रोमी 1:16 - बारेली पावरी

¹⁶ काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

रोमी 1:16 Referans Kwoze

मरकुस 8:38

जू कुदू जे भुंडला विचारे एने पापी जातीन इचमा मेसेक एने मारी वातो काजे लाजवायसे, माणसोन पुऱ्यु बी तेत्यार चू चुखला सोरग दूत पुठी आपना बासोन महिमा साते आवसे, तेतार तीनाक बी लाजवाळसे.”

2 तीमथी 1:8

इनान कोरता आत्मा प्रभून गोवायी सी एने माही सी जू तेरु बंदी छे लज्जीत नी होये बाकीन इना परमेश्वरोन ताकतोन ओनसारे वारली खोबरोन कोरता मारे पुठी दुख वेठ्या.

1 पतरस 4:16

बाकीन ओगर कुदू मसिही होयनेन वोजेह दुख उठावतलु छे, ती लाजवाये नि, बाकीन आपना इना नावोन कोरता परमेश्वरोन महिमा कोरु.

2 तीमथी 1:12

इनान वजेसी मे इना दुतो काजे झेल रोयू बाकीन लाजवायतू नी काहाकि मे भुरसू कोरलु छे, उवेखतलु एने मारू भुरसू से कि चू मारी रोकोमन तिने दाहळे तोक राखवावी कोर सोकतलु.

लुका 9:26

जू कुदू मेसेक एने मारी वातोक लाजवायसे, माणसोन पुऱ्यु बी, जेतार आपनी एने आपना बास तोरोफसी एने चुखला सोरग दूतोन महिमा साते आवसे, ती तीनासी लाजवायसे.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

1 कुरीन्थियो 2:4

एने मारो वचन, एने मारा प्रचारमा ग्यानोन विसरने वावी वाते नी होय, बाकीन आत्मा एने ताकत सबूत होतो,

1 कुरीन्थियो 2:2

काहाकि मे यो ठान लेदलु होतो कि तुमरा इचमा येसु मसिहक छुळीन ओवी कानली वात काजे नी जाणो.

रोमी 10:17

आखरी भुरसू सोमवनेसी मसिहन वचनोसी होयतलो छे.

इब्रानियो 4:12

काहाकि परमेश्वरोन वचन जीवतलो, ताकत एने काहनाबी दुय धारवावा तोलवार गोथो तीखलो छे, चो जीव एने आत्मा, सांधा एने गुरदा काजे आरपार भोराईन एने मोनोन विचार एने भावना काजे पारखतलो छे.

1 कुरीन्थियो 15:2

हीनान लारे तुमरू छुटकारू बी होयतेलु छे, कोदि तिना वारली खोबर काजे जो मे तुमुक सोमवाळलु होतु फोम कोरता रोयू; नीती तुमरो भुरसू कोरनो वायबार होयो.

गलातियों 1:7

बाकीन चू दिसरी वारली खोबर होय नी, पुन वात जी छे कि कोतरा ओसा जा तुमुक बिहाळ देतला एने मसिहन वारली खोबर काजे बिगाळनेन देखतला छे.

रोमी 2:9

एने तोकलीत एने सोंकट होर एक माणसोन जीवो पोर जू बुरो कोरतेलू आवसे, पेहेले यहुदि पोर ओवतेन युनानीपोर;.

प्रेषित 3:26

परमेश्वर तुमरेन कोरता सेवक काजे जीवाळीन तीनाक पेहेले तुमरेनचा मूकल्यु कि तुमरे माईन आखाक आशिष आपे एने बुराईमा गोथा वाचाडीन आशिष आपे.

1 थिस्सलुनीकियो 2:13

इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

1 तीमथी 1:11

यो कि सोयावू परमेश्वरोन महिमान हीना वारली खोबरोन अनसारे छे जो मेसेक आपलो होतो.

2 कुरीन्थियो 9:13

काहाकि इना सेवा काजे कबूल कोरीन चे परमेश्वरोन महिमा सामने लावतेला छे, कि तुमु मसिहन वारली खोबर काजे सोमवीन मानीन तेरे स्वाधीन मा रोयतला एने तिंदरी एने आखान मदत कोरणेमा उद्धारता प्रगट कोरतेला छे;

2 कुरीन्थियो 2:12

जेतार मे मसिहन वारली खोबर सोमवाळने त्रोआसमा आव्यु एने प्रभू मारेन कोरता एक झोपलु उगाळ देदू.

1 कुरीन्थियो 9:18

ती मारी कानली दाहाळकी छे? यो कि वारली खोबर सोमवाळने मा मे मसिहन वारली खोबर साते एकमेक कोर दोम, न्या तोक कि वारली खोबरमा जू मारू होक छे तीनाक भी मे पुरा रितीसी कामोमा नी लावो.

1 कुरीन्थियो 9:12

जेतार दिसरान तुमरे पोर यो होक छे, ती काय आमरो इना गोथो जादा नी होसे? बाकीन आमु यु होक कामोमा नी लावनो; बाकीन आखो काय सोहोतला छे कि आमरे लारे मसिहन वारली खोबरमा काहीन रुकावट नी रोये.

रोमी 15:29

एने मेसेक मालूम छे कि जेतार मे तुमरेनचा आवीस, ती मसिहन पुरा आशिष सी आवीस.

रोमी 15:19

एने चिन्ह, एने अदभूत कामोन ताकतसी, एने पवित्र आत्मान ताकतसी मारेत लारे कोऱ्यु; न्या तोक कि मे यरुशलेम सी लीन चारू भूनी इस्लुरीकुम तोक मसिहन वारली खोबरोन पुरू-पुरू प्रचार कोऱ्या.

2 तीमथी 1:16

उनेसिफुरूस घोरोपोर प्रभू दया कोर काहाकि चू लोकेत कावा मारा जीवो काजे थंड कोरला एने मारा बे साकव्यासी लाजवाये नि.

रोमी 4:11

चू सुंतान चिन्ह लेदू कि तिना भुरसान धोरमी पोर छापू लागाय जाय जो चू सुंता नी कोरलान लारे मेकलु होतु, काहाकि चे बी धोरमी ठेराये;

योहान 7:35

यहुदि आपसामा कोया यु का जासे कि होयू आपनुक नि जुळे? काय यु तिना यहुदिनचा जासे जे युनानीमा वेरा वेर होय रोया होता, एने युनानी काजे बी संदेश आपसे?