रोमी 4:25 - बारेली पावरी

²⁵ चू आमरा पापोन गुणान कोरता धोराय गोयू, एने आमुक धोरमी ठेरावनेन कोरता जीवतू कोराय गोयू.

रोमी 4:25 Referans Kwoze

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

1 योहान 2:2

एने होयुत आमरे पापोन पश्चाताप छे, एने बोस आमरो ओतरो नि आखा जोगोन पापोन बी.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 कुरीन्थियो 15:17

एने ओगर येसु मसिह बी नि जीव उठ्यू, ती तुमरू भुरसू बी वायबार छे, एने तुमु हिमी तोक तुमरा पापोमा फोस रोया.

रोमी 8:3

काहाकि जो काम नियम डीलोन वोजेसी कमजोर होयीन नि कोर सोकी, तीनुक परमेश्वर कोरलु छे, मतलब तेरात पुऱ्या काजे पापमय डीलोन सारखो, एने पापोन बलिदान होयनेन कोरता मूकल्यु, डीलोमा पापोन दोंडोन आग्या आप्यू.

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.

रोमी 5:18

इनान कोरता जोसो एक गुणू आखा माणसोन कोरता मोतोन मतलब बोने, तोसोत एक धोरमोन काम बी आखा माणसोन कोरता जीवनोन कोरता धोरमी ठेरायसे.

रोमी 3:25

तीना काजे परमेश्वर तेरो लुयसी एक ओसू पोस्तावू ठेराव्यू, जू भुरसू कोरणेसी ठेरायतलु छे, कि जो पाप पेहेल कोराय गोयलो एने जीना पोर परमेश्वर तेरी सहन शीलतान लारे ध्यान नी लागाळ्यु तेरे बारामा चू तेरी धारमिकता सामने लावे.

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”

प्रकाशित वाक्य 7:14

मे तीना काजे कोयू, “हे स्वामी, तूत जानतलु छे” चू मेसे काजे कोयू “जे चे छे, चे तिना मोटला दुखोमा गोथा निकवीन आवला छे चे आपना-आपना छिंदरा गाडरान लुयमा धुवीन धोव्वा कोरला छे.”

2 कुरीन्थियो 5:15

एने चू इना वोजेसी आखान कोरता मोर गोयू कि चू जीवतलु छे चे ओगोव आपनेन कोरता नी जीवे बाकीन तिनान कोरता जू तिंदरेन कोरता मोऱ्यु एने पोछु जीव उठ्यू.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इब्रानियो 8:3

काहाकि होर एक महायाजक भेट एने बलिदान दुयू काजे बी चोळावनेन कोरता नेवळाय जातलु छे, आखरी, यो गोरोजोन छे कि चोळावनेन कोरता इना महायाजोक जुव बी काहीन रोयनो जुवे.