लुका 8:21 - बारेली पावरी

²¹ चू इना जोवाबमा तीनु काजे कोयू, “मारी आया एने मारा भाश येत छे, जे परमेश्वरोन वचन सोमवतेला एने मानतला.”

लुका 8:21 Referans Kwoze

याकुब 1:22

बाकीन वचन पोर चालने वावू बोनु, एने निस्तु सोमवने वावू नि जू आपनो आप काजे धोकू देतलु छे.

योहान 13:17

तुमु जे वाते जानतेला, एने ओगर तीनु पोर चाले ती सोयावा छे.

3 योहान 1:11

हे मोंगावा, बुराई नि बाकीन भोलाईन कोरण्या सारका रोयू जू वारलो कोरतेलू छे, चू परमेश्वर जुव गोथू छे, बाकीन जू बुरो कोरतेलु छे, चू परमेश्वर काजे नि देख्यू.

1 योहान 2:29

जोर तुमु जानता होसे कि होया धोरमी छे, ती यो बी जानता होसे कि जू कुदू धोरमोन काम कोरतेलु छे चू हीनासी पोयदा होयलू छे.

2 कुरीन्थियो 6:18

एने मे तुमरू बास होयीस, एने तुमु मारा पुऱ्या एने पुरायटा होयसू यो आखा गोथू ताकत वावू प्रभू परमेश्वरोन वचन छे.”

लुका 8:15

बाकीन वारली जागा मायला ये चे छे, जे वचन सोमवीन वारू एने घोनो वारू आपना मोनोमा सोमावीन राखतला एने धीर धोरीन फोवे लावतेला छे.

2 कुरीन्थियो 5:16

आखरी, हिमी गोथा कुदा काजे डीलोन अनसारे सोमजी रोया होता अगर आपु मसिह काजे बी डीलोन तोसा जानता होता ते बी हिमी गोथा हिना काजे तोसो नी जाने.

योहान 20:17

येसु तिनी काजे कोयू, “मेसेक मा छिमे, काहाकि मी हिमी तोक बासोनचा उपोर नि गोयू, बाकीन मारा भाशोनचा जायीन हिनु काजे कोय दे, कि मे मारा बास एने तुमरू बास, एने मारू परमेश्वर एने तुमरू परमेश्वर तेरेनचा जाम.”

मत्ती 25:40

तेत्यार राजा तीनुक जोवाब आपसे, “मे तुमु काजे छाचलीन कोय कि, तुमु जे मारा नानामा नाना भाशोमा गोथा काहना एका साते कोऱ्या चो मारे साते कोऱ्या.”

मत्ती 17:5

पतरस बुलतु होतु कि एक धोव्वो वादवो तिंदरे पोर छावाय गोयो, एने तिना वादवा गोथू यु बुल निकव्यू “यु मारू मोंगावू पुऱ्यु छे, जीनासी मे खुश छे तेरी सोमवू.”

मत्ती 28:10

तेत्यार चे येसु तीनु काजे कोयु, “मा बिहु; मारा भाशो काजे जायीन कोयू कि गलील काजे जात रोये, चा मेसेक देखसु.”

मत्ती 25:45

तेत्यार चू तीनुक जोवाब आपसे, ‘मे तुमु काजे छाचलीन कोय कि, तुमु जे इना नानलामा गथा नानला एक साते बी नी कोऱ्या, चू मारे साते बी कोऱ्या,

लुका 8:20

तीनाक कोया, “तारी आया एने तारा भाश बारथे उबरोय रोया तुसेक भेटने कोर रोया.”