प्रकाशित वाक्य 2:13 - बारेली पावरी

¹³ मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:13 Referans Kwoze

1 तीमथी 5:8

जर कोदि कुदु आपनी भूनी खास कोरीन आपना घोरोन चिंता नी कोरे ती होयू भुरसू नी राखणेवावासी बी भुंडो बन गोयलो छे.

प्रकाशित वाक्य 3:11

मी तेत्यारुत आवने वावु छे; जो काय तारे जुव छे तीनाक रुकायीन मेक कि कुदू तारू मुकुट हापकी नि लेये”.

2 तीमथी 2:12

अगर आमु धीरोज धोरीन रोयता रोयजू ती तेरे साथे राज बी कोरसु अगर आमु तेरु इनकार कोरतेलू ती चू भी आमु इनकार कोरतू चू भी आमु इनकार कोरसे.

प्रेषित 22:20

जेतार तारू गोवा स्तेफनोन लुय वोयतो होतो ती मे बी चा उबरोयलो होतो तेरा मोनोमा सामील होतो एने मारने वावान छिंदरा राखवावी कोरतू होतु;

प्रकाशित वाक्य 14:12

चुखला माणसोन धीर इनाम छे, जो परमेश्वरोन आग्याणु काजे मानतला एने येसु पोर भुरसू कोरतेला छे.

प्रकाशित वाक्य 3:3

इनान कोरता फोम कोर कि तू कोसली शिक्षा हासील कोरलु छे एने सोमवलू होतु, एने तीनामा बोनीन रोय एने मोन फिराव कोदा माईन तू जागतू नी रोये ती मे चुटा सारखो आव लागीस, एने तू कोदि नी जान सोके कि मे कानले टेमे तारेनचा आव लागीस.

प्रकाशित वाक्य 2:2

मे तारो काम, एने तारी मेहनत, एने तारा धीरो काजे जानतलु छे एने जो भी कि तू भुंडला माणसो काजे देख नी सोकतलु, एने जे आपना खुदो काजे प्रेषितोन कोयतेला छे, एने नी होय, तीनुक तू पारखीन झुटू देख्यू.

इब्रानियो 10:23

आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.

2 तीमथी 1:13

जी ठारलो वात तू मार मुये सोमोवतलु छे तीनाक भुरसू एने मोंग पुठी जे मसिह येसुन मा छे आपनो वारलु बोनीन मेक.

मत्ती 24:9

तेत्यार तोकलीत देनेन कोरता तुमुक धोरावसे, एने तुमु काजे मार नाखसे, एने मारा नावोन वजेसी आखा जातीन माणसे तुमु पोर दुष्मोनी कोरसे.

याकुब 2:7

काय चा तीना वारला नावोन बुराई नि कोरतेला जिनान तुमु कोवायतेला छे?

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

1 थिस्सलुनीकियो 5:21

आखा वातो काजे पारखू; जी वारली छे तिनाक धोरीन रोयू.

प्रेषित 9:14

एने या भी तीनाक पुजारू जुव गोथू होक जो जोळलु छे कि जेरो नाव लीन रोया तीनु आखा काजे बंदी बनाय लेये.

लुका 21:17

मारा नावोसी आखा माणसे तुमरे पोर दुष्मोनी कोरसे

मत्ती 10:23

जेतार चे तुमु काजे एक देसोमा तोकलीत देसे, ती दिसरे जागे ढास जाजू. मे तुमु काजे छाचलीन कोयो, तुमु इस्राईलोन देसोमा नि फिर सोकसे ती माणसोन पुऱ्यु आव लागसे.

मत्ती 4:10

तेत्यार येसु तीना काजे कोयू, “हे भुतडा नांबे होय जा, काहाकि लिखलो छे, तू प्रभू आपना परमेश्वर काजे नमस्कार कोर, एने निस्तु तेरीत आराधना कोर.”

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 11:3

मे दुय गोवाणु काजे यु होक आपीस कि गोनटो पांघोरला एक हजार दुय सोव साठ दाहळा तोक भविष्यवाणी कोरे.

प्रकाशित वाक्य 12:11

चे गाडरान लुयोन वोजेसी एने आपना गोवायीन वचनोन वोजेसी तिना पोर जयवंत होया, एने चे आपना जीवो काजे मोंगावू नी जाण्या, या तोक कि मोरोन बी सोहोनेन कोर लेदा.

प्रकाशित वाक्य 13:2

जो चिल्ला मे देख्यू चो चिता सारखो होतो एने तेरु पाय रिछडान सारखो एने मूय वाघो सारखो होतो चू अजगर तेरा ताकत एने तेरा सिहासन एने मोटो होक तीनाक आप्या.

प्रकाशित वाक्य 17:6

मे तिनी बायर काजे चुखला माणसोन लुय एने येसुन गोवान लुय पिणेसी छाकली देख्या; तिनीक देखीन मे नोवलाय गोयू.

प्रकाशित वाक्य 17:14

चे गाडरा पुठी लोळायसे, एने गाडरो तिंदरे पुठी जय हासील कोरसे, काहाकि चू प्रभून प्रभू एने राजान राजा छे, एने जे बुलावला एने नेवाळला एने विस्वासी छे, चे तेरे पुठी छे; चे बी जय हासील कोरसे.