प्रकाशित वाक्य 4:5 - बारेली पावरी

⁵ तिना सिहासन मा गोथा विजव्या एने मोटलु ओवाज निकवतला छे एने सिहासनोन सामने आगठान सात दिवा धोप रोया, चे परमेश्वरोन सात आत्मा छे,

प्रकाशित वाक्य 4:5 Referans Kwoze

प्रकाशित वाक्य 11:19

तेत्यार परमेश्वरोन यो मंदीर सोरगमा छे, उगळी गोयो, एने तेरा मंदीरमा तेरी वायदान संदूक देखाय पोळ्यो; एने वीजव्या एने बुल एने गाजनो एने भूकंपो होयो एने मोटला गारा पोळ्या.

प्रकाशित वाक्य 8:5

तेत्यार सोरग दूत धूपदान लीन तिना वेदीन आगठो भोऱ्यु एने कोवी पोर नाख देदु; एने गाज्यो एने बुल एने वीजव्या एने भूकंप होयने बाज गोयू.

प्रकाशित वाक्य 1:4

योहान जू गोथो आसियान सात मंडव्यान नाव, तेरेनचा गोथु दया एने शांती जुळे, जू छे एने जू होतो एने जू आवने वावू छे; एने तीनु सात आत्मा जुव गोथो जो हेरा सिहासनोन ओगोव छे,

प्रकाशित वाक्य 5:6

तेत्यार मे तिना सिहासन एने चार जोनावरे एने तीनु पुढाऱ्यान इचमा, जोसो एक खुन कोरलु गाडरो उबरोयलु देख्यू. तेरा सात शिंगडा एने सात डूवा होता; जे परमेश्वरोन सात आत्मा छे जे आखी कोवी पोर मुकली रोया.

प्रकाशित वाक्य 3:1

सर्दीसोन मंडव्यान दूतो काजे यो लिख, “जेरे जुव परमेश्वरोन सात आत्मा एने सात चांदण्या छे, चू यो कोये कि मे तारा कामो काजे जानतलु छे तू जीवतलु ते कोवायतलु छे, बाकीन मोरलु छे.”

प्रेषित 2:3

एने तीनु काजे आगठीन जीब धोपतली देखायी, एने तिंदरे माईन होर एक पोर आव लागी.

मत्ती 3:11

मे पाणी कोरीन तुमुक मोन फिरावने बाप्तिस्मा आपतलु, बाकीन जू मारे बादमा आवने वावु छे चू मार गोथा ताकत वावू छे; तेरा चाट्या चूटनेन बी लायक नि होय, चू तुमुक पवित्र आत्मा एने आगठासी बाप्तिस्मा आपसे.

मत्ती 25:1

सोरगोन राज “तीनु दोस कुवारीन सारखो होयसे जे तिंदरा दिवा लीन दुल्हा काजे भेटने कोरीन निकव्या.

प्रकाशित वाक्य 10:3

एने ओसला मोटला बुलोसी आयळ्यु, जोसू सिह आयळतलु छे; एने जेतार चू आयळ्यु ती आयळनेसी सात बुले सोमवाय पोळ्या.