रोमी 3:22 - बारेली पावरी

²² मतलब परमेश्वरोक जी धारमिकता जो येसु मसिह पोर भुरसू कोरणेसी आखा भुरसू कोरनेवावान कोरता छे. काहाकि काहीन भेद नि होय;.

रोमी 3:22 Referans Kwoze

रोमी 10:12

यहुदि एने युनानीमा काहनास भेदभाव नी होय, इनान कोरता कि चू आखान प्रभू छे एने आपना आखान नाव लेणे वावा सपन्न कोरे.

गलातियों 3:28

हिमी नी कुदू यहुदि रोयू, नी युनानी, नी कुदू पावोर, नी स्वतंत्र, नी कुदु नोर, नी कुदु नारी, काहाकि तुमु आखा मसिह येसुमा एक छे.

गलातियों 2:16

ते बी यो सोमजीन कि माणूस नियम शास्त्रान कामोसी नी पुन निस्तु येसु मसिह पोर भुरसू कोरणेन लारे धोरमी गीनायतेलु छे, आमु ते खुद भी येसु मसिह पोर भुरसू कोरणेसी धोरमी ठेहऱ्या; इनान कोरता नियम शास्त्रान कामोसी कुदू प्राणी धोरमी नी ठेराये.

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

कुलुस्सि 3:11

तीनामा नि ते युनानी, नि यहुदि, नि सुंता, नि बिगर सुंता वावू, नि जोंगली, नि स्कुती, नी गुलाम, एने नि आजादी, निस्तु आखा काहीन एने आखामा मसिह छे.

फिलिप्पि 3:9

एने तीनामा जोळो नी कि आपना धारमिकता साते जी शास्त्रनियमोसी छे बाकीन तिना धारमिकता साते जू मसिह पोर भुरसू कोरनेन वोजेसी एने परमेश्वरोन भूनी गोथो भुरसू कोरनेसी जोळतली छे.

रोमी 2:1

आखरी, हे गुणू लागाळने वावा, तू कुदुबी काहा नी होय, तू रिकामा छे; काहाकि जिनी वातोमा तू दिसरा पोर दोष लागाळे तिनी वातोमा तू खुदो काजे बी गुणावू ठेरावतलु, इनान कोरता कि तु जू गुणू लागाळलु खुद बी चो काम कोरतेलू.

याकुब 2:23

एने पवित्र शास्त्रोन यो वचन पुरो होयो “अब्राहामन परमेश्वर पोर भुरसू कोऱ्यु, एने यो तेरेन कोरता धारमिकता गीनाय गोयू” एने चू परमेश्वरोन जुळीदार कोवायु.

प्रेषित 15:9

इना रितीसी विस्वासोन लारे तिंदरा मोन चुखा कोरीन आमरेमा एने तेरेमा काय अंतर नि मेक्यू.

1 कुरीन्थियो 4:7

काहाकि तुमरेमा एने दिसरामा कून मोटाय कोरे? एने तारे जुव काय छे जो तू दिसरासी नी लेदू? एने जेतार कि तू दिसरासी लेदलु छे, ती ओसी मोटायकी काहा कोरे कि माणू नि जोळ्यो?

रोमी 9:30

आखरी आमु काय कोयजे? यो कि दिसरा जाती बी धारमिकताक नी हेरता होता धारमिकता लीन तीना धारमिकता काजे भुरसासी छे.

लुका 15:22

बाकीन बास आपना पावोर काजे कोयू, “मामार वारलामा गोथा वारला छिंदरा निकावीन इना काजे पेहेरावू, एने एरे हातोमा मुंदी एने पायोमा खासळा पेरावू,

प्रेषित 3:16

तेरेन नावोमा मतलब तिना विस्वासोन लारे जू येसुन नावो पोर छे, इना माणसो काजे जीना काजे तुमु उवखी रोया एने देखीरोया, ताकत जोळली छे तीना विस्वासमा जी तेरे लारे छे इनान आखान सामने पुरो आरगाई आपली छे.

प्रेषित 11:12

पवित्र आत्मा मेसे काजे कोयू कि बिना विचारोन तिंदरे साते जा एने छोव भाशे बी मारे साते आवला आमु तिना माणसोन घोर गोया.

रोमी 1:17

काहाकि तीनामा परमेश्वरोन धोरमी विश्वासी सी एने भुरसान कोरता प्रगट होयतेली छे; जोसो लिखलो छे “विश्वासी धोरती पोर जीवतला रोयसे.”

रोमी 3:30

काहाकि एकुत परमेश्वर छे, जू सुंता वावा काजे भुरसासी एने सुंता नि कोरला काजे बी भुरसान लारे धोरमी ठेराव्यू.

रोमी 4:16

इनान वोजेसी वायदू भुरसान लारे छे, कि चे दयान रिती पोर कि चे तेरे आखा पीढीन कोरता मजबूत होये, नी ते निस्तु तेरेन कोरता जू शास्त्रनियोम वावू छे; बाकीन तेरेन कोरता बी जू अब्राहाम सारकू भुरसावाला छे, चू आमरा आखान बास छे,

रोमी 10:4

काहाकि होर एक भुरसू कोरणे वावा कोरता धोरमीन वजेसी मसिहन सेवक नियमूत आखरी छे.

1 कुरीन्थियो 12:13

काहाकि आखा यहुदि होय काय युनानी, काय पावोर होय काय छुटकारू एकुत आत्मान लारे एक डील होयनेन कोरता बाप्तिस्मा लेदू, एने आपनु आखा काजे एकुत आत्मा पिवाळी छे.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

गलातियों 3:22

बाकीन पवित्र शास्त्रामा आखा काजे पापोन ताबामा कोर देदु, काहाकि चू वायदान आधार येसु मसिह पोर भुरसू कोरनो छे, भुरसू कोरणे वावान कोरता पुरो होय जाय.

इफिसीयो 3:12

जीनामा आमु काजे तीना पोर भुरसू कोरणेसी हिंमत भुरसासी परमेश्वर साते आवनेन होक छे.