फिलिप्पि 3:20 - बारेली पावरी

²⁰ बाकीन आपनो देस सोरगोमा छे; एने आपनु छुटकारू आपन्यु प्रभू येसु मसिहनचा गोथो आवनेन वाट जुवतला छे.

फिलिप्पि 3:20 Referans Kwoze

इफिसीयो 2:19

इनान कोरता तुमु हिमी दिसरा एने भोटकने वावा नी होय बाकीन चुखला माणसोन साते आपना देसोन एने परमेश्वरोन घोरानान होय गोया.

2 कुरीन्थियो 4:18

एने आपनु देखली चीज नी बाकीन नी देखाये ओसली चीजो काजे देखता रोयतला; काहाकि देखे ओसली चीज थुलाक दाहळान छे, बाकीन नी देखायतली असला चीज ओमोरकाईन बोनली रोयतली.

इब्रानियो 12:22

बाकीन तुमरे साते सियोन बोयळानचा जीवतला परमेश्वरोन सोहोर सोरगोन यरुशलेमोन धोळे एने लाखो सोरोग दूत लिखलो छे एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

इफिसीयो 2:6

एने मसिह येसुमा तेरे साते जीव उठाळयु एने सोरगोन जागे तेरे साते बोसाळयु.

2 कुरीन्थियो 5:8

इनान कोरता आपु हिंमतोन बांधीन रोयतला एने डीलो गोथो ओलोग रोयीण प्रभू साते रोयनेन ओवी बी वार सोमोजतेला.

2 तीमथी 4:8

भविष्यमा मारेन कोरता धोरमोन होयो मुकुट मेक मेक्यो छे, जीनाक प्रभू जू धोरमी न्यायी छे मेसेक तीने दाहळे आपसे, एने मेसे ओतरु नि एने हीन आखा काजे बी हिंदरा प्रकट होयनेन काजे मोंगावू मानताला छे.

1 थिस्सलुनीकियो 1:10

एने तेरा पुऱ्यान सोरगोपोर गोथू आवनेन वाट जुवता रोयू जीनाक चू मोरलामा गोथू जीवाळ्यु, मतलब येसुन, जो आवने वावा मोटला दोंडोन गोथो वाचाडलो छे.

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.

गलातियों 4:26

बाकीन उपोरली यरुशलेम छुटकारू छे एने ची आमरी आस छे.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

1 कुरीन्थियो 1:7

न्या तोक कि काहना वरदान मा तुमुक घोटी नि होये, एने तुमु आमरा प्रभू येसु मसिहन देखायनेन वाट जुवता रोयला छे.

प्रेषित 1:11

एने तीनु काजे कोया, “हे गलीली माणसो तुमु काहा उबरोयीन सोरगोमा देखता रोया? युत येसु तुमरेनचा गोथू सोरगोम चूटायु गोयलु छे जोसा तुमु तीना काजे सोरगोमा जातलू देख्या, तोसुच चू पोछु आवसे.”

मत्ती 19:21

येसु तीना काजे कोयू, ओगर तू तीयार होय ती जा आपनु माल वेचीन गोरीबो काजे आप दे, एने तुसेक सोरगोमा धोन जोळसे; एने आवीन मारे पोछोव चाल.

1 थिस्सलुनीकियो 4:16

काहाकि प्रभू एक सोरगो गोथू उतरसे; तिने टेमे ललकार, एने प्रधान दुतोन वात सोमवाय जासे, एने परमेश्वरोन फेपाऱ्यो फुकाय जासे; एने जे मसिहमा मोरला छे, चे पेहेले जीव उठसे.

लुका 14:14

तेत्यार तू सोयावा होयीस, काहाकि तिंदरे जुव तुसेक बोदलु आपनेन कोरता काहीन नि होय, बाकीन तुसेक धोरमीन जीव उठने पोर एरू प्रतीफोव जोळसे.”

प्रकाशित वाक्य 1:7

देखू, चू वादवा पुठी आवने वावू छे, एने होर एक डूवू तीनाक देखसे, नी तेत्यार जे हिनाक छेळला होता चे बी येसुक देखसे, एने धोरतीन आखा जाती हीनान वोजेसी छाती ठूकसे होव. आमेन.

फिलिप्पि 1:10

न्या तोक कि तुमु वारलासी वारला वातो काजे वारलो सोमजू, एने मसिहन दाहळा तोक खोरला बोनीन रोयू.

लुका 12:21

ओसुत चू माणूस बी छे जू आपनेन कोरता धोन एखठो कोरतेलू, बाकीन परमेश्वरोन नोजोरमा मालदार नि होय.

1 कुरीन्थियो 15:48

जोसू चू धुवान होतु, तोसोच चे बी छे यु धुवान छे; एने जोसू चू सोरगोन छे, तोसुच चू बी छे जू सोरगोन छे.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.