लुका 9:41 - बारेली पावरी

⁴¹ येसु जोवाब आप्यू, “हे कोम भुरस्या एने एक हेटी माणसो, मे का तोक तुमरे पुठी रोयीस एने तुमरो वेठीस? तारा पुऱ्या काजे न्या लाव.”

लुका 9:41 Referans Kwoze

योहान 20:27

तेत्यार चू थोमा काजे कोयू, “तारी आंगवी न्या लावीन मारा हातो काजे देख एने तारू हात लावीन मारा कुखीमा घाल, एने कोम भुरस्या नि बाकीन विस्वासी बोन.”

योहान 14:9

येसु तिना काजे कोयू, “हे फिलीप, मे ओतरा दाहळासी तुमरे साते छे, एने काय तू मेसेक नि उवेखतू? जू मेसेक देखलू छे चू बासो काजे देखलू छे. तू काहा कोये कि बासो काजे मेसेक देखाळ?

मरकुस 9:19

यो सोमवीन चू तीनु काजे जोवाब आपीन कोयू, “हे कोम भुरस्या माणसो, मे का तोक तुमरे साते रोयीस? एने का तोक तुमरो सोहीस? हिना काजे मारेंचा लावू.”

मत्ती 17:17

येसु जोवाब आप्यू, “हे कोम भुरस्या एने हट्टी माणसो, मे का तोक तुमरे पुठी रोयीस? का तोक तुमरो वेठीस? तीनाक या मारेनचा लावू.”

इब्रानियो 7:25

आखरी, जू तेरे लारे परमेश्वर साते आवतेला चू तिंदरो पुरो-पुरो छुटकारू कोरनेन ताकत छे काहाकि चू तिंदरेन कोरता निवेदन कोरणे हमेशा जीवतलु होये,

इब्रानियो 4:11

इनान कोरता आपनु तिना आरामोन भोरायने कोरता कोशिश कोरु, कोदि ओसो नी होयो कि तीना रितीसी आग्या नी मानणेन वजेसी काहनास माणसोन नाश होय जाय.

इब्रानियो 4:2

काहाकि आमुक तिंदरेन तोसा वारली खोबर सोमवाळ देदा, बाकीन तीना सोमवला वचनोसी तीनु काजे काहीन फायदू नी होयो, काहाकि सोमवने वावा मोनोमा भुरसासी नि बोठ्या.

इब्रानियो 3:19

आखरी आपनु देखतला कि बिना भुरसान कोरता चे भोराय नी सोक्या.

रोमी 2:4

काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे?

प्रेषित 13:18

चे चावीस साल तोक बोयळामा तिंदरो सोहोन कोऱ्यु.

प्रेषित 2:40

एने घोन सोवटी दिसरी वातोसी गोवायी आपीन तीनु काजे रावन्या कोरतू रोयू कि, इनी नाणी पिढीमा गोथू वाचाड.

लुका 8:25

तेत्यार चू तीनु काजे कोयू, “तुमरू भुरसू का होतु?” बाकीन चे बिह गोया एने वाहारायीन आपोसमा कोयने बाज गोया, “यु कून छे जू आंजी एने पाणी काजे आग्या आपतलु, एने चे तेरी मानतेला?”

मत्ती 16:4

“इनी कोवीन भुंडला एने व्यभिचारी माणसे चिन्ह हेरतेला, बाकीन योनान चिन्ह छुळीन तीनुक काहनो ओवी कुदाक चिन्ह नी आपाये” एने येसु तीनु काजे छुळीन जात रोयू.

मत्ती 12:39

चू तीनुक जोवाब आप्यू, “इनी कोवीन भुंडा एने व्यभिचारोन माणसे निशाणी हेरतेला, बाकीन योना भविष्य कोरतान निशाणी काजे छुळीन कानली ओवी निशाणी नि आपाये”.

मत्ती 3:7

तेत्यार चू लोकेत फरुशी एने सदुकी काजे बाप्तिस्मा लेणे कोरीन तेरेनचा आवतेला देख्यू, ती तीनुक कोयू, “हे जेहेर वावा घोळसान पिला, तुमुक कून जोताळलो कि आवने वावा परमेश्वरोन दोंडसी ढासने?”

मरकुस 10:49

तेत्यार येसु उबरोयीन कोयू, “हिना काजे बुलावू” एने माणसे तीना आंदवा काजे बुलावीन तीना काजे कोया, “हिंमत बाद! उठ! चू तुसेक बुलावे.”

मरकुस 10:14

येसु यो देख्यू रीसवायीन तीनु काजे कोयू, “पुऱ्या काजे मारेंचा आवने देयू एने तीनु काजे मोना मा कोरू, काहाकि परमेश्वरोन राज ओसला जून छे.

मत्ती 23:36

मे तुमु काजे छाचलीन कोय कि, जे आखा वाते इनी टेमोन माणसे पोर आवीन पोळसे.

मत्ती 12:45

तेत्यार चू जायीन तेर गोथी सात भुंडली आत्मा काजे तेरे साते लीन आवतेली, एने चे चा वास कोरे एने तिना माणसोन पेहली दशासी पोछली दशा जादा भुंडी होय जातली छे. इनी कोवीन भुंडला माणसोन हालत बी ओसीत होयसे.”

मत्ती 11:28

हे आखा मेहनत कोरणे वावा एने भारोसी दाबायला माणसे, मारेनचा आवू; मे तुमु काजे आराम आपीस.

लुका 9:40

मे तारा चेला काजे विनता कोऱ्यु कि तीनाक निकावू, बाकीन चे नि निकाव सोक्या”

लुका 9:42

चू आवनेत बाज रोयू होतु ती भुंडली आत्मा तीनाक आसटीन पीव्वी देदी, बाकीन येसु भुंडली आत्मा काजे धोमकाव्यू एने पुऱ्या काजे वारू कोरीन तेरा बासोन होवाले कोर देदू.