रोमी 13:13 - बारेली पावरी

¹³ जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

रोमी 13:13 Referans Kwoze

गलातियों 5:21

डाव मोतलोबी हेवा एने तिंदरे सारखा एने लोकेत कामे छे, इंदरा बारामा तुमु काजे पेहलेन कोय दोम जोसू पेहेले बी कोयलु छे, कि ओसा-ओसा कामे कोरने वावा परमेश्वरोन राजान वारीस नी होये.

इफिसीयो 5:18

आंगुरोन रोससी छाकला मा बोनु, काहाकि तीनामा लुचळाय होयतेली छे बाकीन आत्मामा पुरा भोराय जावू.

1 थिस्सलुनीकियो 4:12

काहाकि बारथे वावान तोरोफसी आदोर हासील कोरु, एने तुमु काजे कहानला चीजोन कोमी नि होये.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.

इफिसीयो 5:15

इनान कोरता ध्यानसी देखू कि कोसी चाल चालतला छे, बिन ओकल्या नी पुन ओकोलवावान तोसा चालू.

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

लुका 21:34

इनान कोरता हुशारीमा रोयू, ओसो नि होये कि तुमरा मोन खुमारीमा, एने मोंदळ्यामा, एने इना जीवनोन चिंतामा पोड जाय, एने चू दाहळू तुमरे पोर फासी सारखु आवीन पोळे.

1 थिस्सलुनीकियो 5:17

हमेशा प्रार्थनामा लागला रोयू.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

यहुदा 1:23

एने जादा जोनानु काजे आगठामा गोथा वाचाडू एने जादा जोना पोर बिक पुठी दया कोरु, बाकीन तिना छिंदरासी बी सिगी कोरु जे डीलोन लारे गुणावा होय गोयला छे.

2 योहान 1:4

मे जूदु खुशी होयू कि मे तारा कानलात पुऱ्या काजे तीना आग्यान लारे, जो आमुक बासो जुव गोथी जोळली छे, खोरला पोर चालतला जोळ्या.

याकुब 4:5

काय तुमु जो सोमजोतलो कि पवित्र शास्त्र वायबार कोयतेलो छे “जिना आत्मा काजे चु आमरे इचमा बोसाळला छे, काय जू ओसी मोर्जी कोरतेला छे जेरो फोव रीस होये?”

कुलुस्सि 3:5

इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

फिलिप्पि 2:3

विरोध नीती झुटी बोढाईन कोरता काय मा कोरु, बाकीन एक दिसरा काजे आपनेसी वारू सोमजू.

इफिसीयो 5:8

काहाकि तुमु ते पेहेले आंदारलामा होता बाकीन हिमी प्रभूमा विजावो छे आखरी विजावान पुऱ्या सारखा चालू.

इफिसीयो 4:17

इनान कोरता यो कोयो कि एने प्रभूमा विनता कोरो कि जोसा दिसरा जातीन माणसे आपना मोनोन दिसरा रिती पोर चालतला तुमु आखा हिमी गोथा ओसा मा चालु.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

गलातियों 5:19

डीलोन काम ते प्रगट छे, मतलब भुंडला विचार, भुंडला कामे, कामोन लालोच.

प्रेषित 2:15

जोसा तुमु सोमजी रोया, जे माणसे नशामा नि होय, काहाकि हिमी ते सोन्दारेन नोव वाज रोया.

लुका 16:19

एक मालदार माणूस होतु जू जामन्या कपडा एने मखमोलोन पेहेरीन एने होर एक दाहळे सुख-खुशालीमा एने एस आरामोमा रोयतू होतु.

लुका 1:6

चे दुयु परमेश्वरोन सामने धोरमी होता, एने प्रभून आखी आग्या एने रिती पोर निरदोष चालने वावा होता.

1 कुरीन्थियो 3:3

काहाकि हिमी तोक डीलवावा छे इनान कोरता कि जेतार तुमरेमा कुहराय एने झोगळू छे, ती काय तुमु डीलवावा नि होय? एने काय माणसोन रिती पोर नि चालतला?