प्रकाशित वाक्य 12:7 - बारेली पावरी

⁷ एने सोरगमा लोळाय होयी, मिकाईल एने तेरा सोरग दूत, अजगर पुठी लोळायने निकव्या; एने अजगर एने तेरा दुते तेरे पुठी लोळाया,

प्रकाशित वाक्य 12:7 Referans Kwoze

यहुदा 1:9

बाकीन प्रधान सोरग दूत मिकाईल, जेतार भुतडासी मुसान धोळन बारामा वाद विवाद कोऱ्यु, ती तीनाक भुंडो-भुंडो कोयीन गुणू लागाळनेन हिंमत नि कोऱ्यु बाकीन यो कोयू, “प्रभू तुसेक लोळे.”

2 पतरस 2:4

काहाकि जेतार परमेश्वर तिना सोरग दूत काजे जे पाप कोरला नि होय छुळयु, बाकीन नोरोकोमा आंदारला कुंडामा नाख देदु, काहाकि नियावन दाहळे तोक बांदायला रोयसे.

इफिसीयो 6:12

काहाकि आपनो यो लोळायनो लुय एने मासोपुठी नी होय बाकीन प्रधानो पुठी, एने अधिकारी पुठी एने इना जोगोन आंदारलान सुभेदारोपुठी एने भुंडला भुंड लाव आत्मिक सेना पुठी छे जे सोरगोमा छे.

प्रकाशित वाक्य 20:2

चू तिना अजगर, मतलब जूनला घोळसा काजे, जू इबलीस एने भुतडू छे, धोरीन होजार सालोन कोरता बांध देदु,

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

2 थिस्सलुनीकियो 1:7

एने तुमु जे तोकलीत झेलतला, आमरे पुठी आराम आपे; तिने टेमे जेतार कि प्रभू येसु आपना ताकत वावा दूतो साते हुळू-हुळू धापतला आगठामा सोरगोमा गोथू प्रकट होयसे,

2 कुरीन्थियो 12:7

इनान कोरता कि देखाळला वातोसी मे जादासी फुल नी जाम, मारा डीलोमा एक काटू गुपाय गोयू, मतलब भुतडान एक दुत मेसेक धुमा देदू काहाकि मे फुल नी जाम.

प्रकाशित वाक्य 13:7

तीनाक यु बी होक आपाय गोयू कि चुखला माणसोसी लोळाये एने तिंदरे पोर जय हासील कोरे, एने तीनाक होर एक जातीन एने माणसे एने भाषा एने जाती पोर होक आपाय गोयो.

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

मत्ती 13:41

माणसोन पुऱ्यु आपना सोरग दूत काजे मुकलसे, एने चे तेरा राजमा गोथा आखा ठूकरोन वोजेसी चा तेरे भूनी भुंडला कामे कोरणे वावा काजे एखठा कोरसे,

मत्ती 26:53

काय तुसेक नि जनायतो कि मे मारा बासोसी विनता कोर सोको, एने चू सोरगोन दूतोन बारा पालटोन गोथो जादा मारेनचा हिमी मुकली देये?

मत्ती 25:41

“तेत्यार चू डाखऱ्या धोळे वावा काजे कोयसे, ‘हे शापित माणसो मारे ओगोव गोथा तिना ओमोरकाईन आगठामा जात रोयू जो भुतडान एने तेरा दूतोन कोरता तीयार कोरलो छे,

मत्ती 24:31

चू फेपाऱ्यान मोटात आवाजमा आपना सोरग दूतो काजे मुकलसे, एने चे सोरगोमा इने धोळे गोथा पोल धोळे तोक चारू दिशामा गोथा नेवाळला काजे एखठा कोरसे.

इब्रानियो 2:10

काहाकि जिनान कोरता आखो काहीन छे एने तिनान लारे आखो काहीन छे तिनान यो वारू लाग्यो कि जेतार चू घोणा सोवटा पुऱ्या काजे महिमामा पुगाळे ती तिंदरू छुटकारू आपनेवावा काजे दुख हाकलनेन लारे पुरो कोरे.

प्रकाशित वाक्य 12:8

बाकीन जीत नी होयी एने सोरगमा तिंदरेन कोरता पोछि जागा नी रोयी.