रोमी 12:16 - बारेली पावरी

¹⁶ आपसमा एक सारखो मोन मेकू; मोटमोटी वातो पोर मोन मा लागाळू बाकीन गोरीबोन साते; रोयू; आपनी नोजोरमा बुद्धिमान मा बोनु.

रोमी 12:16 Referans Kwoze

1 पतरस 3:8

आखरी, आखा एक मोन एने दयामय एने भाशो पोर मोंग कोरणे वावु, एने दयावान एने नम्र बोनु,

इब्रानियो 13:5

तुमरा स्वभाव बिना पोयशान लालचोन रोये, एने जो तुमरे जू से, तिनामा खुश रोयजी; काहाकि येसु खुद कोयलु छे, “मे तुसेक कोदि नि छुळो, एने कबी नि नाखो”.

रोमी 15:5

धीर एने शांतीन दाता परमेश्वर तुमुक यो वरदान आपे कि येसु मसिहन अनसारे आपसमा एक मोन रोयू.

रोमी 12:3

काहाकि तिना दयान वजेसी मेसेक जोळलो छे, तुमरे माईन होर एक जोना काजे कोयो कि जोसो सोमजनो जुवे तिनासी बोढीन कुदू बी खुदो काजे नि सोमजनो जुवे; बाकीन जोसू परमेश्वर होर एक भुरसान परिणामन अनसारे वाट देदलु छे, तोसुत वारला दिमाक साते आपनु काजे सोमजू.

1 कुरीन्थियो 3:18

कुदू आपना खुदो काजे खुवू मा कोदि तुमरेसी कुदू इना संसारमा आपना खुदो काजे ग्यानी सोमजे, ती कोम दिमाक वावा ग्यानी होय जावू.

2 कुरीन्थियो 13:11

आखरी, हे भाशो, खुश रोयू; पुरा बोनता जावू; धीर राखू; एकुत मोन राखू; मेवायीन रोयू एने मोंग एने शांतीन आपनेवावू परमेश्वर तुमरे साते रोयसे.

रोमी 11:25

हे भाशो, कांखुर माइन ओसो होये कि तुमु खुद काजे एक ग्यानी सोमजी लेये; इनान कोरता मेसेक नि लागतो कि तुमु इना भेदो सी ओनजानला रोये कि जेतार तोक दिसरा जाती पुरा रितीसी आवे नि तेत्यार तोक इस्राईलोन एक हिस्सू ओसुत काठलु रोयसे.

लुका 14:13

बाकीन जेतार तू खाणो आपीस ती गोरीब, डुंडा, लेंगळा एने आंदवा काजे बुलाव.

1 कुरीन्थियो 8:2

अगर कुदू सोमजे कि मे काहीन जानतलु छे ती जोसो सोमोजतलु तोसो हिमी तोक नी सोमजी रोयू.

1 कुरीन्थियो 6:5

मे तुमुक लाजवाळनेन कोरता यो कोयो. छाचलीन तुमरेमा एक बी दिमाक वावू नी जोळतू, जू आपना भाशोन फेसलू कोर सोके?

फिलिप्पि 4:2

मे युवदी काजे बी सोमजाडो एने सुंतखे काजे बी कि चे प्रभूमा एक मोनोसी रोये.

1 कुरीन्थियो 4:10

आमु मसिहन कोरता बिना दिमाक वावा छे, बाकीन तुमु मसिहमा दिमाक वावा छे; आमु कोम ताकत वावा छे, बाकीन तुमु ताकत वावा छे, तुमु आदर आपतला छे बाकीन आमु बिना आदर वावा होयतला छे.

लुका 6:20

तेत्यार चू तेरा चेला भूनी देखीन कोयू, “सोयावा छे तुमु जे दीन छे, काहाकि परमेश्वरोन राज तुमरो छे”

मत्ती 26:11

गोरीब ते तुमरे साते हमेशा रोयतला छे, बाकीन मे तुमरे साते हमेशा नी रोयो.

मत्ती 11:5

कि आंदवा देखतेला एने लेंगळा चालतला एने फिरतेला, कुळावाक चुखा कोराय जातला एने बेहरा सोमवतेला, मोरलाक जीवता कोराय जातला, एने गोरीबोक वारली खोबर सोमवाळाय जातली.

1 पतरस 5:3

जे माणसे तुमु काजे आपला छे, तिंदरे पोर मसिहमा देखाळू, बाकीन आपना टूवू कोरने वावा बोनु.

फिलिप्पि 3:16

इनान कोरता जा तोक आपनु पुगला छे, तिनान अनसारे चाले.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

1 कुरीन्थियो 1:10

हे भाशो, मे तुमरेसी आमरू प्रभू येसु मसिहन नावसी विनता कोरो कि तुमु आखा एकुत वात कोयू, एने तुमरेमा फुट नि रोये, बाकीन एकुत मोन एने एकुत मोन होयीन मेवायला रोये.

प्रेषित 4:32

भुरसू कोरणे वावान मंडवी एक मोन लागाळीन एक विचारोन होती न्या तोक कि घोरल्या आपनो धोन मारो नि कोवायतेला बाकीन आखो गोवानदिमा होतो.

3 योहान 1:9

मे मंडवी काजे काहीन लिखलू होतु, बाकीन दियुत्रिफेस जू तिंदरेमा मोटू बोनने कोरतू होतु आमुक स्वीकारने कि कोरतेलू.

रोमी 6:2

कोबी नि, आपु जेतार पापोन कोरता मोर गोया ती ओवतेन ओवी तीनामा कोसा जीवन जोगजे?

रोमी 11:20

वारलो छे, चे ते अविस्वासीन वजेसी काटाय गोया, बाकीन तू भुरसू सी पाकु रोयतलु इनान कोरता अभिमानी मा होये, बाकीन बिक मान.