रोमी 12:8 - बारेली पावरी

⁸ जू प्रचारोक होय चू प्रचार कोरतू रोये; दान आपने वावु मोनोसी आपे; जो ओगवाई कोरे, चू आनंदसी कोरे; जू दया कोरे, चू खुशीमा कोरे.

रोमी 12:8 Referans Kwoze

2 कुरीन्थियो 9:7

होर एक जोना जोसा मोनोमा विचार कोरे तोसाच दान बी कोरे; नि कुर-कुर कोरीन एने नि दबाव सी, काहाकि परमेश्वर खुशीमा आपनेवावा पोर मोंग कोरतेलु छे.

1 तीमथी 5:17

जे डाह-डाहा वारला पुरती कोरतेला छे, खास कोरीन चे जे वचन सोमवाळने एने सिकाळनेमा मेहनत कोरतेला छे, दुय गुणा आदरन लायक समजनो जुवे.

1 कुरीन्थियो 12:28

एने परमेश्वरोन मंडवीमा मे ओलोग-ओलोग माणसोक नेमलू छे, पेहेले प्रेषितोन दुसरू भविष्य कोरता, तीसरु मास्तर, ओवते मोटला काम कोरणे वावा, एने आरगाई आपने वावो वरदान, एने एहेसान कोरणे वावा एने शास्त्र पावणे वावा एने होर एक भाती-भातीन भाषा बुलने वावा.

इब्रानियो 13:17

आपना अगवान आग्या माणू एने तेरे साते रोयू काहाकि ओसला चे तुमरा जीवन काजे देखीन पूस-पास कोरतेला छे, कि तीनु काजे तिंदरू हिसाब आपनो छे, तीनु काजे यो काम खुशीमा कोरणे देवू नी कि असा निकवता जायीन, काहाकि इनासी तुमु काजे काहीन फायदु नी होये.

प्रेषित 15:32

यहुदा एने सिलास बी खुद भविष्य कोरता होयनेन नाते भाशो काजे मोटूत संदेश आपीन पाक एने मजबूत कोऱ्यु.

प्रेषित 13:15

तेत्यार नियम शास्त्र एने भविष्य कोरतान किताब भोननेन ओवतेन प्रार्थनान घोरोन सरदार तिंदरेचा कोय मुकल्या, “हे भाशो अगर माणसोक प्रचार कोरणे कोरता तुमरा मोनोमा काहीन होय ती कोयू.”

इब्रानियो 13:24

आपना आखा अगवा एने आखा चुखला माणसो काजे नमस्कार कोरजू, इटलीन वासी तुमु काजे नमस्कार कोर रोया.

इब्रानियो 13:22

हे भाशो मे तुमु काजे विनता कोरो कि इना प्रचारोन वचन काजे धीर धोरीन सोमवी लेयू, काहाकि मे तुमु काजे कोम लिखलू छे.

इब्रानियो 13:7

जा तुमरा डाहला होता, एने जे तुमु काजे परमेश्वरोन वचन सोमवाळला से, तिंदरी फोम कोरु; एने ध्यानसी तिंदरी चाल-चलनोन नाश देखीन तिंदरा भुरसान चाल चालू.”

इब्रानियो 10:25

एने एक दिसरा साते एखठा होयने मा छुळू, जोसो कि कोतरा जोनान रिती छे, बाकीन एक दिसरा काजे प्रोत्साहित कोरता रोयजू, एने तिना दाहळा काजे साते आवला देखीन एने तेतार-तेतार एने बी जादा इना वातो काजे कोऱ्या कोरु.

2 कुरीन्थियो 8:12

काहाकि ओगर मोनोन तीयारी होय ती दान तेरे अनसारे स्वीकार बी होयलो छे, जो तेरे जुव छे, नि कि तेरे अनसारे जो तेरे जुव नि होय.

1 कुरीन्थियो 14:3

बाकीन जू भविष्यवाणी कोरतेलू, चू माणसोन बोढती एने प्रचार एने शांतीन वाते कोयतेला.

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

प्रेषित 20:2

तिना आखा प्रदेशमा जायीन एने चेला काजे जादा खुश कोरीन चू यूनानमा आव्यु.

1 तीमथी 4:13

जेतार तोक मे नी आवो तेत्यार तोक पवित्र शास्त्रो भोनने एने प्रचार एने सिकाळनेमा तीयारीमा रोयू.

1 थिस्सलुनीकियो 2:8

एने तोसाच आमु तुमरी लालच कोरता जायीन, निस्ता परमेश्वरोन ओतरा नि बाकीन वारली खोबर पोर बी आपनु-आपनु जीव तुमुक आपनेन कोरता तीयार होता, इनान कोरता कि तुमु आमरा गोवता होय गोयलु होता.

1 थिस्सलुनीकियो 2:3

काहाकि आमरू प्रचार नि शंका सी होय एने नी भुंडलासी, एने नी छळ पुठी होय.

कुलुस्सि 3:22

हे सेवक, जे डीलोन अनसारे तुमरा मालिक छे, आखान वातोमा तिंदरा आग्यान पालन कोरु, माणसो काजे खुश कोरणे वावान सारखो देखायनेन कोरता नी, बाकीन मोनोक सुदो एने परमेश्वरोन बिकोसी.

इफिसीयो 6:5

हे दास, जे माणसे इना जोगोमा मे तुमरा मालक्या छे, आपना खोरला मोनोसी बिहता एने कापता जायीन जोसा मसिहन तोसाच तिंदराबी आग्या माणू.

2 कुरीन्थियो 11:3

बाकीन मे बिहतेलु कि जोसू घोळसु आपनी चोतूरायसी हव्वा बायर काजे फोसाळ्यु, तोसुत तुमरो मोन इना सुधा एने चुखलासी जे मसिह साते होयनो जुवे, काहनोत नाश नी होयनो जुवे.

2 कुरीन्थियो 9:13

काहाकि इना सेवा काजे कबूल कोरीन चे परमेश्वरोन महिमा सामने लावतेला छे, कि तुमु मसिहन वारली खोबर काजे सोमवीन मानीन तेरे स्वाधीन मा रोयतला एने तिंदरी एने आखान मदत कोरणेमा उद्धारता प्रगट कोरतेला छे;

2 कुरीन्थियो 9:11

तुमु आखा वातोमा आखा भातीन मोनमोकवान कोरता जे आमरे लारे परमेश्वरोन धन्यवाद कोरतेला छे, मालदार कोराय जाय.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

रोमी 13:6

इनान कोरीन फावू बी आपु काहाकि दोंड आपनेवावू परमेश्वरोन सेवक छे, एने हमेशा काममा रोयू.

रोमी 12:13

चुखला माणसो काजे जो काहीन जरुरत होसे, तीनामा तिंदरी मदत कोरु; भोलाई कोरणे हमेशा तीयार रोयू.

मत्ती 25:40

तेत्यार राजा तीनुक जोवाब आपसे, “मे तुमु काजे छाचलीन कोय कि, तुमु जे मारा नानामा नाना भाशोमा गोथा काहना एका साते कोऱ्या चो मारे साते कोऱ्या.”

प्रेषित 13:12

तेत्यार अधिकारी जो होयलो होतो तीनाक देखीन एने प्रभून प्रचार सी नोवलाय कोरीन भुरसू कोऱ्यु.

प्रेषित 4:36

युसूफ नावोन, साइप्रसोन एक लेवी होतु जेरो नाव जे प्रेषित होता बरनाबास (मतलब शांतीन पुऱ्यु) मेकला होता.

प्रेषित 11:23

जेतार चू चा पुगीण परमेश्वरोन मोंगोक देखिन चू खुश होय गोयू एने चू तीनु आखा काजे उत्साहित कोरणे बाज गोयू कि चे पुरा मोनोसी प्रभूनचा चीटकिन रोये.

1 तीमथी 6:18

चे वारलो कोरे, एने वारला कामोमा मालदार बोने एने उदार एने मदतमा हमेशा उभू रोये.