7 ओगर सेवा कोरनेन दान जोळलो होय ती सेवा कोरतू रोय; ओगर कुदू सिकाळने वावु होय ती सिकाळतु रोये;.
चू कुदा काजे प्रेषित नेवाळीन, एने काहनास काजे भविष्य कोरता नेवाळ्या एने वारली खोबर सोमवाळनेवावा नेवाळीन एने काहनास काजे राखवावी कोरने वावा एने प्रचारक नेवाळीन आप देदु.
कि तू वचनोन प्रचार कोर, टेम एने बिना टेम पोर तीयार रोयजी, आखा भातीन सहनसिलता एने शिक्षा पुठी सिकाळ एने लोळ एने सोमजाड.
जे डाह-डाहा वारला पुरती कोरतेला छे, खास कोरीन चे जे वचन सोमवाळने एने सिकाळनेमा मेहनत कोरतेला छे, दुय गुणा आदरन लायक समजनो जुवे.
अन्ताकिया मंडवीमा काहनास भविष्य कोरता एने भोनावने वावा होता जोसा बरनाबास एने शिमोन जीनाक नीगर कोयता होता एने लुकीयुस कुरेनेकर, चौथाईन देसोन राजा हेरोदसोन दुधभाई मनाहेम एने शाउल.
प्रभून सेवक झगळा कोरने वावू नी होयनो जुवे बाकीन चू आखा साते नम्रता एने शिक्षामा हुशार एने सोहोन कोरणे वावू होयनो जुवे.
एने जे वाते तू लोकेत गोवाय सामने मारेंचा गोथू सोमवतलु छे, तीनुक विश्वासी मोनसी काजे सोप दे; जे दिसरा काजे बी सिकाळनेन लायक छे.
तुमरी एने तुमरा प्रचारन तोपास कोर. इनू वातो पोर एक जागे रोय, काहाकि अगर ओसू कोरतू रोयीस ती तू तारा एने तारा सोमोवने वावान कोरता बी छुटकारान वोजा होयसे.
यो महत्वान छे कि पुढारी निरदोष होय, एने एकुत बायरोन आदमी, धीर धोरन्यू, घाटावू, वारलु पाहांतराय कोरने वावू, एने सिकाळनेमा हुशार होसे,
मे खोरु कोयने बाज रोयू, झूट नी बुलतू, कि मे इना उद्देशोन प्रचारक एने प्रेषित एने दिसरा जातीन कोरता भुरसू एने खोरलान प्रचारक ठेरावतलु होतु.
एने अरखिप्पुस काजे कोयजू कि सेवा प्रभूमा तुसेक आपली छे, जीनाक सावधानीमा पुरी कोरजू.
जीनाक वचनोन शिक्षा जोळतली चू आखा वारला चीजोमा भोनावने वावा काजे भागीदार कोरे.
एने परमेश्वरोन मंडवीमा मे ओलोग-ओलोग माणसोक नेमलू छे, पेहेले प्रेषितोन दुसरू भविष्य कोरता, तीसरु मास्तर, ओवते मोटला काम कोरणे वावा, एने आरगाई आपने वावो वरदान, एने एहेसान कोरणे वावा एने शास्त्र पावणे वावा एने होर एक भाती-भातीन भाषा बुलने वावा.
इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.
एने जी-जी वाते तुमरा फायदान होती, तिंदरो कोयनेसी एने माणसोन सामने एने घोर-घोर सिकाळने सी कोबी नी झीजक्यू.
तीनु दाहळामा जेतार चेलान आकळू लोकेत बोढने बाज गोयू, तेत्यार युनानी भाषा बुलने वावा इब्रीन भाषा बुलने वावा पोर कुरकुर कोरणे बाज गोया, कि हर दाहळेन सेवकाईमा आमरी रोडायलान दाद नि कोरता होता.
चू राती येसुनचा आवीन तीना काजे कोयू, “हे रब्बी, आमु जानतला कि तू परमेश्वरोनचा गोथू गुरु बोनीन आव रोयू, काहाकि कुदू इना चमत्कार काजे जो तू देखाळलु, ओगर परमेश्वर तिना पुठी नि होय ती नि देखाळ सोकतलु.”
इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.
एने सेवा बी लोकेत भातीन छे, बाकीन परमेश्वर एकुत छे,
इनान कोरता हे भाशो, काय कोरनो जुवे? जेतार एखठा होयतला, ती एकुत दिलमा भजन नीती प्रचार नीती दिसरी भाषा नीती विजावो नीती दिसरीबुलीन मतलब देखाळ रोयतलु आखो काहीन आत्मान बोढाईन कोरता होयनो जुवे.