फिलिप्पि 1:27 - बारेली पावरी

²⁷ निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 1:27 Referans Kwoze

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

1 कुरीन्थियो 1:10

हे भाशो, मे तुमरेसी आमरू प्रभू येसु मसिहन नावसी विनता कोरो कि तुमु आखा एकुत वात कोयू, एने तुमरेमा फुट नि रोये, बाकीन एकुत मोन एने एकुत मोन होयीन मेवायला रोये.

2 पतरस 3:14

इनान कोरता हे मोंगावा जेतार कि तुमु इनान वातोन आस देखतलो, ती कोशिश कोरु कि तुमु शांतीसी तिनान ओगोव चुखला एने निरदोष ठोरु.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

यहुदा 1:3

हे मोंगावा, जेतार मे तुमुक तिना छुटकारान बारामा लिखनेमा जादा मेहनतसी प्रयत्न कोर रोयू होतु जीनामा आमु आखा भागीदार छे, ती मे तुमुक यो सोमजाडनो जोरुरी जान्यू कि तिना भुरसान कोरता पुरो कोयीन कोरु जो चुखला माणसो काजे एकुत कावार सोपाय गोयलो होतो.

1 थिस्सलुनीकियो 4:1

इनान कोरता हे भाशो, आमु तुमरेनचा विनता कोरजे एने तुमु काजे प्रभू येसुमा सोमजाडतला छे कि जोसा तुमु आमरे साते खोरलो चाल चालजू एने परमेश्वर काजे खुश कोरनेन सिकला छे, एने जोसा तुमु चालतला भी छे, तोसात एने बोढता जावू.

फिलिप्पि 2:12

इनान कोरता हे मोंगावा जिना रितीसी तुमु हमेशा आग्या मानता आवला छे तोसोत हिमी बी निस्तु मारे साते रोयता जायीन नि बाकीन खास कोरीन हिमी मारे नांबे रोयनेसी बी बिहीता एने कापता जायीन आपना-आपना छुटकारान काम पुरा कोरता जावू.

फिलिप्पि 3:18

काहाकि घोणा सोवटा ओसी चाल चालतला छे, जेरी वात मे तुमु काजे घोळी-घोळी कोयलु छे, एने हिमी बी रोडी-रोडीन कोयो कि चे आपनी चाल-चालने सी मसिहन ख्रुसोन रीसावा छे.

2 कुरीन्थियो 13:11

आखरी, हे भाशो, खुश रोयू; पुरा बोनता जावू; धीर राखू; एकुत मोन राखू; मेवायीन रोयू एने मोंग एने शांतीन आपनेवावू परमेश्वर तुमरे साते रोयसे.

प्रेषित 4:32

भुरसू कोरणे वावान मंडवी एक मोन लागाळीन एक विचारोन होती न्या तोक कि घोरल्या आपनो धोन मारो नि कोवायतेला बाकीन आखो गोवानदिमा होतो.

2 पतरस 3:11

जेतार ये आखा चीजे इनी रितीसी पिगवने वावी छे, ती तुमुक चुखली चाल चलन एने भोक्तीमा कोसला माणसे रोयनो जुवे,

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

याकुब 3:18

मिलाव कोरणे वाला धारमिकतान फोव हिव मेवीन वेरतला छे.

फिलेमोन 1:5

काहाकि मे तारा तीना मोंग एने भुरसान वाते सोमवतलु, यो आखा चुखला माणसो पुठी एने प्रभू येसु पोर छे.

तीतुस 2:10

चुरी चालाकी नि कोरे, पुन आखा भातीन पुरा विश्वासी जुवे कि चे आखा वातोमा आमरा छुटकारू आपनेवावा परमेश्वरोन प्रचार शोभा बोढावु.

2 तीमथी 4:7

मे वारली कुस्ती लोळ लेदलु छे, मे मारी लोळाय पुरी कोर लेदलु छे भुरसान मुवावी कोरलु छे.

1 तीमथी 1:19

एने भुरसू एने हीना वारला ग्यान काजे धोर रोय, जीनाक छेटो कोरणे कोरता भुरसान ढोंड्यो डुब गोयी.

1 तीमथी 1:11

यो कि सोयावू परमेश्वरोन महिमान हीना वारली खोबरोन अनसारे छे जो मेसेक आपलो होतो.

प्रेषित 2:46

चे एक मोन लागाळीन दाहळीन मंदीरमा जाता होता एने घोर-घोर सूट खाता जायन खुशी एने मोनोसी एखठा खाणो भांगीन खाता रोयता होता.

मत्ती 12:25

चू तिंदरा मोनोन विचार जानीन तीनु काजे कोयू, “जिना काहना राजमा फुट पोळे ती, चो उजाळ होय जातलो; एने एक सोहोरोमा नीती घोरोमा फुट पोळतेली, टेकिन नि रोये.”

1 थिस्सलुनीकियो 3:6

बाकीन हिमी तीमथीयुस, जू तुमरेनचा गोथू आमरेनचा आवलु छे, तुमरु भुरसू एने मोंगोन वारली खोबर सोमवाळ्यु एने इनी वातो काजे बी सोमवाळ्यु कि तुमु हमेशा मोंगसी आमु काजे फोम कोरतेला छे, एने आमरे देखनेन मोर्जी राखतला छे, जोसा आमु बी तुमुक देखनेन.

कुलुस्सि 1:4

काहाकि आमु सोमवला कि मसिह येसु पोर तुमरू भुरसू छे एने आखा चुखला भाशोसी मोंग राखतला छे,

फिलिप्पि 2:24

एने प्रभूमा मेसेक भुरसू छे कि मे भी छाटू आवीस.

इफिसीयो 1:15

इना रितीसी, मे बी तीना भुरसान जो तुमु माणसोमा प्रभू येसु पोर छे एने आखा चुखला माणसोन कोरता मोंगोन वारली खोबर सोमवीन.

इफिसीयो 1:13

एने तीनामा तुमरे पोर बी, जेतार तुमु खोरलो वचन सोमव्या जो तुमरे छुटकारान वारली खोबर छे एने जीना पोर तुमु भुरसू कोऱ्या, वायदा कोरला एने पवित्र आत्मान छापू लाग्यू.

गलातियों 1:7

बाकीन चू दिसरी वारली खोबर होय नी, पुन वात जी छे कि कोतरा ओसा जा तुमुक बिहाळ देतला एने मसिहन वारली खोबर काजे बिगाळनेन देखतला छे.

2 कुरीन्थियो 9:13

काहाकि इना सेवा काजे कबूल कोरीन चे परमेश्वरोन महिमा सामने लावतेला छे, कि तुमु मसिहन वारली खोबर काजे सोमवीन मानीन तेरे स्वाधीन मा रोयतला एने तिंदरी एने आखान मदत कोरणेमा उद्धारता प्रगट कोरतेला छे;

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

रोमी 15:29

एने मेसेक मालूम छे कि जेतार मे तुमरेनचा आवीस, ती मसिहन पुरा आशिष सी आवीस.

रोमी 15:16

कि मे दिसरा जातीन कोरता येसु मसिहन सेवक होयीन परमेश्वरोन वारली खोबर प्रचारोन सेवा पुजारा सारको कोर, जिनामा दिसरा जातीन चोळाव जाणेन पवित्र आत्मासी चुखो कोरीन स्वीकार कोराय जासे.

रोमी 10:8

बाकीन ची काय कोये? यो कि “वचन तारे साते छे तारा मुयोमा एने तारा मोनोमा छे” यो चोत भुरसान वचन छे यो आमु प्रचार कोरतेला.

रोमी 1:9

परमेश्वर जेरी सेवामा आपनी आत्मा काजे तेरा पुऱ्यान वारली खोबरोन बारामा कोयतेला छे होयुत मारू गोवा छे कि मी तुमु काजे काहना रितीसी हमेशा फोम कोरतू रोयतेलू.

रोमी 1:5

तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,

प्रेषित 24:24

थुलाक दाहळा बाद फेलिकस तेरी लाडी दुसिल्ला साते चा आव्यु ची एक यहुदि बायर होती फेलिकस पौलुस काजे बुलावने मूकल्यु एने येसु मसिहन भुरसान बारामा तीनासी सोमव्यू.

फिलिप्पि 1:5

इनान कोरता कि तुमु पेहेले दाहळे गोथो हिमी तोक वारली खोबरोक पोसरावनेमा मारे साते जुळायला होता.

फिलिप्पि 3:20

बाकीन आपनो देस सोरगोमा छे; एने आपनु छुटकारू आपन्यु प्रभू येसु मसिहनचा गोथो आवनेन वाट जुवतला छे.

फिलिप्पि 4:1

इनान कोरता हे मारा मोंगावा भाशो जीनामा मारो मोन लागलो रोयतेलो छे, जो मारो खुशी एने मुकुट होये, हे मोंगावा भाशो प्रभूमा इना रितीसी बोनला रोयू.