रोमी 2:1 - बारेली पावरी

¹ आखरी, हे गुणू लागाळने वावा, तू कुदुबी काहा नी होय, तू रिकामा छे; काहाकि जिनी वातोमा तू दिसरा पोर दोष लागाळे तिनी वातोमा तू खुदो काजे बी गुणावू ठेरावतलु, इनान कोरता कि तु जू गुणू लागाळलु खुद बी चो काम कोरतेलू.

रोमी 2:1 Referans Kwoze

लुका 6:37

“गुणू मा लागाळू, ती तुमरे पोर बी गुणू नि लागे, दोषी मा ठेरावू, ती तुमु बी दोषी नी ठेराये, माफ कोरु, ती तुमरी बी माफी होय जासे.

रोमी 2:3

हे माणसो तु जो ओसला-ओसला काम कोरने वावा पोर गुणू लागाळतलु एने तू खुद चो काम कोरतेला छे. काय तू यो सोमजे कि तू परमेश्वरोन दोंडोन आग्यासी वाच जाय?

रोमी 9:20

हे माणसो भोलेत तू कून छे जू परमेश्वरोन सामना कोरतेलू? काय बोनावली चीज बोनावने वावा काजे कोय सोकतली “तू मेसे काजे ओसो काहा बोनाव्यू?”

याकुब 4:11

हे भाशो, एक दिसरान बोदनामी मा कोरु, जू आपना भाशोन बोदनामी कोरतेलू छे, चू नियम शास्त्रान बोदनामी कोरतेलू छे एने नियम शास्त्र पोर गुणू लागाळतलु छे; एने ओगर तू नियमशात्रापोर दोष लागाळतलु छे, ती तू नियम शास्त्र पोर चालने वावू नि बाकीन तेरे पोर हाकिम ठेरावसे.

याकुब 2:20

पुन हे रिकामा माणूस, काय तू यो भी नि जानतलु कि काम बिगोर भुरसू बिन कामोन छे?

लुका 19:22

चू तीना काजे, “हे रीसावा पावोर, मे तारे मुखोसी तुसेक गुणावू ठेरावो चू मेसेक जानतू होतु कि मे रीसावू माणूस होतु, जा नि मेको चा मी चूट लेतलु एने जा नि वेरो चा काटतेलु;”

1 कुरीन्थियो 7:16

काहाकि हे बायर, तू काय जानतली छे कि तू आपना घरवावान छुटकारू कोराव लीस? एने हे ओदमी, तू काय जानतलु छे कि तू आपनी लाडीन छुटकारू कोराव लीस?

लुका 12:14

येसु तीनाक कोयू, “हे माणूस, कून मेसेक तुमरू न्याय एने वाटने वावू नेमलू छे?”

रोमी 2:2

आमु काजे मालूम छे कि ओसला-ओसला काम कोरणे वावा पोर परमेश्वर भूनी गोथू खोरला दोंडन आग्या होयतेली.

रोमी 3:9

ती ओवतेन काय होयो? काय आमु तिंदरेसी वारला छे? कोबी नि; काहाकि आमु यहुदिन एने युनानी दुयो पोर यु गुणू लागाळ देतला छे कि चे आखान-आखा पापोन ताबामा छे.

रोमी 14:22

तारू जू भुरसू होय तीनाक परमेश्वरोन सामने आपनात मोनोमा राख. सोयावा चे छे इनी वातोमा, जीनाक चू वारू सोमोजतलु, खुदो काजे गुणावू नि ठेरावतेलु.

1 कुरीन्थियो 4:5

इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.