प्रकाशित वाक्य 19:8 - बारेली पावरी

⁸ हिनी काजे चुखलो एने चमकदार महीन मलमल पेहेरनेन होक आपाय गोयो” काहाकि तिना महीन मलमलोन मतलब चुखला माणसोन धोरमोन कामे छे.

प्रकाशित वाक्य 19:8 Referans Kwoze

प्रकाशित वाक्य 3:18

इनान कोरता मे तुसेक समती आपो कि आगठामा तातो कोरलो सोनो मारे जुव गोथू मुले ली ले कि तू धोनवान होय जाय, एने धोव्वा डोगला लीले कि तुसेक पेहेरीन तुसेक आपना उगाळलान लाज नी आवे, एने तारा डूवामा लागाळनेन कोरता सुरमू लीले कि तू देखणे बाज जाय.

रोमी 13:14

बाकीन प्रभू येसु मसिह काजे पेहेर लेवू, एने डीलोन मोर्जी काजे पुरो कोरनेन इलाज मा कोरु.

मरकुस 9:3

एने तेरा छिंदरा ओसा धोव्वा सोप होय गोया एने न्या तोक धोव्वा होया, कि धोरती पोर काहनुत धोबी बी ओसो धोव नि कोर सोकतेलू,

मत्ती 22:12

चू तीना काजे पुछु, “हे दोस्त; तू वियावोन छिंदरा पेहेरे बिना या काहा आव रोयू?” तेरो मूय बोंद होय गोयो.

प्रकाशित वाक्य 15:4

हे प्रभू, कून तुसे काजे नि बिहे एने तारा नावोन महिमा नि कोर? काहाकि निस्तु तूत चुखलु छे आखा जात्या उठीन तेरे ओगोव नोमोन कोरसे, काहाकि तारा नियावोन काम आव लागलो छे.

प्रेषित 1:10

तेरे जाणेन टेमे चे सोरगोमा देखता रोया, ती देखू, दुय माणसे धोव्वा छिंदरा पेहेरलु साते आवीन उबरोय गोया.

लुका 24:4

जेतार चे इनी वातोसी शोंकामा होता ती देख्या, दुय माणसे चोमोकने वावा डोगला पेहेरीन तिंदरे साते आवीन उभा रोया.

रोमी 3:22

मतलब परमेश्वरोक जी धारमिकता जो येसु मसिह पोर भुरसू कोरणेसी आखा भुरसू कोरनेवावान कोरता छे. काहाकि काहीन भेद नि होय;.

मत्ती 17:2

चा तिंदरे सामने तेरो रूप बदली गोयो, एने तेरो मुय सूर्यान तोसो चोमक्यो एने तेरा डोगला दिवा सारखा विजावो होय गोया.

प्रकाशित वाक्य 15:6

एने चे सात सोरग दूत जिंदरे साते सात तोकलीत होता, मलमल पोर सोनान पट्या बांधीन मंदीरमा गोथा निकव्या.

प्रकाशित वाक्य 19:14

सोरगोन सेना धोव्वा घुल्ला पोर बोस रोयी एने धोव्वा एने चुखला मलमल पेहेरला तेरे पोछोव-पोछोव छे.