लुका 8:8 - बारेली पावरी

⁸ काहनोस वारले जागे पोळ्यो, एने उगीन सोव गुणा फोव लाव्यो” यो कोयीन चु उचा बुलोमा कोयू, “जिंदरा सोमोवणेन कानटा छे चे सोमवी लेये.”

लुका 8:8 Referans Kwoze

मत्ती 11:15

जिंदरा सोमवनेन कानटा होसे, चे सोमवी लेवू.

प्रकाशित वाक्य 2:11

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, तीनु काजे दुसरी मोरोनसी नुकसान नी होये.

प्रकाशित वाक्य 2:7

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, मे तीनु काजे तिना जीवनोन झाडोमा गोथू जो परमेश्वरोन सोरगो लोकमा छे, फोव खाणेन कोरीन आपीस.

मरकुस 4:20

एने जो वारले जागे वेराय गोयो, ये चे छे जे वचन सोमवीन स्वीकार कोरतेला एने फोव लावतेला काहनो तीस गुणा, काहनो साठ गुणा एने काहनो सोव गुणा.

मरकुस 4:8

बाकीन काहनो वारला जागा पोर पोळ्यो, एने चो उग गोयो एने वोदीन फोव गोयो एने काहनो तीस गुणा, काहनो साठ गुणा, एने काहनो सोव गुणा फोव लाव्या.

मत्ती 13:23

जो वारली जागामा वेरायतलो छे; यो चो छे चू वचन काजे सोमवीन सोमजी लेतलु एने फोव लावतलु; काहनुस सोव गुणा, काहनुस साठ गुणा, एने काहनुस तीस गुणा.

लुका 8:15

बाकीन वारली जागा मायला ये चे छे, जे वचन सोमवीन वारू एने घोनो वारू आपना मोनोमा सोमावीन राखतला एने धीर धोरीन फोवे लावतेला छे.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

इफिसीयो 2:10

काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

मरकुस 4:23

अगर कुदान सोमवनेन कानटा होय, ती चू सोमवी लेये.”

मरकुस 7:16

(हिमी कुदान सोमोवणेन कानटा होय ती सोमवे).”

लुका 8:7

काहनोस झाडवाट्यामा पोळ्यो, एने काटाव्या साते-साते वोदीन तीनाक डाब देदा.

लुका 14:35

चो नि ते धोरतीन एने नी खाणेन काममा आवतेलो तीनाक ते माणसे बारथे नाख देतला जिंदरा सोमोवणेन कानटा छे चे सोमवी लेये.”

प्रकाशित वाक्य 3:6

जेरा कानटा होसे चू सोमवी लेये कि आत्मा मंडव्या काजे काय कोये.

प्रकाशित वाक्य 3:13

जेरा कानटा होसे चू सोमवी लेये कि आत्मा मंडव्या काजे काय कोये.”

प्रकाशित वाक्य 13:9

जेरा कानटा होसे चू सोमवे.