मरकुस 4:11 - बारेली पावरी

¹¹ चू तीनु काजे कोयू, “तुमु काजे ते परमेश्वरोन राजोन भेदोन सोमोज आपलो छे, बाकीन बारथे वावा जुगू आखा वाते दाखलासी होयतेली.”

मरकुस 4:11 Referans Kwoze

मत्ती 11:25

तिनी टेमे येसु कोयू, “हे बासो, सोरग एने धोरतीन प्रभू, मे तारो धन्यवाद कोरो कि तू इनी वातो काजे ग्यानी एने समजदारीसी डुकाळीन मेक्यू, एने पुऱ्या काजे आप देदू.”

लुका 8:10

येसु कोयू, “तुमु काजे परमेश्वरोन राजोन भेद सोमजणेन कोरता सोमोज आपली छे, बाकीन दिसरा काजे दाखलासी सोमवाय जातलो छे, इनान कोरता” चे देखीन बी नी देखे, एने सोमवीन बी नी सोमजे.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

1 थिस्सलुनीकियो 4:12

काहाकि बारथे वावान तोरोफसी आदोर हासील कोरु, एने तुमु काजे कहानला चीजोन कोमी नि होये.

कुलुस्सि 4:5

टेमो काजे किमती सोमजीन बारथे वावा साते ग्यानसी व्यहवार कोरु.

1 तीमथी 3:7

एने बारथे वावामा बी हेरा वारलो नाव होय, ओसो नी होय कि बोढाई होयीन भुतडान फांदामा फोस जाये.

इफिसीयो 1:9

काहाकि चू आपना मोर्जीन भेद तिना वारला विचार एरे अनसारे आमु काजे देखाळ्यू जीनासी चू आपना खुदोमा विचार कोऱ्यु.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

मत्ती 16:17

येसु तीनु काजे जोवाब आप्यू, “हे शिमोन, योनान पुऱ्यु, तू सोयावू छे; काहाकि मास एने लुयसी नी बाकीन मारू बास जू सोरगोमा छे, जी वात मार पोर देखाळलु छे.”

मत्ती 13:16

बाकीन सोयावा छे तुमरा डूवा, कि चे देखतला छे; एने तुमरा कानटा कि चे सोमवतला छे.

1 कुरीन्थियो 4:7

काहाकि तुमरेमा एने दिसरामा कून मोटाय कोरे? एने तारे जुव काय छे जो तू दिसरासी नी लेदू? एने जेतार कि तू दिसरासी लेदलु छे, ती ओसी मोटायकी काहा कोरे कि माणू नि जोळ्यो?

मरकुस 3:23

एने इनान कोरता चू तीनु काजे साते बुलावीन तीनु काजे दाखलासी कोयने बाज गोयू, “भुतडू कोसू भुतडा काजे निकाव सोकतेलु?

मरकुस 4:2

एने येसु तीनु काजे दाखलामा लोकेत वाते सिकाळने बाज गोयू, एने सिकाळतू जाईन तीनु काजे कोयू,

मरकुस 4:10

जेतार चू एखलु रोय गोयू, ती तेरा सातीदार बारा जोना तीना काजे इना दाखलान बारामा पुछ्या.