लुका 9:12 - बारेली पावरी

¹² जेतार दाहळू ढोवणे बाज गोयू ती बारा जोना आवीन येसु काजे कोया, “गोरदी काजे मुकली दे कि चारू धोळेन गावे एने वोसत्यामा जायीन रोये एने खाणेन सोय कोरे, काहाकि आपनु न्या सुनसान जागे छे.”

लुका 9:12 Referans Kwoze

मत्ती 15:23

बाकीन चू तिनीक काहीन जोवाब नी आप्यू तेत्यार तेरा चेला आवीन तीना काजे विनता कोऱ्या कि, “इनाक मुकल दे, काहाकि ची आमरे पोछोव आयळती जायीन आवने बाज रोयी.”

योहान 6:1

इनी वातोन ओवतेन येसु गलीलोन दारीयामा मतलब तिबिरियासोन दोरीयान पोल धोळे गोयू.

मत्ती 15:32

येसु तेरा चेला काजे बुलावीन कोयू, “मेसेक इनी गोरदी पोर गिन आव रोयू, काहाकि चे तीन दाहळा गोथा मारे साते छे एने तिंदरे जुवू काहीन खाणे नी होय मे इनुक भूकला मुकलने नी हिंडतू कोबी ओसो नि होये कि वाटी पोर थाकीन रोय जाय.”

मत्ती 14:13

जेतार येसु यो सोमव्यू, ती चू ढोंड्या पोर चोळीन चा गोथू काहनास सुनसान जागामा, एखलामात जात रोयू माणसे यो सोमवीन सोहोर-सोहोरोमा पायेत तेरे पोछोव चाल पोळ्या.

लुका 9:11

यो सोमवीन गोरदी तेरे पोछोव चाल पोळी, एने चू खुशीसी तीनुक भेट्यू, एने तिंदरे पुठी परमेश्वरोन राजोन वाते कोरणे बाज गोयू, एने जीनुक आरगाई जुवती होती तीनुक आरगाई आप्यू.

लुका 9:13

चू तीनुक कोयू, “तुमुत तीनु काजे खाणो आपु” चे कोया, “आमरे जुव पाच रुटा एने दुय माछा छुळीन ओवी काहीन नी होय; बाकीन होव हीमी आमु जायीन इनू आखा माणसो जुगू खाणो मुले लेये ती होय सोकसे” चे माणसे ते पाच होजारोन आस पास ओदमीत होता.

फिलिप्पि 1:19

काहाकि मेसेक मालूम छे कि तुमरी प्रार्थनान लारे, एने येसु मसिहन आत्मान दानोन लारे, एरो प्रतीफोव मारो छुटकारू होयसे.