प्रकाशित वाक्य 21:4 - बारेली पावरी

⁴ चू हिंदरा डूवासी आखान आसवा नूस देसे; एने एरेन ओवतेन मोरोन नी रोये, एने नी दुख, नी विलाप, नी पिढा रोये; पेहेली वाते जात रोयी.”

प्रकाशित वाक्य 21:4 Referans Kwoze

प्रकाशित वाक्य 7:17

काहाकि गाडरु जू सिहासनोन इचमा छे तिंदरी राखवावी कोरसे, एने तीनुक जीवन रुपी पाणीन झोरोनचा लीजासे; एने परमेश्वर तिंदरा डूवासी आखा आसवा नूछ लेसे.

1 कुरीन्थियो 15:26

आखरीमा दुष्मोन बी खतोम कोराय जासे, चो मोत छे.

1 योहान 2:17

जोग एने हिंदरी भुंडली मोर्जी दुयू नाश होय जातला छे पुन जू परमेश्वरोन मोर्जी पोर चालतलु छे, चू हमेशा बोनी रोयसे.

मत्ती 24:35

सोरग एने धोरती टोव जासे, बाकीन मारी वाते कोबी नी टोवे.

प्रकाशित वाक्य 21:1

पोछु मे नोवलो सोरोग एने नोवली कोव काजे देख्यू, काहाकि पेहलो वादवो एने पेहली कोव जात रोयली होती, एने दोरीया बी नि रोया.

प्रकाशित वाक्य 20:14

मोरनो एने अधोलोक बी माणसे आगठान झीलमा घालाय गोया जो आगठान झील दुसरो मोरोन छे;

प्रकाशित वाक्य 22:3

पोछु श्राप नी होये, एने परमेश्वरोन एने गाडरान सिहासन तिना गावमा रोयसे एने हेरा दास हेरी सेवा कोरसे.

2 पतरस 3:10

बाकीन प्रभून दाहळू चुटान सारखो आवी जासे, तिने दाहळे सोरगोमा मोटलो आवाज बुलोसी जातु रोयसे एने कोवी जाताच ताती होयीन पीगवी जासे एने कोवी एने तिना पोरला कामे बी बोवी जासे.

1 कुरीन्थियो 7:31

एने इना जोगोन साते व्यहवार कोरणे वावा ओसा जुवे, कि जोगोन नी होय; काहाकि इना जोगोन रिती एने व्यहवार बोदोलतलो जातलो छे.

2 कुरीन्थियो 6:17

इनान कोरता प्रभू कोये, “तिंदरे इचमा मा गोथा निकवू एने ओलोग रोयू; एने भुंडली चीजो काजे मा छिमू, ती मे तुमुक स्वीकार कोरिस;.

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

इब्रानियो 12:27

एने जी वात एक कावा एने “तीनु चीजो काजे छेटा कोरणेन कोरिस नी जाय सोके ची बोनली रोये.”

प्रकाशित वाक्य 20:13

दोरीया तीना मोरला काजे जे हेरेमा होता आप देदू, एने मोरनो एने अधोलोक तीनु मोरला काजे जे हिंदरेमा होता आप देदा; एने हिंदरेमा गोथो होर एक कामोन अनसारे तिंदरू नियाव कोराय गोयू.