प्रकाशित वाक्य 14:6 - बारेली पावरी

⁶ पोछु मे एक एने सोरग दूतो काजे वादवान इचमा उळतलो देख्यू, जेरे जुव कोवी पोर रोयने वावान होर एक जाती, एने पिढी एने भाषा, एने माणसो काजे सोमवाळनेन कोरता ओमोरकाईन वारली खोबर होतु.

प्रकाशित वाक्य 14:6 Referans Kwoze

मरकुस 16:15

एने येसु तीनु काजे कोयू, “तुमु आखा जोगोमा जायीन आखा कोवीन माणसो काजे वारली खोबरोन प्रचार कोरू.

प्रकाशित वाक्य 8:13

जेतार मे पोछु देख्यू, ती सोरगोन इचमा एक घुवळ काजे उळतलु एने उचला बुलोसी यो कोयतलु सोमव्यू, “तीना तीन सोरग दूतोन फेपाऱ्यान बुलोन वोजेसी, जिंदरो फुकनो हिमी बाकी छे, कोवीन रोयने वावा पोर हाय, हाय, हाय.”

प्रकाशित वाक्य 3:10

तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

प्रकाशित वाक्य 13:7

तीनाक यु बी होक आपाय गोयू कि चुखला माणसोसी लोळाये एने तिंदरे पोर जय हासील कोरे, एने तीनाक होर एक जातीन एने माणसे एने भाषा एने जाती पोर होक आपाय गोयो.

इब्रानियो 13:20

हिमी शांती दाता परमेश्वर, जू गाडरान महान राखवाव आपना प्रभू येसु काजे ओमोरकाईन वायदान कोरता लुयोन लारे मोरलामा गोथू जीवतु कोर देदु.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

मत्ती 10:27

जो मे तुमु काजे आंदारलामा कोय, तीनाक तुमु विजावामा कोयू; जो कानटामा सोमवला, तीनाक छोत पोर जायीन प्रचार कोरु.

प्रकाशित वाक्य 10:11

तेत्यार मारेसी यो कोवाय गोयो, “तुसेक जादा माणसे, एने जाती एने भाषा एने राजान बारामा पोछि भविष्यवाणी कोरनो पोळसे.”

1 पतरस 1:25

बाकीन प्रभून वचन पिढ्यान पिढ्या एक जागे रोयतलू छे एने योत वारली खोबरोन वचन छे जू तुमु काजे कोवायलो होतो.

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,

प्रकाशित वाक्य 10:7

नि ती सातवू सोरग दूत फेपाऱ्यो फुकने पोर होयने वावा बुलोन दाहळामा परमेश्वरोन एखलामा मेकलो मनोरथ तीना वारली खोबरोन अनसारे जू चू आपनु दास भविष्य कोरता काजे आप्या, पुरो होयसे.”