11 कुदू सोमोजदार नी होय, कुदू परमेश्वर काजे हेरने वावू नी होय,
काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.
काहाकि डील पोर मोन लागाळनो ते परमेश्वर साते दुष्मोनी कोरनो छे काहाकि नी ते परमेश्वरोन शास्त्रनियमोन होकमा छे एने नी होय सोकतलो.
एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.
जेतार चे परमेश्वर काजे उवखनेन नी कोऱ्या ती परमेश्वर भी तीनु काजे रिकामा मोनोपोर छुळ देदु कि चे तोसा काम कोरे.
चे आपना खुदो काजे ओकोलवावू जानीन बिन ओकल्यु बोन गोया.
जो कुदू राजोन वचन सोमवीन नी सोमजतेला, तिंदरा मोनोमा जो काय वेराय गोयलो होतो, तीनाक चू भुतडू आवीन हापकी ली जातलु छे यो चोत छे, जो वाटीन धोळे वेराय गोयलो होतो.”
भविष्य कोरतान लारे ओसो लिखलो छे, “कुदू धोरमी नी होय, एक बी नी होय.”
आखा भोटकी गोयला छे, आखान-आखा ठारला बोन गोयला छे; कुदू भोलाई कोरणे वावू नी होय, एक बी नी होय.