रोमी 1:21 - बारेली पावरी

²¹ इनान कोरता कि परमेश्वरोक उवखने पोर बी चे परमेश्वरोन लायक बोढाई एने धन्यवाद नि कोऱ्या बाकीन रिकामा विचार कोरणे बाज रोया, न्या तोक कि तिंदरो बिन ओकल्यो मोन आंदारो होय गोयो.

रोमी 1:21 Referans Kwoze

2 तीमथी 3:2

काहाकि माणूस मोतलोबी, लालची, मोटायकी, बुराई कोरणे वावू, आसी बासोन आग्या टावने वावू भुंडलु, अपवित्र.

प्रकाशित वाक्य 14:7

चू मोटला बुलोसी कोयू, “परमेश्वर सी बिहू, एने तेरी महिमा कोरु, काहाकि तेरु नाश कोरणेन टेम आव लागली छे; एने तेरु भजन कोरु, जू सोरग एने धोरती एने दोरीयान एने पाणीन झोरे बोनाव्यू.”

योहान 3:19

एने दोंडोन आग्यान वोजह यो छे कि विजावो जोगोमा आवलो छे एने माणसे आंदारला काजे विजावासी जादा मोंग कोऱ्या काहाकि तिंदरा काम भुंडला होता.

प्रकाशित वाक्य 15:4

हे प्रभू, कून तुसे काजे नि बिहे एने तारा नावोन महिमा नि कोर? काहाकि निस्तु तूत चुखलु छे आखा जात्या उठीन तेरे ओगोव नोमोन कोरसे, काहाकि तारा नियावोन काम आव लागलो छे.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

रोमी 11:10

तिंदरा डूवा पोर आंदारो छावाय जाय कि चे नी देखे एने तुमु कायम तिंदरा वासा काजे वाकाळलु राख.”

रोमी 1:28

जेतार चे परमेश्वर काजे उवखनेन नी कोऱ्या ती परमेश्वर भी तीनु काजे रिकामा मोनोपोर छुळ देदु कि चे तोसा काम कोरे.

रोमी 1:19

इनान कोरता कि परमेश्वरोन बारामा ग्यान तेरे मोनोमा प्रगट छे, काहाकि परमेश्वर तीनु पोर प्रगट कोरलु छे.

रोमी 15:9

एने दिसरा जात्या बी दयान वजेसी परमेश्वरोन स्तुती कोर; जोसो लिखलो छे, “इनान कोरता मे जाती-जातीमा तारू धन्यवाद कोरीस, एने तारा नावोन भजन कोरिस.”

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

1 पतरस 1:18

काहाकि तुमु जानतला छे कि तुमरा वायबार चाल चोलन जी बाप दादो से चाल रोयी, तीनासी तुमरु छुटकारू चांदी सोनो ओगर नाशवान वस्तून चुरी नि होये.