5 जोसो येसु मसिहन स्वभाव होतु तोसोत तुमरो बी होयो;
जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.
मारो जुवळो आपनेपोर हाकली लेवू, एने मारेसी सीकू; काहाकि मे नम्र एने मोनोन गोरीब छे एने तुमु काजे आपना आत्मामा आराम जोळसे.
एने तुमु एरेन कोरता बुलावला छे, काहाकि मसिह भी तुमरेन कोरता दुख झेलीन तुमु काजे एक वारलो नमुनु आपीन गोयलु छे, कि तुमु भी तिंदरा पायोन निशानी पोर चालू.
एरेन कोरता जेतार मसिहन डीलोमा होईन दुख झेल्यू ती तुमु भी तिनी मनसा काजे हत्यार सारखा वापर कोरु, काहाकि जू डीलमा दुख झेललु छे, चू पापमा गोथू छुट गोयू,
जोसू मे बी आखा वातोमा खुश रोयतलु छे, एने आपनो नी बाकीन जादा जोनान फायदु हेरतलु छे कि तीनुक छुटकारू जोळे.
एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.
धीर एने शांतीन दाता परमेश्वर तुमुक यो वरदान आपे कि येसु मसिहन अनसारे आपसमा एक मोन रोयू.
मे तुमुक आखो कोरीन देखाळ्यू कि इना रितीसी मेहनत कोरतो जायीन कोम ताकत वावा काजे सोमावनो एने प्रभू येसुन वचन फोम राखणेन जोरुरी छे, जो चू खुदुत कोयलु छे “लेणे सी आपनो सोयावा छे.”
काहाकि मसिह आपना खुदो काजे खुश नि कोऱ्यु, बाकीन जोसो लिखलो छे “तारी बुराईन बुराई मारे पोर आव पोडी.”
काहाकि मोटू कुन छे जू खाणे बोस रोयू, कि यु चाकरी कोरणे बाज रोयू? काय नि यु खाणे बोस रोयू? बाकीन मे तुमरे इचमा एक चाकरोन तोसु छे.
ओगर तारू भाश तारा खाणान वोजेसी नोराज छे, ती ओवी तू मोंगोन रितीसी नि चालतलु; जिनान कोरता मसिह मोरलू, तीनाक तू आपना खाणान लारे नाश मा कोरे.
परमेश्वर काहना रितीसी येसु नासरी काजे पवित्र आत्मा एने ताकतसी अभिषेक कोऱ्यु चू भोलाई कोरतू एने आखा काजे भुतडान छुळावला होता, वारलो कोरतू फिरू काहाकि परमेश्वर तेरे साते होतु.
मसिह येसुन सेवक पौलुस एने तीमथीन तोरोफसी, आखा चुखला माणसोन नावे जे येसु मसिहमा रोयीण फिलीप्पी देसोमा रोयता होता, पुढारी एने सेवक साते.
