रोमी 12:1 - बारेली पावरी

¹ इनान कोरता हे भाशो एने बोहनिश्या, मे तुमु काजे परमेश्वरोन दया फोम आपीन विनता कोरो कि आपना डीलो काजे जीवतला, एने चुखला एने परमेश्वर काजे गोवणे वावा चीजे बलिदान कोरीन चोळावू यित तुमरी आत्मिक आराधना छे.

रोमी 12:1 Referans Kwoze

1 पतरस 2:5

तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.

रोमी 6:13

एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.

रोमी 6:19

मे तुमरे डीलोन कोमजूरी पोरसी माणसोन रिती पोरसी कोयो कि जोसो तुमु आपना डीलोक भुंडला कामोन गुलाम कोरीन होवाले कोरलो होतो तोसोत हिमी चुखलान कोरता धोरमीन गुलाम कोरीन सोप देवू.

रोमी 12:2

इना संसारोन तोसा मा बोनु, बाकीन तुमरो मोन नोवला होयनेसी तुमरी चाल-चलन बी बोदेलतो जाय, जिनासी तुमु परमेश्वरोन वारली एने गोवणे वावो, एने पाकी मोर्जी अनुभव सी मालूम कोरता रोयू.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

रोमी 6:16

काय तुमु नी जानतला कि जेरी आग्या माननेन कोरीन तुमु खूदो काजे नोवकरोन तोसो सोप देजे तेरात गुलाम छे, चाहे पापोन, जेरो ओमोरकाई जीवनोन मोरनो छे, चाहे आग्या माननेसी जेरो धारमिकता छे.

2 कुरीन्थियो 4:16

इनान कोरता आमु हिंमत नी छुळता; हिंमत आपनो बारथेलो स्वभाव मनुषत्व खोतम होय जातलो छे, ते बी आपने वावो माणसोन स्वभाव दाहळी दाहळीन नोवलो बोनतो जातलो छे.

1 थिस्सलुनीकियो 4:1

इनान कोरता हे भाशो, आमु तुमरेनचा विनता कोरजे एने तुमु काजे प्रभू येसुमा सोमजाडतला छे कि जोसा तुमु आमरे साते खोरलो चाल चालजू एने परमेश्वर काजे खुश कोरनेन सिकला छे, एने जोसा तुमु चालतला भी छे, तोसात एने बोढता जावू.

2 कुरीन्थियो 5:20

इनान कोरता आपु मसिहन राजदूत छे; माणू परमेश्वर आपनेन कोरता विनता कोर रोयू, आपु मसिहनचा विनता कोरतेला कि परमेश्वर साते हिव मेवीन कोर लेये.

इफिसीयो 5:10

एने यो पारखु कि प्रभू काजे काय गोवतेलो छे.

फिलिप्पि 2:17

अगर मेसे काजे तुमरो भुरसान बलिदान एने सेवा साते मारो लुय बी वोयाळनो पोळे ते बी मे खुशीमा छे एने तुमरे आखान साते खुशी कोरो.

1 कुरीन्थियो 1:10

हे भाशो, मे तुमरेसी आमरू प्रभू येसु मसिहन नावसी विनता कोरो कि तुमु आखा एकुत वात कोयू, एने तुमरेमा फुट नि रोये, बाकीन एकुत मोन एने एकुत मोन होयीन मेवायला रोये.

रोमी 2:4

काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे?

1 पतरस 2:20

काहाकि अगर तुमु पाप कोरीन धुमा खादा एने धीर धोऱ्या, ती इनामा काय मोटाइन वात छे? ओगर कुदु वारलो काम कोरीन दुख झेलतला छे, एने धीर धोरतला छे, ती यो परमेश्वर काजे गोवतेलो छे.

फिलिप्पि 4:18

मारे जुव सब काय छे बाकीन घोन सोवटा बी छे; जे चीजे तुमु इपफ्रुदीतुसन हाते मुकेलला होता तीनुक लीन मे खुश होय गोयलु छे, चो ते सुखोन गोंद लेनेन लायक बलिदान छे, जो परमेश्वर काजे वारलो लागे.

2 कुरीन्थियो 6:1

आमु जे परमेश्वरोन सहकारी छे यो बी सोमजतेला छे कि तेरी दया जी तुमरे पोर होयी, तिनी काजे वायबार मा जाणे देवू.

रोमी 15:30

हे भाशो आमरू प्रभू येसु मसिह पवित्र आत्मान मोंगोन फोम देवाळीन मे तुमु काजे विनता कोरो कि मारेन कोरता परमेश्वरोनचा प्रार्थना कोरणेमा मारे साते मेवीन लागला रोयू.

रोमी 15:16

कि मे दिसरा जातीन कोरता येसु मसिहन सेवक होयीन परमेश्वरोन वारली खोबर प्रचारोन सेवा पुजारा सारको कोर, जिनामा दिसरा जातीन चोळाव जाणेन पवित्र आत्मासी चुखो कोरीन स्वीकार कोराय जासे.

फिलिप्पि 1:20

मे ते मोनोसी दाहळीन लालच एने आस मेकतलु छे कि मे काहना वातोमा नि लाजवायो, बाकीन जोसो ताकतोन हिंमतसी मसिहन बोढाई मारा डीलोन लारे हमेशा होयती आव रोयी तोसोत हिमी बी होये, अगर मे जीवतु रोयो नि ती मोर जाम.

1 तीमथी 2:3

यो आराम छुटकारू आपन्यु परमेश्वर काजे वारू लागतलो एने गोवतेलो बी छे,

1 थिस्सलुनीकियो 5:12

हे भाशो, आमु तुमु काजे विनता कोरजे कि जो तुमरेमा मेहनत कोरतेला छे, एने प्रभूमा तुमरे ओगोव छे, एने तुमुक भोनाळतला छे, तिंदरू आदर कोरु.

लुका 7:47

इनान कोरीन मे तुसे काजे कोयो कि एरा पाप जे घोन सोवटा होता, माफ होय गया, काहाकि ची घोनी मोंग कोरी; बाकीन जेरो थुलोक माफ होयलो छे, चू थुलोक मोंग कोरतेलू छे.”

इब्रानियो 13:22

हे भाशो मे तुमु काजे विनता कोरो कि इना प्रचारोन वचन काजे धीर धोरीन सोमवी लेयू, काहाकि मे तुमु काजे कोम लिखलू छे.

1 तीमथी 5:4

ओगर काहनली रोंडायलीन पुऱ्या या सोगायता होय ती होया पेहेल आपने घोरल्यान साथे भोक्तीन तोसा रोयने जुवे, एने तेरा आसी बासा आखा काजे हर एक काजे तिंदरू होक आपने सिक, काहाकि यो परमेश्वर काजे गोवतेलो छे.

1 थिस्सलुनीकियो 4:10

एने आखा मकीदुनीयान आखा भाशो साते ओसो कोरतेला बी छे. बाकीन हे भाशो आमु तुमु काजे सोमजाडला कि एने बी बोढता जावू.

रोमी 9:23

एने दयान ठाहरा पोर, जीनुक चू महिमान कोरीन पेहेले तीयार कोऱ्यु आपना महिमान धोन काजे देखाळनेन मोर्जी कोऱ्यु?

2 कुरीन्थियो 4:1

इनान कोरता जेतार आमरे उपर परमेश्वरोन ओसी दया होई कि आमु काजे जी सेवा जोळी ती आमु हिंमत नी छुळतला.

2 कुरीन्थियो 10:1

मे चू पौलुस जू तुमरे सामने नम्र छे बाकीन तुमरे पोछोव तुमरेसी कोळक रोयतेलु, तुमु काजे मसिहन नम्रता एने नोरमाईन वजेसी सोमजतेलु.

फिलेमोन 1:9

ते बी मार सारखा डायला पौलुस काजे जू हिमी मसिह येसुन कोरता बोंदी छे यो ओवी बी वारलो लाग्यो कि मोंगसी विनता कोरो.

फिलेमोन 1:10

मे आपना पुऱ्या उनेसीमूस कोरता, जू मारेसी बंदीन टेमे जोनायला छे, तुसेक विनता कोरो.