारसी ढास, एने जो चुखला मोनोसी प्रभून नाव लेतला तिंदरे साते धर्म एने भुरसू, एने मोंग एने मेव भेसकायनेन पिछा कोर.

इफिसीयो 4:22

कि तुमु पोछला चाल-चलन अनसारे जुनलो स्वभाव काजे जी भोरमायलो वावी लालचोन अनसारे नाश होय जातलो छे उतार नाखू.

रोमी 2:8

बाकीन जू विवादी छे एने खोरला काजे नि मानतेलु बाकीन अधोरमोन काजे मानतलु तीनु पोर रीस पोळसे,

1 पतरस 2:11

हे मोंगावा, मी तुमु काजे विनता कोरो कि तुमु खुदो काजे दिसरा देसोन एने पाहांतऱ्या जानीन इना संसारोन लालूच गोथो जू आत्मामा लोळाय कोरतेली छे, वाचीन रोयू.

तीतुस 2:12

एने आमुक चेतावनी आपे कि आमुक अभक्ती एने संसारन भुंडली मोर्जीसी मन फिरावनीन इना जोगोमा संयम एने धर्म एने भक्तीसी जीवन जिवू.

इफिसीयो 2:3

इनामा आमु बी आखान आखा पेहेले आपना डीलोन मोर्जीमा दाहळा जावाळता होता एने मोनोन मोर्जी पुरी कोरता होता एने दिसरा माणसो सारखो स्वभाव सी रीसोन पुऱ्या होता.

यहुदा 1:18

चे तुमु काजे कोया कोरता होता, “पोछला दाहळामा ओसला मोजाक कोरने वावा होयसे जे आपना भोक्ती नी कोरणे वावान भुंडला मोर्जीन अनसारे चालसे.”

1 पतरस 1:14

आग्या पावने वावा पुऱ्यान ओगोव आपनी अग्यानता टेमोन जुनली लालचोन तोसा मा बोनु.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

1 थिस्सलुनीकियो 4:5

एने यो काम गोलोत मोर्जीसी नी, एने नि तिंदरा जातीन तोसा जी परमेश्वर काजे नि मानतली.

रोमी 13:14

बाकीन प्रभू येसु मसिह काजे पेहेर लेवू, एने डीलोन मोर्जी काजे पुरो कोरनेन इलाज मा कोरु.

रोमी 8:11

अगर काहनासोन आत्मा जू येसु मसिह काजे मोरलामा गोथू जीवाळ्यु चू तुमरा नाश होयने वावा डीलो काजे बी आपना आत्मान लारे जू तुमरेमा बोस रोयू जीवाळसे.

रोमी 6:14

तेत्यार तुमरे पोर पापोन बंधन नी रोये काहाकि तुमु शास्त्रनियमोन ताबामा नी होय बाकीन दयान ताबामा छे.

रोमी 5:21

कि जोसो पाप मोत काजे फैलावतू जायीन राज कोऱ्यु, तोसोत आमरू प्रभू येसु मसिहन लारे दया बी, ओमोर जीवनोन कोरीन धोरमी ठेरावती जायीन राज कोरे.

यहुदा 1:16

ये ते असनतूष्ट कुरकुर कोरणे वावा एने आपना भुंडला मोर्जीन अनसारे चालने वावा छे, एने आपना मुयोसी मोटायन वाते बुलतला छे एने चे फायदान कोरता मुये देखीन बोढाई कोरतेला छे.

2 कुरीन्थियो 5:4

एने आपनु इना मोंडपमा रोयता जायीन भारोसी दाबाईन फासता रोयतला काहाकि आपु निकावने नी बाकीन ओवी पेहेरनेन कोरता, काहाकि जो मारा जीवनोमा डूब जाय.