रोमी 1:13 - बारेली पावरी

¹³ हे भाशो मेसेक ओसो लागे कि तुमु इनासी ओनजानला रोयू कि मे घोळी-घोळी तुमरेनचा आवनेन कोऱ्यु कि जोसो मेसे काजे दिसरा जातीमा फोव जोळ्यो तोसोत तुमरेमा भी जोळे बाकीन हिमी तोक रुक देदा.

रोमी 1:13 Referans Kwoze

प्रेषित 19:21

जेतार ये वाते होय गोया ती पौलुस आत्मामा ठान्यू कि मकीदुनीया एने अखाया सी जातु जायीन यरुशलेम काजे जाम, एने कोयू, “चा जाणेन ओवतेन मेसेक रोम काजे बी देखनो जोरुरी छे.”

फिलिप्पि 4:17

यो नी कि मेसेक दान जुवे बाकीन मेसेक ओसो फोव जुवे जो तुमरा फायदान कोरता बोढतो जाय.

2 तीमथी 4:17

पुन प्रभू मारे साते रोयलु एने मेसेक ताकत आपलु काहाकि मेसेक पुरान पुरा प्रचार होये एने सोब जातोन सोमवी लेये मी सिहान मुयोम गोथू छुळावलु होतु.

1 थिस्सलुनीकियो 4:13

हे भाशो आमु नि जानतला कि तुमु तिंदरा विषयोमा जे सुवतला छे, अनपड रोये; ओसो नि होय कि तुमु दिसरान तोसो शंका कोरे जीनु काजे आस नि होय.

1 थिस्सलुनीकियो 2:18

इनान कोरता आमु (मतलब मे पौलुस) एक बार नि बाकीन दुय कावा तुमरेनचा आवनेन कोऱ्यु बाकीन भुतडू आमुक रुक रोयलु.

2 कुरीन्थियो 1:8

हे भाशो, आमुक नी जुवतो कि तुमु आमरा तिना दुखोमा ओनजानला रोये, जे आसियामा आमरेपोर पोळ्यो; आमु ओसा भारी भारोसी दाबाय गोयला होता, यो आमरा ताकतोन बारथे होतो, न्या तोक कि आमु जीवन सी बी हात धुव बोसला होता.

1 कुरीन्थियो 12:1

हे भाशो मेसेक नी लागतो कि आत्मिक वरदानोनन बारामा ओनजानला रोये.

1 कुरीन्थियो 10:1

हे भाशो मेसे काजे नी लागतलो कि तुमु इना वातोसी ओनजानला रोये कि आपना डाहा-डाहा वादवान नेचा होता एने आखान आखा दोरीयान बिचमा गोथा पार निकव्या.

कुलुस्सि 1:6

जो तुमरेनचा पुगलो छे एने जोसो जोगोमा बी फोव लावे एने बोढतो जातलो छे, तोसोत जिने दाहळे गोथो तुमु तीनाक सोमव्या एने खोरायसी परमेश्वरोन दया उवखी लेदा तुमरेमा बी ओसोत कोरतेला छे.

रोमी 11:25

हे भाशो, कांखुर माइन ओसो होये कि तुमु खुद काजे एक ग्यानी सोमजी लेये; इनान कोरता मेसेक नि लागतो कि तुमु इना भेदो सी ओनजानला रोये कि जेतार तोक दिसरा जाती पुरा रितीसी आवे नि तेत्यार तोक इस्राईलोन एक हिस्सू ओसुत काठलु रोयसे.

योहान 15:16

तुमु मेसेक नि नेवाळ्या बाकीन मे तुमु काजे नेवाळलु छे एने तुमुक नेमलू छे कि तुमु जायीन फोव आपे एने तुमरो फोव जुळाय रोये, कि तुमु मारा नावोसी जो काहीन बास जू गोथा मांगु, चो तुमुक आपे.

योहान 4:36

काटने वावान दाहाळकी जोळतली एने ओमोर जीवनोन कोरता फोव काटतेलु, काहाकि वेरणे एने काटने वावू दुयू मेवीन खुशी कोरे.

2 थिस्सलुनीकियो 2:7

काहाकि अधोरमोन भेद हिमी बी काम कोरे, बाकीन हिमी बी रुकने वावु छे, एने जेतार तोक चू नांबे नि होय जाय चू रुक रोयसे.

2 कुरीन्थियो 2:14

बाकीन परमेश्वरोन धन्यवाद होये जू मसिहमा आमु काजे तीहीवारोमा खुशी लीन फिरतलु छे एने, आपना ग्यानोन गोंद आमरे लारे आखे जागे फैलतलु.

1 कुरीन्थियो 9:2

कोदि मे दिसरान कोरता प्रेषित नी होय, तीबी तुमरेन कोरता ते छे; काहाकि तुमु प्रभूमा मारी प्रेरीताइ पोर छापू छे.

प्रेषित 21:19

तेत्यार चे तीनाक नमस्कार कोरीन, जे-जे कामे परमेश्वर तेरी सेवान लारे दिसरा जात्यामा कोरलु होतु, एक-एक कोरीन आखा कोयू.

प्रेषित 15:12

तेत्यार आखी सभा हुगा रोयीण बरनाबास एने पौलुसोन वाते सोमवने बाज गोया कि परमेश्वर तिंदरे लारे दिसरा देसोमा जातीमा मोटला चिन्ह देखाळ्यू एने चमत्कार कोऱ्यु.

प्रेषित 14:27

चा पुगीण चे मंडवी काजे एखठा कोऱ्या एने जो काहीन परमेश्वर तिंदरे साते कोरलु होतु तीनाक कोयीन सोमवाळ्या एने यो बी कि काहना भातीन परमेश्वर दिसरा जातीन कोरता विस्वासोन झोपलु उगाळलो छे.

योहान 12:24

मी तुमु काजे छाचलीन-छाचलीन कोयो, कि जेतार तोक गोहून दाना धोरतीमा पोळीन मोरे नि, चू एखलु रोयतलु; बाकीन जेतार मोर जातलू ती लोके फोव लावतलू.

प्रेषित 1:15

तीनु दाहळान पतरस भाशोन इचमा जे एकसोव वीस माणसोन लगभग होता, उभा रोयीण कोयने बाज गोयू,

प्रेषित 28:14

चा आमु काजे काहनास भाशे मेव्या जे आमु काजे विनता कोऱ्या कि आमु तिंदरेनचा सात दाहळा तोक रोयजे इना रितीसी आमु रोममा पुग्या.

रोमी 1:12

मतलब यो कि जेतार मे तुमरे इचमा रोयो ती आमु इना भुरसान लारे जो मारेमा एने तुमरेमा छे एक दिसरा काजे उस्साहित कोरे.

रोमी 7:1

हे भाशो काय तुमुक नी मालूम होय, मे नियम जानणे वावा काजे कोयो कि जत्यार तोक माणूस जीवतलु रोयतलू तेत्यार तोक तीना पोर नियमोन होक रोयतलु छे?

1 कुरीन्थियो 1:10

हे भाशो, मे तुमरेसी आमरू प्रभू येसु मसिहन नावसी विनता कोरो कि तुमु आखा एकुत वात कोयू, एने तुमरेमा फुट नि रोये, बाकीन एकुत मोन एने एकुत मोन होयीन मेवायला रोये.

1 कुरीन्थियो 14:20

हे भाशो, तुमु समजनेमा नानला पुऱ्यामा बोनु बुराईमा ते नानला पुऱ्या रोयू, बाकीन सोमोजनेमा शहाना बोनु.

1 कुरीन्थियो 14:26

इनान कोरता हे भाशो, काय कोरनो जुवे? जेतार एखठा होयतला, ती एकुत दिलमा भजन नीती प्रचार नीती दिसरी भाषा नीती विजावो नीती दिसरीबुलीन मतलब देखाळ रोयतलु आखो काहीन आत्मान बोढाईन कोरता होयनो जुवे.

गलातियों 3:15

हे भाशो मे माणसोन रिती पोरसी कोयो कि माणसोन वायदा बी पाका होय जातला, ती नी कुदू तिनाक टावतलु एने नी तीनामा काहीन वाढ होयतलो.

गलातियों 6:18

हे भाशो, आपनु प्रभू येसु मसिहन दया तुमरो आत्मा पुठी रोये. आमेन.

फिलिप्पि 1:22

बाकीन अगर डीलोमा जीवतु रोयनो मारा कामोन कोरता फायदु छे ती मेसेक नी मालूम कि कुनी काजे नेवाळनो.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.