रोमी 1:14 - बारेली पावरी

¹⁴ मे युनानी एने दिसरा भाषान एने बुद्धिवान एने बिना बुद्धीन कर्जदार छे.

रोमी 1:14 Referans Kwoze

कुलुस्सि 3:11

तीनामा नि ते युनानी, नि यहुदि, नि सुंता, नि बिगर सुंता वावू, नि जोंगली, नि स्कुती, नी गुलाम, एने नि आजादी, निस्तु आखा काहीन एने आखामा मसिह छे.

प्रेषित 9:15

बाकीन प्रभू कोयू, “तू जात रोय; काहाकि यो ते दिसरा जातीन एने राजान एने इस्राईलोन सामने मारो नाव लेनेन मार नेवाळलु ठहरुलु छे.”

प्रेषित 22:21

एने चू मेसे काजे कोयू, “जा मे तुसेक दिसरा जातीन नांबे-नांबे तोक मुकली.”

रोमी 12:16

आपसमा एक सारखो मोन मेकू; मोटमोटी वातो पोर मोन मा लागाळू बाकीन गोरीबोन साते; रोयू; आपनी नोजोरमा बुद्धिमान मा बोनु.

2 कुरीन्थियो 11:19

तुमु ते सोमोजदार होयीन खुशीसी बिन ओकोलोन सोह लेतला से,

रोमी 16:19

तुमरी आग्या पावनेन चर्चा आखा माणसोमा पोसरी गोयली छे, इनान कोरता मे तुमरे बारामा खुशी कोरो, बाकीन मेसेक यो जुवे कि तुमु भोलाईन कोरता बुद्धिमान बाकीन बुराईन कोरता वारू बोनीन रोयू.

रोमी 13:8

आपोसमा मोंग काजे छुळीन ओवी कानली वातोमा कुदान कोरजदार मा रोयू; काहाकि जू दिसरा पोर मोंग कोरतेलू, चू नियम शास्त्र काजे पुरो पावलु छे.

रोमी 8:12

इनान कोरता हे भाशो आमु डीलोन कर्जदार नी होय कि डीलोन अनसारे दाहळा निकावजे.

रोमी 1:22

चे आपना खुदो काजे ओकोलवावू जानीन बिन ओकल्यु बोन गोया.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

2 तीमथी 2:10

इनान वोजेसी मे नेवाळला माणसोन कोरता आखो काय सोब देदलु छे, कि चे बी इना छुटकारू काजे मसिह येसुमा छे, ओमोर महिमा पुठी जोळे.

2 कुरीन्थियो 10:12

काहाकि आमुक यो हिंमत नि होय कि आमु खुदो काजे तिंदरेमा गोथा कोसा कुदा पुठी नीती चे तीनु काजे आपनुक भेटाळे, जे आपनी बोढाई खुद कोरतेला, एने खुदो काजे आपोसमा गिनतला मापतेला एक दिसरा पुठी मेवान बिन ओकली ठेरायतेला.

1 कुरीन्थियो 14:16

नीती हिमी आत्मामात धन्यवाद कोरिस, ती ओवते बिना ग्यानसी तारा धन्यवाद पोर आमेन कोसा कोयसे? काहाकि चे नी जानतला कि तु काय कोर रोयू?

1 कुरीन्थियो 14:11

इनान कोरता ओगर मे काहणी भाषान मतलब नी सोमजो, ती बुलने वावान नोजोरमा दिसरा देसोवावू ठेहरसे एने बुलने वावा मारी नजरमा दिसरा देसोवावा ठेहेरतला.

1 कुरीन्थियो 3:18

कुदू आपना खुदो काजे खुवू मा कोदि तुमरेसी कुदू इना संसारमा आपना खुदो काजे ग्यानी सोमजे, ती कोम दिमाक वावा ग्यानी होय जावू.

1 कुरीन्थियो 2:13

जीनुक आमु माणसोन ग्यानोन सिकाळली वातोमा नी, बाकीन आत्मान सिकाळली वातोमा, आत्मिक वातोसी भेसकी भेसकीन सोमवाळतला छे.

रोमी 11:25

हे भाशो, कांखुर माइन ओसो होये कि तुमु खुद काजे एक ग्यानी सोमजी लेये; इनान कोरता मेसेक नि लागतो कि तुमु इना भेदो सी ओनजानला रोये कि जेतार तोक दिसरा जाती पुरा रितीसी आवे नि तेत्यार तोक इस्राईलोन एक हिस्सू ओसुत काठलु रोयसे.

प्रेषित 28:4

जेतार रहीवासी इना घोळसा काजे तेरा हातो पोर लीपटायला देख्या ती एक दिसरा काजे कोयने बाज गोया छाचलीन यु माणूस खुनी छे ओगर यु दोरीयामा गोथू वाच गोयू ते बी नियाव कोरणे वावू इना काजे जीवतलु नि राखे.

प्रेषित 28:2

चा वावा आदिवासी आमरेपोर दया कोऱ्या, पाणी पोळनेसी सेवो लागणे बाज रोयो होतो इनान कोरता चे आगठो धोपाळीन आखान स्वागत कोऱ्या.

लुका 10:21

तिने टेमे चू पवित्र आत्मामा भोरायीन खुशीसी भोराय गोयू, एने कोयू, “हे बास, सोरगोन एने कोवीन प्रभू, मे तारो धन्यवाद कोरो कि तू इनी वातो काजे ग्यानवावा एने सोमोजदारी वावासी डूकाळीन मेक्यू, एने पुऱ्या पोर प्रगट कोऱ्यु होव, हे बास, काहाकि तुसेक योत वारलो लाग्यो.”

मत्ती 11:25

तिनी टेमे येसु कोयू, “हे बासो, सोरग एने धोरतीन प्रभू, मे तारो धन्यवाद कोरो कि तू इनी वातो काजे ग्यानी एने समजदारीसी डुकाळीन मेक्यू, एने पुऱ्या काजे आप देदू.”