रोमी 4:11 - बारेली पावरी

¹¹ चू सुंतान चिन्ह लेदू कि तिना भुरसान धोरमी पोर छापू लागाय जाय जो चू सुंता नी कोरलान लारे मेकलु होतु, काहाकि चे बी धोरमी ठेराये;

रोमी 4:11 Referans Kwoze

रोमी 3:22

मतलब परमेश्वरोक जी धारमिकता जो येसु मसिह पोर भुरसू कोरणेसी आखा भुरसू कोरनेवावान कोरता छे. काहाकि काहीन भेद नि होय;.

लुका 19:9

तेत्यार येसु तीना काजे कोयू, “आज इना घोरोमा छुटकारू आवलो छे, इनान कोरता कि यु बी अब्राहामन पुऱ्यु छे.

इब्रानियो 11:7

भुरसासी नोहा तिनी वातोन बारामा जो तिने टेम तोक देखायती नी होती चेतावनी लीन बिकोसी आपना परिवारोक वाचाडनेन कोरता ढोंड्या बोनाव्यू इना रितीसी चू जोगो काजे गुवाव्यू ठेराव्यू एने तिना धारमिकतान होकदार बोन्यू जू भुरसान अनसारे छे.

2 कुरीन्थियो 1:22

जू आमरेपोर छापू बी लागाळ देदलो छे एने बोयानमा आत्मा काजे आमरा मोनोमा आप्यू.

फिलिप्पि 3:9

एने तीनामा जोळो नी कि आपना धारमिकता साते जी शास्त्रनियमोसी छे बाकीन तिना धारमिकता साते जू मसिह पोर भुरसू कोरनेन वोजेसी एने परमेश्वरोन भूनी गोथो भुरसू कोरनेसी जोळतली छे.

इफिसीयो 4:30

परमेश्वरोन पवित्र आत्मा काजे दुखी मा कोरु जीनासी तुमरे पोर छुटकारान कोरता आत्मान छापू देदलु छे.

इफिसीयो 1:13

एने तीनामा तुमरे पोर बी, जेतार तुमु खोरलो वचन सोमव्या जो तुमरे छुटकारान वारली खोबर छे एने जीना पोर तुमु भुरसू कोऱ्या, वायदा कोरला एने पवित्र आत्मान छापू लाग्यू.

गलातियों 6:16

जोतरा इना नियमोपोर चालसे तिंदरे पोर, एने परमेश्वरोन इस्राईल पोर शांती एने दया होयती रोये.

गलातियों 5:5

काहाकि आत्मान लारे आपनु भुरसासी, आस कोरली धारमिकतान वाट जुवतला छे.

गलातियों 3:29

एने ओगर तुमु मसिहन होय ती अब्राहामन पीढीन एने वायदान अनसारे वारीस बी छे.

गलातियों 3:22

बाकीन पवित्र शास्त्रामा आखा काजे पापोन ताबामा कोर देदु, काहाकि चू वायदान आधार येसु मसिह पोर भुरसू कोरनो छे, भुरसू कोरणे वावान कोरता पुरो होय जाय.

गलातियों 3:7

आखरी, यो जान लेवू कि जू भुरसू कोरणे वावू छे चेत अब्राहामन पुऱ्या छे.

रोमी 10:11

काहाकि पवित्र शास्त्र यो कोये कि, “जू कुदु तिना पोर भुरसू कोरे चू लाजवाये नी.”

रोमी 10:6

बाकीन जी धारमिकता भुरसासी छे, ची यो कोय कि “तू आपना मोनोमा यो कोयतू झुनी कि सोरग पोर कून चोळसे? (मतलब मसिहक उतारीन लावनेन कोरता).”

रोमी 10:4

काहाकि होर एक भुरसू कोरणे वावा कोरता धोरमीन वजेसी मसिहन सेवक नियमूत आखरी छे.

योहान 6:35

येसु तीनुक कोयू, “जीवनोन रुटू मेत छे जू मारे साते आवे छे चू कोबी भूकलू नि रोये, एने जो मार पोर भुरसू कोरे चू कोबी तीसलु नि रोये.

प्रकाशित वाक्य 9:4

तीनु काजे कोवाय गोयो कि नी कोवीन खोळा काजे, नी कानला निव्वा काजे, नी कानला झाडो काजे नुकसान होये, निस्ता तिना माणसो काजे जिंदरा माथा पोर परमेश्वरोन छापू नि होय.

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

रोमी 9:30

आखरी आमु काय कोयजे? यो कि दिसरा जाती बी धारमिकताक नी हेरता होता धारमिकता लीन तीना धारमिकता काजे भुरसासी छे.

रोमी 9:6

बाकीन यो नि कि परमेश्वरोन वचन टोव गोयो इनान कोरता कि जे इस्राईलोन पिढी छे चे आखा इस्राईली नी होय;.

रोमी 3:26

बाकीन इना टेमोमा तेरी धारमिकतान सामने होये जेरेसी चू खुद धोरमी ठेरे एने जू येसु पोर भुरसू कोरे तेरो बी धोरमी ठेरने वावू होये.

योहान 8:33

चे तीनाक जोवाब आप्या, “आमु ते अब्राहामन पिढी मायलु छे, एने कोबी कुदान गुलाम नि होये ती तू कोसू कोरतेलू कि तुमु छुळवाय जासू?”

योहान 6:47

मी तुमु काजे छाचलीन-छाचलीन कोयो कि जू कुदू भुरसू कोरतेलू छे, ओमोर जीवन तेरोत छे.

योहान 6:40

काहाकि मारा बासोन मोर्जी जीत छे कि जो कुदू पुऱ्या काजे देखीन एने तीना पोर भुरसू कोरे; तीनाक ओमोर जीवन जोळे; एने मे तीनाक आखरी दाहळे पोछु जीव उठाळीस.”

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

मत्ती 16:16

शिमोन पतरस जोवाब आप्यू, “तू जीवतला परमेश्वरोन पुऱ्यु मसिह छे.”

मत्ती 8:11

एने मे तुमु काजे कोयो कि पूरब एने पच्छिम भूनी गोथा माणसे आवीन अब्राहाम एने इसाहाक एने याकुबोन साते सोरगोन राजमा बोठसु,

रोमी 9:33

जोसो लिखलो छे देखू मे सियोनमा एक ठेस लागणेन दोगळू एने जू तेरे पोर भुरसू कोरसे चू लाजवाये नी.

योहान 3:33

जू तेरी गोवायी मान लेदू चू इनी वातोपर छापू लागाळ देदू कि परमेश्वर खोरलू छे.

रोमी 3:30

काहाकि एकुत परमेश्वर छे, जू सुंता वावा काजे भुरसासी एने सुंता नि कोरला काजे बी भुरसान लारे धोरमी ठेराव्यू.

रोमी 4:10

ती चू कोसू गीनाय गोयू? सुंतान लारे कि सुंतान नी कोरलान लारे? सुंता कोरलान लारे नी बाकीन सुंता नी कोरलान लारे.