रोमी 12:12 - बारेली पावरी

¹² आसमा खुश रोयू; दुखोमा नी बिहीता उबरोयू, प्रार्थना हमेशा कोरता रोयू.

रोमी 12:12 Referans Kwoze

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

इब्रानियो 10:36

काहाकि तुमु काजे धीर धोरणो गोरोजोन छे, कि तुमु परमेश्वरोन मोर्जी पुरो कोरीन इनी वायदान फोव काजे ली लेय.

1 पतरस 4:13

बाकीन जोसो-जोसो तुमु मसिहन दुखोमा सहभागी होयतला छे, खुशीमा रोयू, जीनासी तेरी महिमा प्रकट होयते सोमय भी तुमु खुशीसी भोराय जावू.

याकुब 5:7

तेरेन कोरता हे भाशो, प्रभून आवने तोक धीर धोरू देखू खेतो वावु जोगोन किमती धानोन आस राखतु जाईन पेहेलु एने आखरी पाणी पोळने तोक धीर धोरतला छे.

इब्रानियो 6:15

एने इना रितीसी धीर धोरीन वाट जुवीन चू वायदू ली लेदू,

इब्रानियो 6:12

जीनासी कि तुमु उजगायला मा बोनु बाकीन तेरो अनुकरण कोरुजू भुरसू एने धीरजोन लारे बासोन वायदान पुऱ्या होये.

फिलिप्पि 4:4

प्रभूमा हमेशा खुशीमा रोयू; मे ओवी कोयो खुशीमा रोयु,

इब्रानियो 12:1

इना वजेसी जेतार कि गोवा एक ओसो मोटला वादवो आपनुक घेरवी रोयो, ती आवू, आखा रुकने वावी चीजे एने घेरनेवावा पाप काजे छेटा कोरीन, जी दोवोळ जीनामा आपनु काजे दोवळनो छे धीर धोरीन दोवळू.

कुलुस्सि 4:2

प्रार्थनामा लागला रोयू, एने धन्यवाद साते आमरेन कोरता जागता रोयू.

2 थिस्सलुनीकियो 3:5

परमेश्वरोन मोंग एने मसिहन धीर एने प्रभू तुमरे मोनमा ओगवाई कोरे.

1 थिस्सलुनीकियो 5:8

बाकीन आपनु जे दाहळान छे, भुरसान एने मोंगोन झीलम पेहेरीन एने छुटकारान आसोन टूपी पेहेरीन सावधान रोयू.

प्रेषित 1:14

ये आखा, घोणा सोवटा बायरा, एने येसुन आया मरीया, एने तेरा भाशो साते एक मोन लागाळीन प्रार्थना कोरता होता.

1 तीमथी 6:11

पुन हे परमेश्वरोन माणसे, तू इनी वातोनचा गोथू ढास एने धारमिकता, भोक्ती, भुरसू, मोंग, धीर एने नम्रपणान पोछोव पोड.

इब्रानियो 10:32

बाकीन तीनु दाहळान फोम कोऱ्यु जेतार तुमु विजावो लेनेन ओवतेन खुदो तोकलीतमा पाका उबरोयला होता.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

कुलुस्सि 1:11

तेरी महिमान अनसारे आखा भातीन ताकतसी ताकतवाला बोनता जावू, न्या तोक कि खुशीमा आखा भातीन धीर एने सहन शीलता देखाळ सोके.

इब्रानियो 5:7

आपना डीलोमा रोयनेन दाहळामा मसिह तीनासी जू तीनाक मोरनेमा गोथू वाचाड सोकतू जुरेत आवाजमा आयळीन एने आसवा वोयाळी वोयाळीन प्रार्थना एने विनता कोऱ्यु एने भोक्तीन वोजेसी तेरो सोमवाया गोयो.

प्रकाशित वाक्य 13:10

जीनाक बंदीमा पोळनो छे, चू बंदीमा पोळसे; जू तलवार सी मोरनो जुवे चू तलवार सी मोरसे. चुखला माणसोन धीरोज एने भुरसू इनामा छे.

2 पतरस 1:6

एने सोमज पोर संयम, एने संयम पोर धीर, एने धीरो पोर भोक्ती.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

2 थिस्सलुनीकियो 1:4

या तोक कि आमु खुद परमेश्वरोन मंडवीमा तुमरा बारामा घोमंड कोरतेला कि जेतार संकट एने तोकलीत तुमु सोहोन कोरतेला इनू आखामा तुमरू धीर एने भुरसू देखायतलु छे.

1 कुरीन्थियो 13:13

बाकीन हिमी भुरसू, आस, मोंग यो तीनु टेकनेवावी छे, पुन इनामा गोथी आखान मोटी मोंग छे.

रोमी 15:4

जोतरा वाते पेहेलेत लिखाय गोया, जी आमरेत भोननेन कोरता लिखाय गोयो कि आमु धीर एने पवित्र शास्त्रान प्रोत्साहन लारे आस राखे.

लुका 21:19

आपना धीरसी तुमु आपना जीवो काजे वाचाडीन राखसू.

लुका 8:15

बाकीन वारली जागा मायला ये चे छे, जे वचन सोमवीन वारू एने घोनो वारू आपना मोनोमा सोमावीन राखतला एने धीर धोरीन फोवे लावतेला छे.

1 पतरस 4:7

आखा चीजोन नाश होयन्यो छे; एरेन कोरता एक मोन होयीन प्रार्थना कोरता रोयू.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

रोमी 8:25

बाकीन जिना चीजो काजे आमु नी देखतला एने तेरी आस राखतेला ती धीर धोरीन तेरी वाट बी जुवे.

तीतुस 3:7

जीनासी आमुक तेरा दयासी धोरमी ठोरायू, ओमोर जीवनोन आसोन अनसारे वारीस बोन्या.

2 तीमथी 3:10

बाकीन तू प्रचार, चाल चलन, मोर्जी, भुरसू, सहनशक्ती, मोंग, धीर, एने वेला पाळेने, एने दुख उठावनेमा मारू साथ देदलु;.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

फिलिप्पि 3:1

इनान कोरता हे मारा भाशो, प्रभूमा खुशीमा रोयू. चेत वाते तुमु काजे घोळी-घोळी लिखनेमा मेसे काजे ते काय तोकलीत नी होयतो, एने तीनामा तुमरो वारलो छे.

2 कुरीन्थियो 12:8

एरे बारामा मे प्रभूसी तीन कावार विनता कोऱ्यु कि मारेसी यु नांबे होय जाय.

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

प्रेषित 12:5

इना रितीसी पतरस बंदी वाळामा मेक देदा, बाकीन मंडवी तेरेन कोरता परमेश्वरोनचा मोन लागाळीन एकजूट होयीन प्रार्थना कोरता होता.

प्रेषित 6:4

बाकीन आपनु ते प्रार्थनामा एने वचनमा सेवा कोरता रोयसु.

प्रेषित 2:42

एने चे प्रेषितोन गोथा लगातार शिक्षा लेणे, एने संगती कोरणे, रुटू खाणे, एने प्रार्थना कोरणेन मोन लागाळ रोया होता.

लुका 10:20

ते बी इनापोरसी खुश मा होयू कि भुंडली आत्मा तुमरा ताबामा छे, बाकीन इनापोरसी खुश होयू कि तुमरो नाव सोरगोमा लिखलो छे.

मत्ती 5:12

तेत्यार खुशी कोरीन मुजामा रोयजू, काहाकि तुमरेन कोरता सोरगोमा मोटलो फोव छे, इनान कोरता, कि चे तीनु भविष्य कोरता काजे जे तुमरे पेहेले होता, इना रितीसी छळ कोरला होता.