लुका 8:13 - बारेली पावरी

¹³ चाफऱ्या पोरला चे छे कि जेतार सोमवतला, ती खुशीमा वचन काजे स्वीकार ते कोरतेला बाकीन मुवे नि धोरणेसी चे थुलिक वार तोक भुरसू कोरतेला एने पारखोन टेमे घाबराय जातला.

लुका 8:13 Referans Kwoze

योहान 5:35

होयु धोपतलू एने चोमोकने वावू दिवू होतु, एने तुमुक काहीन टेमे तोक तेरा विजावामा मगन होय जानो वारू लाग्यो.

यहुदा 1:12

जे तुमरी मोंगोन सभामा तुमरे पुठी खातला-पितला, दोरीयामा डूकायला दोगळा सारखा छे, एने बेधडक आपनोत पेट भोरनेवावा राखवाव्या छे; चे बिना पाणीवावा वादवो छे, जीनुक वाहवो उळाव ली जातलो छे; पांटा गोवनेन बिना फोवोन झाड छे, जे दुय कावार मोर गोयला छे, एने मुवोम गोथा उखवी गोयला छे;.

2 पतरस 2:22

तिंदरे पोर जी कोहावत बोराबोर बोसतली, कि कुत्रा आपनी उखवला भूनी एने उंगवावली सुवरीन कीचळमा घोसडायनेन कोरता पोछि जात रोयतली.

2 पतरस 2:20

जेतार चे प्रभू एने छुटकारू आपनेवावू येसु मसिहन उवोखन लारे जोगोन भाती भातीन विटोवायला सी वाचीन निकव्या, एने ओवी तीनामा कोरीन हार गोया ती तिंदरी पोछली हालत पेहेले गोथी बी भुंडी होय गोयली छे.

इब्रानियो 10:39

बाकीन आमु छेटा होयने वावा नि होय कि आमु नाश होय जाय, बाकीन भुरसू कोरणे वावा छे कि जीव काजे वाचाळे.

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

याकुब 2:26

आखरी जोसो डील आत्मा बिगर मोरली छे, तोसो भुरसू कामो बिगुर मोरलु छे.

1 तीमथी 1:19

एने भुरसू एने हीना वारला ग्यान काजे धोर रोय, जीनाक छेटो कोरणे कोरता भुरसान ढोंड्यो डुब गोयी.

1 थिस्सलुनीकियो 3:5

इना वोजेसी जेतार मेसे काजे एने नि रोवायो, ती तुमरा भुरसान हाल जाननेन कोरीन मुकल्या, कि कोदि ओसो नी होये कि पारख कोरणे वावू तुमरो पारख कोरलु छे, एने आमरी मेहनत वायबार होय जाय.

कुलुस्सि 2:7

ओवते तीनामा थुळ धोरीन बोढता जावू; एने जोसो तुमुक सिकाळलो होतो तोसोत भुरसामा पाका बोनता जावू, एने जादासी जादा धन्यवाद कोरता रोयू.

गलातियों 3:4

काय तुमु ओसा दुख वायबारुत झेल रोया? बाकीन कांखुर माहीन वायबार नी.

गलातियों 3:1

हे बिनादिमाकोण गलातिन माणसे, कून तुमु काजे मोनवी रोयू? तुमरो ते जोसो तुमरा डूवान सामने येसु मसिह ख्रुस पोर देखाळ छे.

1 कुरीन्थियो 15:2

हीनान लारे तुमरू छुटकारू बी होयतेलु छे, कोदि तिना वारली खोबर काजे जो मे तुमुक सोमवाळलु होतु फोम कोरता रोयू; नीती तुमरो भुरसू कोरनो वायबार होयो.

योहान 15:6

ओगर कुदु मारेमा जूळाय नि रोये, ती चू डाविन तोसु नाखाय जातु, एने सुक जातला छे; एने माणसे तीनुक एखठा कोरीन आगठामा नाख देतला छे, एने चे बी जातला छे.

योहान 15:2

जी डाव मारेमा छे ची नी फोवतली, तिनीक चू काट नाखसे; एने जी फोवतली छे, तिनीक चू छाटतलु छे काहाकि ओवी फोवे.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

1 कुरीन्थियो 13:2

एने ओगर मे भविष्यवाणी कोर सोको, एने आखा भेद एने आखा भातीन ग्यान काजे सोमजो एने मेसेक या तोक भुरसू छे कि बोयळा काजे छेटू कोर दिस, बाकीन मोंग नी कोरे, ती मे कायबी नी होय.

मरकुस 6:20

काहाकि हेरोद योहान काजे धोरमी एने चुखला माणसे मानीन तीना काजे बिहतु होतु, एने तीना काजे वाचाडीन राखतू होतु, एने तेरी वाते सोमवीन घोनु बिहतु होतु, बाकीन खुशीसी सोमवतू होतु.

1 योहान 2:19

होया निकोवला ते आमरेमा गोथो छे, पुन आमरे मायला नि होता काहाकि जोर होया आमरे मायला होता, ती आमरे साते रोयता; पुन इनान कोरता निकवी गोया कि यो प्रकट होयो कि होया आखा आमरे मायला नि होय.

लुका 8:12

वाटी धोळे वावो चे जे छे, जे सोमव्या; तेत्यार भुतडा आवीन तिंदरे मोनोमा गोथो वचन चुटीन ली जाती रोयतलु कि कोदि ओसो नि होये कि चे भुरसू कोरीन छुटकारू लेये.

लुका 8:14

जो झाडक्यामा पोळ्यो, यो चे छे जे सोमोवतला, बाकीन ओगा चालीन चींता, एने धोन, एने जीवनोन सुखोमा फोस जातला छे एने तिंदरो फोव नी पाकतलो.