रोमी 13:11 - बारेली पावरी

¹¹ टेमो काजे पारखीन ओसात कोरता रोयू कि तुमरेन कोरता निंदोमा गोथी जाग उठनेन घोळी आवीन पुग गोयली छे; काहाकि जिनी टेमे आपनो भुरसू कोरता होता, तिनी टेमोन विचारोसी हिमी आमरू छुटकारू साते छे.

रोमी 13:11 Referans Kwoze

1 पतरस 4:7

आखा चीजोन नाश होयन्यो छे; एरेन कोरता एक मोन होयीन प्रार्थना कोरता रोयू.

इफिसीयो 5:14

इनान वोजेसी चू कोयतेलु, “हे सुवनेवावा जाग एने मोरलामा गोथा जीव उठ; ती मसिहन विजावो तार पोर चमकसे.”

1 कुरीन्थियो 15:34

धारमिकतान कोरता जाग उठू एने पाप मा कोरू; काहाकि काहनास ओसा छे जे परमेश्वर काजे नी जानतला. मे तुमुक लाजवाडने कोरता यो कोयो.

प्रकाशित वाक्य 22:20

जू इना वातोन गोवायी आपतलु छे चू यो कोये, “होव, मे मामार आवने वावू छे.” आमेन. हे प्रभू येसु आव.

लुका 21:28

तेत्यार जे वाते होयने बाज जाय, ती सुदा होईन आपनो मुनका पोर हुचल; काहाकि तुमरू छुटकारू साते होसे.

प्रकाशित वाक्य 22:12

“देख, मे तेतारुत आवने वावू छे; एने होर एकोन कामोन अनसारे बोदलु आपनेन कोरता प्रतीफोव मारजुव छे.

1 कुरीन्थियो 10:11

बाकीन जे आखा वाते जी तिंदरे पोर पोळी दाहळान रिती पोर होती; एने ची आपनी चेतावनीन कोरता संसारोन आखरी टेमोमा रोयनेन टेमोमा लिखाय गोयलो छे.

मत्ती 16:3

एने सोंदारे कोयतेला, “आज आंजी आवसे, काहाकि वादवो रातलो एने भोकळ छे; तुमु वादवा काजे देखीन तेरु भेद कोय सोकतला बाकीन टेमोन चिन्हान भेद काहा नी कोय सोकतला?”

याकुब 5:8

तुमु बी धीर धोरू; एने आपने मोन काजे पाको कोरु, काहाकि प्रभून आवनेन दाहळू साते छे.

2 पतरस 3:9

प्रभू आपना वायदान बारामा वार नि लागतलु, जोसी वार कानलाक माणसे सोमजतला छे; बाकीन तुमरा बारामा धीर धोरतलु छे एने नि जुवे कि कुदू नाश होय जाय, नि तेत्यार यो कि आखा काजे मोन फिरावनेन टेम जोळे.

2 पतरस 3:11

जेतार ये आखा चीजे इनी रितीसी पिगवने वावी छे, ती तुमुक चुखली चाल चलन एने भोक्तीमा कोसला माणसे रोयनो जुवे,

1 योहान 2:18

ए पुऱ्या यु आखरी टेम छे; एने जोसो तू सोमवलू छे कि मसिहक रुकने वावु आवन्यू छे, हीनान अनसारे हिमी बी लोके जोना मसिह रुकने वावा उठीन उबा रोय गोयला छे; इनुसी आमु जानतला छे कि यु आखरी टेम छे.

प्रकाशित वाक्य 1:3

सोयावा छे, जे इनी भविष्यवाणीन वचन काजे मानतला छे, एने चे जे सोमवतला छे एने इनाम लिखायली वातो काजे मानतला छे; काहाकि टेम साते छे.

प्रकाशित वाक्य 22:10

पोछु चू मेसे काजे कोयू, “इना किताबोन भविष्यवाणीन वातो काजे बोंद मा कोरे; काहाकि टेम साते छे.