रोमी 12:2 - बारेली पावरी

² इना संसारोन तोसा मा बोनु, बाकीन तुमरो मोन नोवला होयनेसी तुमरी चाल-चलन बी बोदेलतो जाय, जिनासी तुमु परमेश्वरोन वारली एने गोवणे वावो, एने पाकी मोर्जी अनुभव सी मालूम कोरता रोयू.

रोमी 12:2 Referans Kwoze

1 पतरस 1:14

आग्या पावने वावा पुऱ्यान ओगोव आपनी अग्यानता टेमोन जुनली लालचोन तोसा मा बोनु.

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

कुलुस्सि 3:10

एने नोवला माणूस काजे पेहेर लेदला छे, जे आपना बोनावने वावान सारकु ग्यान हासील कोरनेन कोरता नोवलो बोनतो जातलो छे.

इफिसीयो 5:17

इनान वोजेसी बिन ओकल्या मा होयू पुन ध्यानसी सोमजू कि प्रभून मोर्जी काय छे.

1 पतरस 4:2

तेरेन कोरता भविष्यमा आपना रोयला डीलोन जीवन माणसोन भुंडली मोर्जीन अनसारे नि बाकीन परमेश्वरोन मोर्जीन अनसारे जीवे.

रोमी 12:1

इनान कोरता हे भाशो एने बोहनिश्या, मे तुमु काजे परमेश्वरोन दया फोम आपीन विनता कोरो कि आपना डीलो काजे जीवतला, एने चुखला एने परमेश्वर काजे गोवणे वावा चीजे बलिदान कोरीन चोळावू यित तुमरी आत्मिक आराधना छे.

योहान 15:19

ओगर तुमु जोगोन रोयता, ती जोग आपनेसी मोंग कोरतू; बाकीन इनान कोरता कि तुमु जोगोन नि होय, बाकीन मे ते तुमुक जोगोमा गोथू नेवाळ लेदलु छे, इनान कोरता जोग तुमरे पोर दुष्मोनी कोरतेला छे.

रोमी 13:14

बाकीन प्रभू येसु मसिह काजे पेहेर लेवू, एने डीलोन मोर्जी काजे पुरो कोरनेन इलाज मा कोरु.

तीतुस 3:5

ती चू आमरू छुटकारू कोऱ्यु एने यो धोरमन कामोन वोजेसे नि, जो आमु खुद कोरला, बाकीन दयान अनसारे नोवला जन्मोन उंगेवनो एने पवित्र आत्मान आमु नोवलान बोनावनेण लारे होये.

याकुब 4:4

हे भुंडला विचारोन काय तुमु नी जानतला कि संसारमा दोस्ती कोरणे परमेश्वर सी नांबे कोरनो छे? आखरी जुव कुदू जोगोन दुस्ती होयने जुवे, चू आपने आप काजे परमेश्वरोन वैरी बोनावतलो छे.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

योहान 17:14

मे तारो वचन तीनुक पुगाळ देदलु छे; एने जोग तिंदरे पोर दुष्मोनी कोऱ्यु, काहाकि जोसो मे जोगोन नि होय, तोसाच चे बी जोगोन नि होय.

2 पतरस 1:4

जिंदरे लारे चू आमु काजे किमतीवान एने जुदी मोटी वायदू आप्यू, काहाकि तिंदरे लारे तुमु तिनी सोळनेमा गोथा छुळीन जो जोगोमा भुंडली लालूचसी होयतेली छे, परमेश्वरोन स्वभावोमा एखठा होय जावू.

याकुब 1:27

आमरू परमेश्वर एने बासोन साते चुखली एने वारलु आराधना जी छे कि विखावावू एने रोंडायलीन दुखोमा तेरी खोबर लेय, एने आपनी आप काजे जोगोसी निरदोष राख.

1 योहान 3:13

हे भाशो, कोदि जोग तुमरे पोर दुष्मोनी कोरे ती नोवलाय मा होयू.

1 थिस्सलुनीकियो 4:3

काहाकि परमेश्वरोन मोर्जी जी छे, कि तुमु चुखला बोनु, मतलब व्यभिचारसी वाचीन रोयू.

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

2 पतरस 2:20

जेतार चे प्रभू एने छुटकारू आपनेवावू येसु मसिहन उवोखन लारे जोगोन भाती भातीन विटोवायला सी वाचीन निकव्या, एने ओवी तीनामा कोरीन हार गोया ती तिंदरी पोछली हालत पेहेले गोथी बी भुंडी होय गोयली छे.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

1 कुरीन्थियो 3:19

काहाकि इना जोगोन ग्यान परमेश्वरोन ओगोव मूर्खता छे, जोसो लिखलो छे, “चो ग्यानवावा काजे तिंदरी चालाकीमा फोवाळतलु छे.”

रोमी 7:22

काहाकि मे माहिवावा आत्मासी परमेश्वरोन शास्त्रनियमोन घोनो खुशीमा रोयतलो छे.

योहान 7:7

जोग तुमरे पोर दुष्मोनी नि कोर सोकतलो, बाकीन चो मारे साते दुष्मोनी कोरतेला काहाकि मी तेरे खिलापमा जी गोवायी आपलु छे कि तेरा कामे भुंडला छे.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

1 पतरस 2:3

काहाकि तुमु प्रभून दयान सोवाद चाख लेदलु छे.

रोमी 7:12

इनान कोरता शास्त्रनियम चुखलो छे एने आग्या बी चुखलो एने सोही एने वारली छे.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

1 पतरस 1:18

काहाकि तुमु जानतला छे कि तुमरा वायबार चाल चोलन जी बाप दादो से चाल रोयी, तीनासी तुमरु छुटकारू चांदी सोनो ओगर नाशवान वस्तून चुरी नि होये.

योहान 14:30

मे हिमी तुमरे साते ओवी वाते नि कोरो, काहाकि इना जोगोन सरदार आव रोयू मारे पोर तेरु काय होक नी होय;.

रोमी 7:14

आमु काजे मालूम छे कि शास्त्रनियम ते आत्मिक छे, बाकीन मे डीलोन एने पापोन हाते वेचायलू छे.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

मत्ती 13:22

जो झाडक्यामा वेरायलो होतो, यो चो छे, जू वचन काजे सोमोवतलु छे, बाकीन चे इना संसारोन चिंता एने धोनोन धुकू वचन काजे दाब देतला छे, एने चो फोव नी लावतलो,

मरकुस 4:19

एने संसारोन चिंत्ता, एने धोनोन धोकू, एने दिसरा चीजोन लालच तीनामा भोरायीन वचन काजे डाब देतला एने चे निसफोव रोय जातेला.

कुलुस्सि 1:9

इनान कोरता जिने दाहळे गोथू यो सोमवलू छे, आमु बी तुमरेन कोरता जी प्रार्थना एने विनता कोरणे नि छुळ्या ती तुमु आखा आत्मिक ग्यान एने सोमोज साते परमेश्वरोन मोर्जीन उवखानमा पुरो होय जाय.