प्रकाशित वाक्य 13:11 - बारेली पावरी

¹¹ एने मे एक ओवी चिल्लो धोरतीमा गोथो निकेवतेलो देख्यू, तेरा गाडरा सारखो दुय सिंगडा होता, एने चू अजगर सारखू बुलतू होतु.

प्रकाशित वाक्य 13:11 Referans Kwoze

मत्ती 7:15

“झुटा भविष्य कोरतासी हुशारीमा रोयू, जे गाडरान भेसमा तुमरेनचा आवता, बाकीन ओवतेन चे फाळनेवावा कुल्या छे.”

प्रकाशित वाक्य 17:6

मे तिनी बायर काजे चुखला माणसोन लुय एने येसुन गोवान लुय पिणेसी छाकली देख्या; तिनीक देखीन मे नोवलाय गोयू.

प्रकाशित वाक्य 16:13

एने मे तीना अजगरोन मुयोसी, एने तिना झुटा भविष्य कोरतान मुयोसी तीन भुंडली आत्मा डेटकान रूपोमा निकेवतेलो.

प्रकाशित वाक्य 13:17

कि जीनाक जुळे तिना पोर छापू मतलब तिना चिल्लान नाव नीती तिंदरे नावोन आकळू होये, दिसरा कुदू लेन देन नि कोर सोके.

प्रकाशित वाक्य 11:7

जेतार चे आपनी गोवायी आप सोके, ती चो जोनावर जिना उंडा खाडामा गोथू निकवसे तिंदरे पुठी लोळायीन तीनुक जीकसे एने हिनुक मार नाखसे.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

प्रकाशित वाक्य 12:17

तेत्यार अजगर बायरो पोर रीसवाय गोयू एने तेरी बाकी पुऱ्या पुठी जू परमेश्वरोन आग्या काजे मानतला एने येसुन गोवायी आपनेपोर स्थिर रोये,

2 थिस्सलुनीकियो 2:4

जे विरोध कोरतेला छे, एने होर एक साते जे परमेश्वरोन आराधना कोवायतेलो छे, खुदो काजे मोटलु ठेरावतलु छे, न्या तोक कि चू परमेश्वरोन मंदीरमा बोसीन खुदो काजे परमेश्वर ठेरावतलु छे.

प्रकाशित वाक्य 17:8

जो जोनावर तू देखलू छे चू पेहेले ते होतु बाकीन हिमी नी होय, एने उंडा खाडामा गोथू निकवीन विनाशमा पोळसे; एने कोवीम रोयने वावा जिंदरो नाव जोगोन घोडनेन टेमे जीवनोन किताबमा लिखाय नी गोयो, तिना जोनावरोन जी दशा देखीन कि पेहेले होतु एने हिमी नी होय एने पोछु आव लागसे, नोवलाय कोरसे.”

प्रकाशित वाक्य 13:1

तेत्यार मे एक चिल्ला काजे दोरीयामा गोथो निकवतेलु देख्यू, जेरा दोस सिंगळा एने सात मुंडका होता तेरा सिंगडापोर दोस राजमुगुट, एने तेरा मुंडका पोर परमेश्वरोन बुराईन नावोसी लिखलो होतो.

प्रकाशित वाक्य 13:4

माणसे अजगरोन पूजा कोऱ्या, काहाकि चे चिल्ला काजे आपनु होक आप देदलु होतु, एने यो कोयीन चिल्लान पूजा कोऱ्या, “इना चिल्लान सारखो कून छे? कून इना पुठी लोळाय सोकतलु?”